لمن يعرف مواصفات الاكسبلورر فل كامل - بشتري بس ما لقيت ذيك الخيارات مشورتكم ..

السلام عليكم ,,,

أنا يا أخوان بشتري اكسبلورر والآن حطيت عربون فحص 1000 ريال - لدى البيان الجديد الفرع الرئيسي بخريص والسعر لقيته عندهم زايد اشوي بس المواصفات حدتني عليهم رغم اني ما بحثت في المعارض عشان الضمان وما الضمان .

والمواصفات المطلوبه
هي اكسبلورر 2006 ايدي باور - فتحة - نفقيشن ( شاشة ملاحة ) وكالة - جلد - مكيفين - DVD وكالة- جلد - ثلاث مراتب ( غير مفصولة المرتبة الثانية ) - دبل - مكيفين - حساسات خلفية - مثبت سرعة - سخانات مراتب مع ذاكرة لوضعية المقاعد - مواصفات اخرى ..

طبعاً أغلب الاكسبلورر هناك تلقى فيها صدى على الهوبات خاصة والشاسية والمقصات شي خفيف
هل هذا طبيعي ولا فيه مشكلة .. يا اهل الخبرة في المستورد افيدوني

والسبب يقولون لأنها تقعد في البحر ما يقارب 3 أشهر عشان كذا يطلع عليها صدى

ويطمنوني يقولون ما عليك الا تستلم سيارتك تلمع وجربها ..

المهم اني بجيب لي واحد من اهل الخبرة في التجربة من توكيلات الجزيرة يشوفها وبعد كذا بأفحصها كمبيوتر عند أحد المراكز ..

رأيكم يا اخوان قبل ما اشتري ..

ولو تدلوني على صالة العوهلي وين موقعها في الرياض سمعت في ناس تمدحها او معرض الدوحة أو أي صالة ممتازة أخرى وأن توفرت أرقام تلفوناتهم يكون أفضل

وإذا في من الأخوان من يريد أن يبيع سيارة بشرط يكون فيها المواصفات السابق ذكرها وهي اللي لقيتها لأنها نادرة وخاصة ( النفقيشن والفتحة والجلد والدبل ووو) يعني مواصفات فئة إيدي باور أو ليمتد سواء نفس الموديل أو أحدث منه .

بانتظار تفاعلكم .. لأن الخيار ما زال بيدي وأقدر اشتري من غيرهم ... رغم العربون ..

تحيااااتي