قناة السيارات
اخواني اسعد الله أوقاتكم
حابب استفسر عن مشكله الصوت في القير عند التشغيل
بالنسبه للشركة كلمتهم من يوم ظهر عندي الصوت وقالوا راح يصلحوه عند صيانة 5000
سؤالي هل الصيانه السريعه تعالج هذه المشكلة ولا لازم اروح الصيانه الرئيسة وكم من الوقت تحتاج لأصلاحها بالنسبه للشباب الي انتهت عندهم هذه المشكلة
سؤال اخير عنوان الصيانه الرئيسة في جده
مشكورين مقدما
أخوي لاتنتظر صيانة الخمسة الآف لأنه واضح إن الصوت مؤثر على القير رح للوكالة أول الدوام وقلهم يصلحون الصوت لأن المشكلة كبيرة ولاعلاقه لها بصيانة الخمسة الآف وقلهم ساعتين وجاي آخذ السيارة لأن الشغلة ماتزيد عن خمس دقائق
اخوي الصوت قوي ولا خفيف (طق )كذا الصوت
لاني معي سوناتا 2011 إذا شغلتها طلع طق والقير يهتز ولا رحت الوكاله
بالنسبه اني ماانتظر 5000 انا كلمتهم اكثر من مره وقالوا ان هذا شي عادي وهي مشكلة بسيطه مافيها ضرر
بالنسبه لقوه الصوت فهو قوي جدا ومعها نتعه قويه اضطر اضغط على الفرامل وانا بشغلها بس مو دايم يطلع الصوت
بالنسبه للسوناتا عندي اخوي نفس مشكلتك صوت قطه بسيطه
المشاركة الأصلية كتبت بواسطة ABO SAMI
أخوي كما يقول المثل جلد مهب جلدك جره على الشوك القضية لاتعنيهم لأنهم لم يدفعوا قيمة السيارة
ومافيه داعي تكلمهم أول ماتفتح الوكالة دخلها الصيانة على طول وأطلب عمل أبديت للقير وأنا بنفسي شايف واحد في وكالة الرياض مسوي التحديث والسيارة مامشت ألفين وبخصوص الطقة في قير السوناتا بسبب كون القير واسمه zv مركب للسوناتا والكادينزا
بأذن الله اول ماتفتح الوكاله انا عندهم بس عندي استفسار بسيط الي شفته سوى التحديث فين في الصيانه السريعه ولا الرئيسية
مشكور اخوي ماتقصر
وياشباب عنوان الصيانه مو السريعه في جده
أخوي اللي سوى الصيانة في الوكالة نفسها في الرياض طريق خريص وليس لي علم عن الصيانة السريعة فالتحديث يتطلب فني كمبيوتر وربما ماتحصله في الصيانة ا لسريعة ونصيحتي لاتتهاون في الموضوع لأن الطقة ربما تحدث مشكلة مستقبلية في القير ...... تقبل مباركتي بالعيد السعيد لك ولكافة الأعضاء
السلام عليكم
صحيح انا ايضا املك كادينزا 2011 نص فل كامل
اول ماطلعت السياره من الوكاله ثاني يوم
وكنت موقف السياره ويوم جيت اشغل السياره طق القير عندي وتفاجات بصراحه
وطبعا مو دايم يعني في الاسبوع حصلت معي مرره وحده
والي الان لم اسمع لها حس
وكلمتهم عنها قالو انتظر الصيانه لحد 5000 كيلو
وانا مستحيل انتظرهم 5000 كيلو رااح اطب عليهم يوم الاربعاء القادم ان شاء الله
اخليهم يعدلونها ويغيرون القطع اللي بجانب المكينه لانه عليها صدا من اخذتها
تحياتي
رد مع اقتباس