فتحة السقف لاتعمل والكهرباء واصل ( مكسيما ) وش الحل تكفون

الأخ غيـ الناس ـر الله يجزاك الخير على النصيحة و التوضيح.

انا جيت متاخر ولكن حبيبي خذ العلم الاكيد من مجرب مكسيما 2002 ... خربت علي الفتحه اكثر من مرة والحمد لله لم تكن الدينمو اللي يحرك السقف هو السبب .. ابدا بل هو ما شاء الله عليه سليم والترس فيه ليس من بلاستيك بل هو نحاس وانا شايفه بعيني

الخلل دائما هو في مجرى السقف وعادة يحتاج تنظيف وميزانية للسقف بسبب المطبات او تكون الاذرعة مكسرة بسبب المطبات وبعض الاحيان الكهربائي يقدر يضبطها وما تشتري قطع وبعض الاحيان تحتاج قطع

حصل لي مرة ان السقف فتح كامل بسبب التماس وما رضي يتقفل ابدا وكنت مستعجل وما ابي اصلحها وديتها لكهربائي يمني في الخضرية بالدمام وقفلها لي بـ 100 ريال
فقط الدينمو عشان يحرك السقف بحريه وحاول فيها لين وزنها وقفلها

وهنالك سوري بالخضرية يصلح الفتحات وسعر تصليحة 250 ريال اسمه ابو ماجد
وانا الحقيقه ناوي اروح اصلحها عنده لما افضى يعني للحين ما جربت شغله ولكنه اعطاني تفاصيل الشغل والوقت اللي يحتاجه

ومحلات السلام متخصصين بالفقتحات ولكن اسعارهم غاليه الكشف اللي اخذته مجاني من السوري ابو ماجد السلام يكشفون على خراب الفتحات بـ 250 ريال ... نصب

مكان ابو ماجد بمنتصف الخضرية على شارع عريض داخلها مقابل محل ميزان مكة

وانتبهو لا يغلي عليكم السعر 250 ريال فقط تصليحها مهما كان الخلل هذا على حسب كلامه

هلا بك ياخوي وليد. أيضًا لا تستبعد انكسار الترس, و في كل الأحوال يستحسن تغيير جلدة العزل كما تفضل فني سيارات... لكونها مثل أي ربلة قابلة للاهتراء و تحتاج تغيير كل فترة.

و للتذكير: التكلفة في أسوأ الظروف ينبغي ما تتعدى 700 ريال الإجمالي بدون الجلدة.

لو إنك في الرياض علمني أوصف لك فلبيني مختص فتحات في النسيم و أجرة يده معقولة جدًا.

قد تحتاج الى بعض القطع مثل جلد او ما شابهه

انا اكلمك عن تجربتي مع فتحه المرسيدس 2001 ويمكن تكون نفس الموضوع وهو ان هناك مفتاح يدوي (هندل ) يوضع في فتحه السقف في المرسيدس موجود بعد فتح لمبه السقف الاماكيه مكان لها و المفتاح في عدة السيارة او في درج الطبلون
تفتح الفتحه يدوي وتنظفها باس سي دلكو عادي حتى يتحرك الموتور بشكل مريح وتنظف المجاري الي تمشي عليها الفتحة

نسيت أقول لك التكلفة:
لا تزيد عن 600 ريال تشمل تفصيل ترس نحاسي و تنظيف المجاري, حاول تفاصل غلى هذه القيمة أو أكثر بشوي في أسوأ الأحوال.

العملية تأخذ نصف يوم.

أخ وليد حياك الله.
أكيد الي يصير معك أن تفتح لمقدار بسيط (حوالي 5 سم) و توقف و يصير يطلع طقطقة سريعة (طرررررررررررررررررررررررررررررررررررر) ؟؟؟؟؟؟؟؟؟؟؟؟؟؟

إذا كان هذا الحاصل فأفيدك بأن هذه مشكلة من مصانع جميع السيارات, و هي أن الترس بلاستيك !!!!!!! عشان يجبرون الواحد يدفع قيمة مكينة كاملة تتجاوز الـ 1000 ريال.

الي صاير هو أن الترس مكسور, و الحل المتخذ في محلات الفتحات هو تفصيل ترس من النحاس بدلاً من البلاستيك لكي تدوم معك.
و كذلك ينظفون لك المجاري (المسارين الي يمشي عليها غطاء الفتحة)

و للعلم للجميع: قلة استخدام الفتحة هي التي تسبب تراكم الأتربة و تجمدها في المجرى. و بالتالي صعوبة الفتح و بالتالي انكسار الترس البلاستيكي.