اكــــــــــX6ـس VS رنــRange Reverــج

XxKUwAiTixX @user_249028 · 24-12-2010

الـــــــٍسلام عليكم ورحمة الله وبركاته

انا داش هالمنتدى وكلي امل انكم تفيدوني ضروري جزاكم الله خير

محتار بين سيارتين
X6 ستة سلندر 2011
Range Rover سبورت 2010 جديدة من الوكالة

الاثنين نفس السعر تقريبا

ابي الافخم , والافضل , والاريح

وايد سمعت ان الرنج خراباته كثيرة خصوصا الهايدروليك والكهرباء
(وكالة الكويت تعطيك 5 سنوات كفالة+5 سنوات صيانة)
والاكس 6 يعطونك 4 سنوات كفالة و4سنوات صيانة

وجهة نظري حرام اشتري سيارة 6 سلندر بنفس سعر 8 سلندر رنج

ارجوكم احتاج مساعدتكم لان نص العايلة يقولون اكس 6 والنص الثاني رنج

انا اميل 55 للرنج روفر و45 للأكس6

وبارك الله فيكم

XxKUwAiTixX @user_249028 صاحب الموضوع · 24-12-2010

ياجماعة رحت كراجات تصليح الرنج روفر

قالولي الهايدروليك خراباته كثيرة واذا خرب لازم يتبدل والوحده الجديدة بـ170 دينار

حتى الجديد

3.7 @user_248076 · 24-12-2010

X6 بدون تفكير .. الموتر هذا يستاهل كل ريال يندفع فيه ..

m_001 @user_240750 · 24-12-2010

هــلا اخـــوي ...

بصــراحــة السيــارتيــن من اجمــل وافضــل الســـيارات ...

لكــن يجب ان تكــون واحدة افضل من الاخرى .... اذا ً ..... لنجـــري مقارنة بسيــطــــة بين السيارتين لايضاح الرؤيــة ..

** المـــواصفــات الفنيـــة **

* BMW X6 *

المحرك الاساسي : 3 لتر / 6 اسطوانات ( توربو ) / 306 حصان
المحرك الاختياري : 4.4 لتر / 8 اسطوانات ( توربو ) / 407 حصان
منطومة الدفع : رباعي
ناقل الحركة : آلي 6 سرعات
الطول : 488 سم
العرض : 198 سم
الارتفاع : 169 سم
قاعدة العجلات : 293 سم
المكابح : الامام ( اسطوانة مهواة ) / الخلف ( اسطوانة )
الوزن : 2145 - 2265 كجم
سعة خزان الوقود 85 لتر
استهلاك الوقود :10.9 / 12.5 ( V8 )
التسارع من الصفر الى 100 كم : 6.7 ثانية / 5.4 ثانية ( محرك الـ V8 )
السرعة القصوى : 240 كم / 250 كم

* رنـ RANGR ـــج روفــ ROVER ـــر سبـ SPORTـــورت *

المحرك الاساسي : 5 لتر / 8 اسطوانات / 375 حصان
المحرك الاختياري : 5 لتر / 8 اسطوانات ( سوبر تشارجر ) / 510 حصان
منظومة الدفع : رباعي
ناقل الحركة : آلي 6 سرعات
الطول : 478 سم
العرض : 193 سم
الارتفاع : 178 سم
قاعدة العجلات : 274 سم
المكابح : الامام ( اسطوانة مهواة ) / الخلف ( اسطوانة مهواة )
الوزن : 2513 - 2638 كيلوجرام
سعة خزان الوقود : 88 لتر
نسبة استهلاك الوقود : 13.9 لتر (بدون سوبر) / 14.9 ( مع سوبر )
التسارع من صفر الى 100كم : 7.6ثانية / 5.9 ( مع سوبر )
السرعة القصوى : 209 كم ( بدون سوبر ) / 225 ( مع سوبر )

** الصــــور **

RANGE ROVER SPORT

راح نقارن بيــن السيارتين [COLOR=black]( من دون تحيد او تعصب ) في الجوانب الاتية :[/COLOR]

في البداية احــب انــوه ان السيــارتين من افضل السيارات في فئتها وهما اللتان تتربعان العرش ضمن سيارات فئاتها ..

* القوة : البي ام افضل ..
* الفخامة : ال بي ام افضل مع ان الرنج روفر السبورت الجديده تحتوي على فخامة عالية
* جمال الشكل : انا اشوف ان الرنـــج اجمل .. وخصوصا لوكان سبورت اوتوبايوغرافي
* المواصفات : طبعا ً البي ام ... ( وهي غنية عن التعريف من ناحية المواصفات وتربعها على هذا العرش )
* السلامة والامان : انا من وجهة نظري ان السيارتين تتساويان في هذه النقطة
* قطع الغيار : متساويتان
* الاسعار : البي ام افضل
* المحافظة على السعر : طبعا ً البي ام افضل لان الرنج ينزل سعرها بشكل سريع جدا ً وكذلك البي ام لكن الرنج اكثر
* الهيــبه :هذه النقطة لصالح الرنـــج
* الجودة : السياراتين متساويتان في هذه النقطة ( البي ام والرنج جوتهما عالية جدا ً )
* الضمان والصيانة : النتيجة هنا لصالح الرنج روفر سبورت

** الموضوع يعتمد هنا بالدرجة الاولى على الاذواق الشخصية والولاء للماركة ... لان السيارتين لايعلا عليهما ..

بس بصراحة لو خيروني راح اختار الرنج ... ملك الفور ويل ..

