ليه الناس راحو للكوري؟؟!!

ياراعي الموضوع انا برد على مقارنتك والمفروض انك ما تستغرب ابداً اذا الكوري في يوم من الأيام فضله معظم الناس على الياباني..


اغلب المنافسين الي قلت عنهم اسعارهم حرام فيهم لما تقارنهم بسوناتا او اوبيتما 2011 ..
شكل - مواصفات - خدمة - ضمان 5 سنوات - تغير في السمعة -الأعتمادية والعملانية ..الخ


اكيد مع الشكل الجديد راح يرتفع .. قد مرة سمعت في حياتك سيارة تحافظ على سعرها مع مرور اجيال جديدة منها :rolleyes1: ، وبعدين عندك السيفيك، بذمتك هالسيارة تستاهل 78 الف ريال للنص فل بدون فتحة ولا مواصفات مثل الناس؟؟
اما الكورولا .. فحدث ولا حرج .. خلها تصير يابانية اصل بعدين تقارنها بكوري 100%


انزين ليش ما سألت نفسك .. اليارس ليه سعرها (ستاندر) اغلى من الأكسنت فل؟؟
على فكرة .. الستي التايلندية سعرها 58 الف للستاندر .. حتى مسند للكتف ما فيها .. واذا بتقارنها قارنها في جاز الي وصل سعرها فوق ال60 الف



ما عليه ضحكنا شوي عالنقطة الي بالأحمر :bigggrin:
ياريت لو تشوف التطور والقفزة الي قفزتها هيونداي والكيا في كل شي تقريباً واصبح من المستحيل تقارن موديل كوري قديم بموديل كوري جديد..

تحياتي لك وياريتك لو تعرف اني ماني متعصب للكوري (انا احب الألماني) لاكن الحق يقال..

حاليا المستقبل فى السيارات هــي الكورية هونداي و كيا

والله يا شفت كادينزا على الطريق لـها هيبة موب طبيعية

السوناتا إنتشرت بشكل غير مسبوق و تصميم خيالي و مواصفات كبار و سعر مغري

مقارنة بالسيارات اليابانية التي بفئتها .

الالنترا والآكسنت غالبية مالكيها شركات تأجير و شركات و السبب هو سعرها و بجودة

لا بأس بها .

أما بالنسبة للكيندزا والأوبتيما رغم التصاميم الجذابة و المواصفات لا أجد لها حضور و

إنتشار مثل السوناتا .

أقصد بكلامي الكوري كله سوناتا بسبب إنتشارها ولا يعني أنها الأفضل و لا يمكن أن

نحكم على الكوري بشكل عام بسبب سيارة واحدة عمرها لا يتجاوز عام مع العلم أن

الموديل السابق يعتبر أجود من الجيل الجديد على ما نسمع ممن جربوها وبالنسبة للجيل

الجديد يوجد بها من الأخطاء المصنعية مالله به عليم أقل ماهو تعليق زر التشغيل و

هونداي ركزت على التصميم و المواصفات على حساب الجودة و مع الوقت راح يتبين

معدن السيارة .

تدري ياخوي هذاالسؤال في راسي من زمان
تصورعندنا في العراق ماتلحق يطلع الموديل الجديد من الكوري الا وتلقاه
في كل شارعامن السوناتا والكادينزا وال بتيما الجديدة
والتوسان والسبورتاج ورغم ارتفاع الاسعار الغيرطبيعي

انظمة السلامة للأسف الوكيل طالبها كذا

وانا اتفق مع بالنقطة هذي يعني انا عن نفسي مستحيل استغني عن ايرباقين واي بي اس !

اشوفها مهمة جد

السوناتا الجديدة سعرها مغري وشكلها حلو

بالنسبة لي افضل الموديل الي قبله على الجديد ...

اما الكامري انا يعجبي الموديل الـ SE

احب شكله اشوفه مميز جدا لكن عيبه قاسي مع المطبات ومافيه مواصفات كثيرة

عشان كذا الناس راحت للكوري

انا اشوف انه بعد 10 سنين راح تسيطر هيونداي على السوق !

الكوري هو اللي راح للناس

بسبب التصاميم والمواصفات

ورغم ان الوري السابق افضل في الجودة

الا انه بعض او اغلبية الناس حكمو على الجديد انه الافضل في الجودة

ووصلت المقارنة مع عملاقة اليابان والمانيا وعضلات امريكا

وكل هذا بس عشان التصميم والمواصفات

وحتى مواصفات الامان هاملينها بقوة

يعني مثلا لو تجيب كامري بجودة ورساوة اسوء

ومواصفات عالية جدا وشكل جديد وجذاب

بتلقى الكل يقول الكامري رساوة وقوة وجودته عالية...يعني بالقوة بيقنع نفسه

وهذا مو على كل الكوري

يعني مثلا الالنترا القديمة سيئة جدا والجديدة ملكة في الكرف

والسوناتا الجديدة الجودة فيها بالهم والثبات سيء للاسف لكن القديمة كانت افضل من الكامري بكثير

ورغم هذا التفتو للتصاميم والمواصفات وتركو السيارة نفسها والهدف من شراء السيارة

يعني في سيارات جودة عالية جدا جدا وقوة ومكينة تغلبت على الكبار وتحمل خيالي وامان ورساوة لا يعلى عليها والسعر ارخص منه مافي

لكن عشان شكلها عادي ومواصفاتها قليلة قالو هذي سيئة وكلها خرابات ومشاكل

وكلامي هذا من الواقع مو من وكالة يقولون او النت

واذا الكوري يستاهل فعلا...بنشوف في السنوات القادمة لما يكون له فترة طويلة على نزول موديلاته

وشكرا لك

وانا اخوك المشكله بعض سيارات الكوري صار سعرها اعلى من سعر السيارات اليابانيه والامريكيه هذا الموضوع هوالي ودي اعرفه ليه يروحون للغالي