فلتر المكيف..لومينا اس اس 2004

مرحبا شباب

اللومينا مالها فلتر مكيف والدليل ان درج الراكب عندي مخلوع وحاولت اصلحه ذاك اليوم وتأكدت ان مافي فلتر مكيف

هذا يا خوي الي تقول عنه زي حجم القلم هذا فلتر او صفاية الفريون هذي تركب بليات الفريون

شوف يالغالي انا الحين سويت الي قلت لك عليه من قبل غيرت القطع كلها حقت المكيف مع تنظيف و تسييخ مواصير الفريون و الثلاجة و الحمدالله المكيف رجع زي اول و احسن و الزبدة انه بااااااارد مررة...ما شالله تبارك الله...و الف شكر على النصائح يالغالي..
تحياتي

أخي swatteam،
مشكلة تبريد مكيف سيارتك كما فهمت من شرحك وكما هو معروف، هو من قطعة صغيرة اسمها ( بلف الكمبروسر ) سعرها تقريباً 70 ريال وتركيبها يكلف تقريباً 50 إلى 100 ريال.

هذه القطعة لو غيرتها فسوف يعود مكيف سيارتك 95% كما كان وكالة.

ولكن لو بتسوي كل الأشياء اللي شرحناها بالموضوع، طبعاً بيكون أفضل 100%.

وربي يوفقك، ونشوفك إن شاء الله في سيارتك في عز القوايل وأنت مثلج من برودة المكيف :bigggrin:

بالنسبة للتبريد كان التبريد عندي اوكي بس لمن جاء الصيف صار ما يبرررد في النهار الا على خفيف مرررة و اذا كانت واقفة يتوقف التبرييد و في الليل بررضه على خفيف بس لمن اكون على الخط يزيد التبريد شيء بسيط مرة اما موضوع التنظيف فالسيارة معي 6 سنوااات و بدخل السابعة و ما نظفة و لا شيء لا مواسير و لا ثلاجة و لا شيء ...و سلامتك يالغالي بس انا اسوي الاشياء هذه عشان مرررة وحدة اي شيء متعلق بالمكيف كتغيير و تنظيف طبعا بعد استشارتك و اخذ النصائح و الفوائد مثلك و شرواااك...

إذا غيرت كل هالأشياء راح يرجع مكيفك شبه وكالة..
ولكن ماله أي داعي تغير رديتر المكيف إذا كان سليم 100% ما فيه أي تهريب أو ضربات كثيرة، مع أن حتى لو ضرب فيه شي يقدر فني التكييف يزينه مثل أول..

الكمبروسر كذلك، إن كان يشتغل ويطفي بدون أي صوت غريب، فالأكيد أنه سليم.. ولكن لو بتغيره أفضل بدون شك.

إلا سؤال: ليش أنت بتسوى كل هالشغل؟ هل المكيف ما يبرد زين؟

وبخصوص دفع الهواء من الفتحات الجانبية، هل انتهت المشكلة والا لازالت؟
أعتقد ما فيه أي مشكلة عندك، هو كذا نفخ مكيف اللومينا.. وش كان معك سيارة قبل؟؟

حاول تحرك الفرار اللي يفتح ويغلق الفتحتين بالوسط خله على الوسط وشوف هل الدفع متساوي مع الأبواب أم لا؟ أو خله فوق الوسط شوي، أنا سيارتي كذا نفس الشي لا بد تسوي ميزانية..
وأغلق الفتحتين الخلفيتين إن كان مالهم حاجة، لأنها تاخذ جزء مو سهل من دفع الهواء.

طيب عزيزي انا اقول لك ايش راح اسوي..راح اشتري الاتي:
1-كمبرسر
2-فلتر الكمبرسر
3-الفالف=فلتر الفريون
4-زيت الكمبرسر
5-رديتر المكيف
و بعدها راح انظف الاتي:
تنظيف جميع مواسير الفريون
تنظيف ثلاجة المكيف الداخلية
يعبي فريون اصلي genton
اعتقد انه ما فيه احسن من كذا..اذا فيه شيء ناقص انصحني يعطيك العافية و مشكور على نصائحك و الله يحطها في ميزان حسناتك انشالله....

^^^^^^^^
اخوي مركز جوانا يا كثر الشباب اللي دخلو عشة الحمام هههههههههه

ماشاء الله شي يثلج الصدر ردود ولا اروع خاصه ابو الحمام الله يسعده
تحياتي لكم جميعا

^^^^^مايحب قرقر كتير

بصراحه ماقدر اكتب واشرح بكثره لضيق الوقت والله كلكم كفيتم ووفيتم

^^^^^^^^^^^^
اهم شيء فلتر الفريون لازم تغيره واذا تبي التبريد صح حط عازل على مواصير الفريون كلها وهذا رابط لكلامي مدعوم بالصورة والشرح
http://www.assayyarat.com/forums/thread211733-10.html

