ادري انه صارت لي فتره طووووووويله ماكتبت هنا والسبب مثل ماتقولون مشاغل الحياة الكثيره :)
على العموم انا بعد قرائتي لموضوع اخوي PC Master وتقريره الجميل عن الزيلاس الجديده وكان تقريره وافي بس الصراحه صاااااادني احباط شديد من تويوتا وتفكرهم السطحي جدا وسكوت الناس عنهم ايضا !!!!
مثلكم عارف اني من عشاق السبورت الياباني ومايهمني نوع الشركه دام انها تعطيني قياده ممتعه واستجابه تطربك خصوصا اني امتلك عدة سيارات رياضيه من اكثر من شركه ومنها السوبارو امبريزا وتويوتا كورولا AE86 وحاليا mx5
لكن بعد قرائتي لموضوع اخوي هنا
http://www.assayyarat.com/forums/thread228755.html
صادتني نوبة غضضضضضضضضضضضب على تويوتا وصرت اكرهم بشكل كبير جدا على طريقة تسويق السيارات عندهم!!!
انا ما أقول انه الزيلاس سيئة لا بالعكس ..... الزيلاس (اللي هي سيون tc بامريكا) من افضل السيارات الرياضيه ذات السعر المعتدل بامريكا حاليا وادائها بالنسبه لسعرها مرضي جدا (سعرها فل ابشن عندهم 75 الف ريال ولاتنسوا انها تتوفر بجير عادي 6 غيار + LSD امامي اختياري طبعا )
لكن تفاجأت انه السياره متوفره عندنا فقط بجير اتوماتيك (اوكيه فيه ناس تحب التماتيك .... بس بعد وين حقنا احنه عشاق القياده وخصوصا الجير العادي؟؟؟) وايضا السعر المرتفع واللي هو اكثر من 100 ريال على سياره صنعت في الاساس على انها تكون رخيصه ومتوفره لكل الشباب ؟؟؟؟
لكن نجي لهدف موضوعي الاساسي؟ لاني ماكنت اصلا حاط في بالي اني اخذ زيلاس لاني حاط في بالي سياره ثانيه من تويوتا بتنزل قريب ....
السياره اللي اقصدها هي الـ FT86
مدري اذا تعرفون هالسياره او لا ..... لكن الاعلان الرسمي للسياره بالمواصفات النهائيه واللي راح تدخل خط الانتاج (من موقع تويوتا اليابان) بيكون بعد 90 يوم من الان والسياره راح تطرح للسوق عالما بعد 11 شهر
للي مايعرف هالسياره ..... هي فكرتها نفس فكرت الزلاس (توفير سياره رياضيه اقتصاديه وبسعر رخيص للناس) لكن فيه نقطه احب اذكرها وهي اللي خلتني احط في بالي اني احجز السياره عندنا اول ماتزل نهاية 2011
اولا المحرك وهو محرك سوبارو 2.0 لتر (بدون تيربو طبعا) وينتج قوه مابين 160 إلى 220 حصان (طبعا بعد 90 يوم من الان تويوتا بتعلن القوه النهائيه للسياره)
وثانيا السياره دفع خلفي وبتكون متوفره بجير عادي 6 غيار (الزيلاس امامي)
وثالث السياره ماراح يتعدى وزنها 1100 كيلو (الزيلاس 1450 كيلو تقريبا)
والافضل من هذا كله بـ 23 الف دولار (اي 84 الف ريال لسياره رياضيه دفع خلفي من تويوتا وتتسع لـ 4 اشخاص بالغيين)
اللحين بقول لكم شنهو اللي قااااااااااهرني من تويوتا وباط كبيدي منهم (مع اني من عشاق تويوتا بس والله ما انسى هالركه منهم ومن تخبطهم واستغلال الناس بس علشان شهار تويوتا؟؟؟)
اولا مثلكم عارف انه تويوتا عندنا مستحيييييييييييييييييييييييييييييل ينزلون سيارتين من نفس الفئه؟؟ وما ابي اشرح الموضوع لان اكيد الكل يعرف هالحركه من تويوتا من زمان؟
ثانيا عقلية السوق عندنا هنا (وهذا شيء خطا ومش دايما صحيح) انه السياره الدفع الخلفي دائما تكون اغلى سعرا من السيارات الدفع الامامي؟؟ وهذا شيء خطا لانه لو تشوفون السوق عدل راح تلقون سيارات من الوكاله ودفع خلفي ارخص من سيارات اخرى دفع امامي ...... وهذا يلغى فرضية انه الدفع الخلفي اغلى من الامامي ....... بس وكالاتنا المحترمه تحب تلعب على عقول الناس المساكين ولو تويوتا فكرت تنزل الـ FT86 وفكرت على هالاساس فهذا معناته انه السياره راح يكون سعرها اكثر من 120 الف ريال على اساس انها دفع خلفي؟؟؟
والقهر انه تويوتا الام (اليابان) معلنين رسيما انه سعرها بيكون 23 الف دولار (اي 84 الف ريال سعودي) لانه الهدف من هالسياره انها مثل ماقلت توفير سياره رياضيه للشباب وبسعر رخيص بحيث الكل يقدر يتشريها ويتمتع بها
واللي مستغرب منه انه محد في موضوع اخوي PC master تكلم عن الـ FT86 بس لاحظت انه بعض الناس قالوا انه دام الزيلاس بهذا السعر اكيد راح ياخذون اريون وكذا سياره ثانيه بنفس السعر لكن بمحركات اقوى وتتسع لناس اكثر مع العلم انه معروف انه السيارات الرياضيه/السبورت معروف انها اصلا انها مش مصممه لتحميل الركاب ولكن لمتعه القياده فقط ...... وانا اللي مستغرب منه انه فيه فرق كبير بين الفئتين؟؟ يعني المقارنه بعد خطأ حيث انه هذي 4 ابواب سيدان والثانيه 3 ابواب هاتشباك والمفروض لو كانوا يقارنون سعرها بسيارات نفس السعر لكن افضل كان المفروض يتكلمون عن سيارات من نفس الفئه (يعني سفك تايب ار ,,,, جولف ,,,, سيات وغيره من السيارات اللي تتوفر بـ 3 ابواب او كوبيه)
في الاخير احب اعرف رايكم في الموضوع .....
هل بعد نزول تويوتا زيلاس لسوق الخليج .... خل ترون انه في امكانيه انه تويوتا تنزل الـ FT86 لسوقنا مع العلم انها من نفس فئة الزيلاس؟؟ (حبيت انوه انه الـ FT86 اصغر من الزيلاس بنسة 20% تقريبا وهذي حركه تعمدتها تويوتا في تصميم السياره لضمان استجابه اعلى واداء افضل من السيارات الثقيله)
