أستفسار : كيف أعرف ان جلود المقصات بحاجه لـ تغيير + الحساس و حله فصل البطاريه ؟

[بدر الصبحي]

السلام عليكم و رحمة الله و بركاته
كل عام وانتم بخير يالغاليينْ

.. .. .. ..

أستفسـار يالغالييـن :
كيف أعرف أن جلود المقصات خربانه و بـ حاجه للتغير ؟
لان صار يطلع عندي صوت من الخلف
كل ما اطلع مطب صناعي أو اكون مثلاً داعس وفجأه ادعس فراميل بقوى بسبب الزحمه
بعد ماتوقف يطلع صوت غريب ماعرف كيف اوصفه

رحت لـ ورشتين بجده
الاول قال تربيط يبغا للسياره و عملنا تربيط و ترهيم و تليينْ و مافيه فايده الصوت موجود
الثاني قال جلود المقصات الظاهر و اما المساعد سليم فكه و مشينا من دون مساعد و طلع الصوت موجود

.. .. .. ..

الاستفسار الثاني
بـ ليلة رمضان طلعت لي علامة المكينه بـ الطبلون حق السياره ( تاهو 2008 فل )
فصلت البطاريه و العلامه اختفت ، ورجعت قبل خمس ايام و فكيت البطاريه و اختفت العلامه
ولكن طلعت اليوم و فكيت البطاريه و العلامه اختفت للإن
هل هذي مشكله بالسياره ولا بـ الحسسسـاسْ ؟

.. .. .. .. .. .. .. ..

السيـاره تاهو 2008
و كل عام و انتم بخير يالغالييـْن

[يوسف 20]

وعليكم السلام ورحمة الله وبركاته

ممكن تعرفها بسماع صوت طقة خفيفة اثناء الفرامل او مع الممشى وتكون واضحة اذا كانت منتهية

الطقة الخفيفة مع المطبات ممكن تكون مسامير وجلد التوازن


بعض المقصات مافيه امكانية تبديل الربلات وتستبدل بالكامل

المشكلة الثانية مامرت علي وان شاء الله يفيدونك الاعضاء

[marquis1997]

السلام عليكم
اخوي اذا كان الصوت هذا يطلع معك مع المطبات الصغيره وانت تمشي على خفيف يعني كانه صوت خرفشه فهذا قد مر على و وسويت طريقه وضبط الطريقه هي غير مكلفه ابداا تفك عمود الكردان وتشتري لك علبت شحم اصلي مضبوط وتشحم الجهه اللي لم القير من الداخل وتحط شوي على الترس اللي طالع من القير والله اعلم

[عبدالعزيز 8]

هل يجي الصوت والسيارة باردة او بعد فترة من القيادة وهي حارة
فأذا كان كذا فالصوت من الكليبر فبعض الاحيان من الحرارة الفحمات الخلفيه تكون ماسكه من الحرارة وتسبب طقطقة عند الفرامل وجرب بخاخ wd40 رش على الهوبات الخلفية فأذا اختفى الصوت فهذا طبيعي
من حرارة الفحمات ونوعية الفحمات ايضاً هي السبب
اما اذا ما كان منها فجرب اغسل السيارة بستم يمكن تكون اتربة داخله بين الجلد وتسبب هذا الصوت وخاصتاً اذا كنت راعي بر
اما اذا الصوت

[بدر الصبحي]

يوسف
الطقه بتكون من الجهه الخلفيه وتحديداً جهة الكفر الخلفي الايسر
و تكون واضحه جداً اذا طلعت المطبْ تسمع الصوت بـ بداية طلوع المطب خفيف وبعد النزول بيكون واضح !

للإسف دورت جلود
و مالقيت و الجميع يقول مالك الا تشتري مساعد كامل !

[بدر الصبحي]

ماركيز
انا جربت تشحيم + زيت جوز الهند
ومافاد وانا اخوك

[بدر الصبحي]

يوسف
الصوت بيطلع بـ كل الاوقات يا بعدهُم
و ماتغير و جربت غسيل بستم و نفس الشي مافاد يا بعدي !

وعلى فكره انا انسان اكره البر خير شر
يعني ماعمري رحت البر بالسياره ابداً يا بعدهـُم انت

[يوسف 20]

اخي بدر انا صارتلي نفس المشكلة ومع الايام ازدادات والسبب اني مع تغيير الاقمشة فني فاشل رفع السيارة من المقص الامامي وبدت المشكلة ( بـ ماكسيما 2002)

كنت اسمع الطقة مع الممشى ومع الفرامل وكل مرة تزيد قلت اكيد هذي بداية العكوس

بعد الكشف اتضح انها من ربلات العكس الايمن وسألت عنها بالوكالة وقالوا موديل 2000 فما فوق ماتتبدل الموديلات اللي 99 وتحت بالامكان تغيير الربلات
العكس كانت قيمته 250 تقريبا ومع ارتفاع الاسعار وصل تقريبا 450 وبعد التغيير ماسمعت اي صوت نهائيا ^_^

ودك تقطع الشك باليقين لابد تكشف عليها بورشة محترمة
بعد الفك بتشوف المقص اذا الربلات مرتخية وبتتأكد منها 100% اذا هي السبب او لا

الربلات تكون زي الحلقة باطراف المقص



والله يسرلك امورك وماتشوف اي مشاكل