اما ضعف هواء التكييف فهو من عدة اسباب:
1- بلف صغير يسبب خروج الهواء من فوق الطبلون وهو فوق المكينة خلف الثلاجة
2- خلل في لوحة المفاتيح الاكترونية وتحتاج اصلاح
3- بأمكانك الغاء خروج هواء المكيف من فوق الطبلون وذلك بربط موزع الهواء بسيم علشان يهرب او يطلع الهواء من فوق الطبلون وهذه الحركة تقدر تسويها عند كهربائي فاهم .
وفي الاخير فيه حمامتين اللي في العشة ناقصين لا يكون مأخذها انت واخوي جزيرة الكنز هههههههههه
بالتوفيق

أخي، إذا غيرت الكمبروسر بواحد جديد أو مجدد.. لازم لازم لازم تسوي كل الأشياء هذي اللي ذكرتها بمشاركتي السابقة (باستثناء بلف الكمبروسر)*.. ولو ما سويتها بيخرب عليك الكمبروسر الجديد من لحظة ما تشغل المكيف.

إن كان ربي رازقك فلوس واجد وتقدر تغير الكمبروسر ببساطة، فغيره أنت حر، بس خذ بالك بتغيير كل القطع اللي قلت سابقاً (باستثناء بلف الكمبروسر)* والتنظيف بأفضل قدر ممكن..
وبيرجع مكيفك وكالة.

* (باستثاء بلف الكمبروسر): لأن الكمبروسر الجديد يجي معاه بلفه الجديد مركب فيه.

بالنسبة لي أشوف أن الكمبروسر إذا ما فيه صوت طقطقة، فهو ما زال فيه عمر ممكن يوصل معك ثلاث إلى أربع سنوات، بس بشرط تغير القطع اللي ذكرت وتنظيف مجاري الفريون.

وإن غيرت الكمبروسر بجديد، فمبروك عليك، وبيجلس معك إن شاء الله 20 سنة، بس بشرط تسوي عملية تغيير القطع وتنظيف المجاري كل 3 أو 4 سنوات.

طيب اخوي ممكن تشرح لي سبب ان المكيف يدفع هواء ضعيف حتى اني بعض المررات اخليه الدرجه الثالثة ..هو يجيني هواء من الفتحات الي في الوسط بس الي بالبيبان حق السوااق والررراكب ضعيفة مرررة...

طيب انا اقول لك اخوي..اذا اشترريت كمبرسر جديد و فلتر المكبرسر العلبة السوداء الي قدام الرديتر و الفالف و علبة زيت الكمبرسر مع تغيير الفريون اصلي..هاااه ايش رايك كذا انشالله راح يرجع التبرريدو يكون احسن من اول طبعا راح انظف الرديتر و اصيخها احسن ..ايش رايك بالطررريقة...:smilie16:

هلا بك أخوي عبدالعزيز8،
هههههههه أنا شكلي أبغير أسمي فضحني ههههه

ما أقدر أفتي 100% في موضوع فلتر الفريون الصغير هذا..
ولكني سبق واشتريته ورحت بأركبه وقالي الفني هذا موب حق سيارتك هذا حق صابونة، ورجعته..
وقال اللومينا والكابريس ما فيهن فلتر مثل هذا الصغير، فيه بلف كمبروسر بس.

^^^^^^^^^^^
اخوي سلفر قصدي جزيرة الكنز الفريون لها فلتر صغير هذا على كلام الفني وقال لي ان مكانه صعب وهو حول الكمبروسور واذا ما اقتنعت اسئل الببغاء اللي على كتفك ههههههههه
سعر الكمبروسر بحدود ال1800 ريال

الفريون ليس له فلتر في اللومينا والكابرس..
ولكن أظن وأعتقد كما سمعت من بعض الفنيين أن القارورة السوداء اللي قدام الرديتر تحتوي على فلتر والله أعلم.
كمبرورسر سيارتك لا يزال فيه نصف عمر..
إذا سمعت فيه صوت طقطقة والمكيف شغال، ولو طقطقة خفييييفة فهذا دليل على أنه بدأ يقترب من التجييم..
أما إذا ما سمعت أي صوت، فالكمبروسر مايزال ممتاز..

إذا كان فيه مشكلة بالتبريد الآن، اشتر:
- قارورة فريون المكيف اللي قدام الرديتر.
- بلف كمبروسر المكيف.
- بلف فريون المكيف.
ثم روح لفني مكيف محترم، ولا تقرب أبو يمن.
خله ينظف التالي:
- جميع مواسير الفريون.
- رديتر المكيف.
- ثلاجة المكيف الداخلية.
ويغير زيت الكمبروسر بزيت أصلي..
ويركب كل شي مكانه بعد ما تنشف كل المواسير والراديتر والثلاجة وبعد تركيب القارورة وبلف الفريون وبلف الكمبروسر.

وآخر شي، تأكد 100% أن يحط فريون أصلي أمريكي Gentron، انتبه يحط صيني تراه بيدمر الكمبروسر في أقل من شهر.

وعوافي عليك.

طيب عزيزي اذا بغيت اغير فلتر الفريون وين احصله و كيف؟؟
و بالنسبة للكمبرسر اذا بغيره على كم احصله اصلي..اتمنى ما يكون ضررربه :smilie16:

أما صورة عشة السيارة وعشة الحمام هههههههههههههه الله يقطع بليسك يا عزوز8