Night @user_14595 · 24-12-2010

السلام عليكم ورحمة الله وبركاته

اخي الفاضل XxKUwAiTixX

انا اتفق مع رد اخي SUPERCHARGED

وانصحك بالـ X6 فخامه وقوه ومريحة

وعليك بالاستخارة قبل الشراء وبالتوفيق ان شاء الله

مع التحية

Night

تم نقل الموضوع من قسم ارشيف الاستفسارات الى قسم تقييم ومقارنة السيارات

SUPERCHARGED @user_215095 · 24-12-2010

^
^
كلهم يتجمعون مع بعض بالنقاط اللي ذكرتها مع اني ارشح الرنج بشي بسيط عن الاكس سكس بالفخامه الا ان الاكس سكس يتحمل المشقه اكثر من الرنج

O.Almazroo3y @user_199029 · 24-12-2010

والله كل السيارتين تحتار فيهم ..

والمسألة راجعة لك الآن

الا اذا مثل ما قلتلك اذا تبغى السيارة للبر الاكس 6 مراح ينفع ابدا

اما اذا تبغاها للبر الرينج روفر راح يكفي ويوفي معك

XxKUwAiTixX @user_249028 صاحب الموضوع · 24-12-2010

انا ابي الفخامة والجودة والقوة والافضل من ناحية قلة الخرابات

ابو زايد العنزي @user_222702 · 24-12-2010

اولا : نقول بسم الله
الحين انت يا الاخو محتار بين سيارتين ما شاء الله كل وحدة ازين من الثانية انا اشوف ان الاكس فايف شبابي اكثر
اما الرنج فهو هيبة ورسمي جدا وهي المسالة اذواق اما بالنسبة للخرابات فمثل ما قال سوبر تشارج ان الرنج تحسن كثير وانا اشوف ان ما فية فرق كبير بين عملية الرنج والاكس فايف
انت الشكل الي يعجبك توكل علية وان شاء الله انك تتوفق
تقبل مروري

XxKUwAiTixX @user_249028 صاحب الموضوع · 24-12-2010

ماقصرتوا ياجماعة ولكن محتاج مزيد من آراء الخبراء حتى اقتنع بواحدة من الثنتين باذن الله

O.Almazroo3y @user_199029 · 24-12-2010

^
^

ممتازة جدا توفي وتكفي معك ..لكن ترا السيارة ما تصلح للبر والطرق الوعرة ..

السيارة داخل المدينة فقط ..اما الرنج روفر لا ممكن تستخدمها في البر بكل سهولة

XxKUwAiTixX @user_249028 صاحب الموضوع · 24-12-2010

يعطيك العافية ردك حلو ومنطقي ولكن زدت من حيرتي والله

بخصوص ال300 حصان حق الاكس 6 يعني زين والا شوية ؟

SUPERCHARGED @user_215095 · 24-12-2010

وعليكم السلام ورحمة الله وبركاته ,,

حياك الله أخوي بيننا :)

والله شف الاختيار صعب بين الاثنين

بس بالنسبه لسمعة الرنج بالخرابات والكهرب والهيدروليك ومالى ذلك

كله كلام قديم وللاسف للحين الناس متحفظين فيه من سنة 98 و 99 والى 2001

بس بعد ظهور الجيل الجديد للرنج من 2002 تقلصت الخرابات بشكل ملحوظ وبالـ2006 صار تغيير لمكينة وقير السياره والهيدروليك والخ .. وتقلصت اكثر واكثر

و2010 يعتبر كذلك حصل عليه تغيير باجزائه الميكانيكيه مثل القير والمكينه والهيدروليك والخ وتحسنت جودته بشكل كبير واصبح اقل خربات ,,

انا مااقولك الرنج مايخرب هو حساسه شوي لاكن مب مثل متصورين انه بكل راس عاير " ع قولتكم " يوقف فيك

بكل اختصار الرنج احترمه يحترمك جدا " مجرب " :)

وبالنسبه للاكس سكس صراحه جميل جدا خصوصا باللون الاسود او الفضي مع الجنوط الرماديه !

وترا مكينته صح V6 لاكنه اقوى من تسارع الرنج ابو V8 يعني الاكس سكس يجيب الـ100 خلال 5,9 والرنج يجيب الميه 7,2 طبعا بدون سوبر تشارجد اللي عدد احصنته 375 لاكن ابو 510 يجيبه بـ5,9 ومع العلم مكينة الـX6 عدد احصنتها 300 حصان :D

هنا يكمن الابداع المكاين الالمانيه :D عشان بس ماتقول حرام ادفع على V6 :D

وبالنسبه للبرستيج والوجاهه :

اذا انت تحب الترسيم يعني كاشخ شماغ وثوب ورسمي خذ الرنج لانه ينفع للمرسمين وعلى قولتهم هنا بالرياض الرنج موتر المرسمين :D

لاكن اذا الدعوا كاجول وكذا خذ X6

وانا صراحه ارشح الـX6 لاكن لو كنت محتار برنج روفر فوج كان قلت لك خذ الرنج وانت مغمض :)

موفق اخوي