كان عندي هايلكس 2003 ... بعتها على ما فيها بـ 50 الف بعد 5 سنوات استخدام قبل سنة ونص و انا شاريها جديدة بـ 58 الف
بينما سيارتي الحالية شاريها بـ 74500 و سيمت بـ 61000 في اقل من سنة !
#
# OMAR #ياابو هذال انت خبير بالسيارات ومااظن ان كثير من الامور اللي قلتها انت مؤمن فيها ..
بالعكس ...
#
# OMAR #انت تعرف ان شركة مثل تويوتا تبيع في السنة اكثر من عشر ملايين سيارة حول العالم لازم تقسم العالم الى اسواق متعددة ..
معروف
#
# OMAR #تويوتا عندها منافس للداكوتا وتتوفر فيه نفس مواصفات السلامة المتوفرة بكل السيارات الامريكية ويمكن احسن .. وهالمنافس اسمه تويوتا تاكوما ..
ولكن تويوتا لو باعت تاكوما بالسعودية راح تجي شركات ثانية وتطرح سيارات منافسة باسعار اقل مثل الايسوزو والددسن والفورد رينجر ..
اما بالنسبة لأن التاكوما يجي افضل من باقي الامريكان اللي بفئته ... يبطي
الهايلكس يجي بتراكشن كنترول في اوروبا لكن التاكوما حتى في امريكا ما يتوفر بتراكشن كنترول !
الهايلكس افضل منه و لكن مواصفاتها اللي عندنا محتته و سعر غالي بعد
لو تشوف كاتلوجها تقول هذي لكزس بس لو تجينا بهالمواصفات لازم $$
و انت جبتها ... من حضرة تويوتا تعطيني اسعار شراء جديدة مرتفعة
لا اسعار قطع غيار رخيصة مثل اول
و لا مسكة سعر مثل اول
لا و تمسك خط الرياض يطلع لك الصدام !
يتفوق الهايلكس بشيء واحد ... سعة المراتب الخلفية غير كذا ما لقيت لها ميزة
#
# OMAR #الاسواق العالمية للسيارات مقسمة الى ثلاث اقسام رئيسية:
1- السوق الامريكي: وهو سوق محمي من قبل الحكومة الامريكية .. وله شروط سلامة اساسية .. شركات مثل تويوتا وفورد وجنرال موتورز تتنافس بالسعر .. والسلامة بالنسبة لهم اكسسوارات اضافية من اجل التسويق فقط .. وهمهم الاول والاخير هو الوصول الى المستوى المطلوب من السلامة المقر من هيئة السلامة الامريكية ..
2- السوق الاوروبي: ونفس الحكاية مع السوق الاوروبي .. الا ان فيه فرق مهم .. ان اغلب الشركات الاوروبية تهتم بالسلامة .. مو بس علشان اغراض تسويقية (مثل: سيارتنا فيها سبع طعش ايرباق) وانما كسياسة لهذه الشركات .. لذا تشوف هذه السيارات فيها مواصفات السلامة اغلب مستخدمينها ما يدرون انها موجودة ولا يدرون وش فايدتها ..
ولو شرحت لك مواصفات السلامة اللي بتصميم الفولفو اللي كانت عندي بتقعد تضحك علي وبتظن اني نصاب .. بس حقيقة كانت سيارة كل مسمار فيها مصمم بعناية ..
ولكن فولفو ما تقدر تصنع لك سيارة بحجم البرادو ومواصفات البرادو بسعر البرادو .. فولفو اذا صنعت سيارة منافسة للبرادو راح يكون فارق السعر على الاقل 50 الف ريال ..
ولو شرحت لك مواصفات السلامة اللي بتصميم الفولفو اللي كانت عندي بتقعد تضحك علي وبتظن اني نصاب .. بس حقيقة كانت سيارة كل مسمار فيها مصمم بعناية ..
ولكن فولفو ما تقدر تصنع لك سيارة بحجم البرادو ومواصفات البرادو بسعر البرادو .. فولفو اذا صنعت سيارة منافسة للبرادو راح يكون فارق السعر على الاقل 50 الف ريال ..
كم واحد مستعد يشتري جيب ستاندرد ستة سلندر بحجم البرادو وبسعر 190 الف ريال ؟؟!
طيب يا عمر السوق الامريكي و الاوروبي و عرفناه و عرفنا سبب الغلاء
و محشوم يا بعدي عن النصب
#
# OMAR #3- سوق دول العالم الثالث
وتباع فيه السيارات بمواصفات سلامة بسيطة جدا .. تكاد تكون معدومة .. والهايلوكس واحد من هالسيارات ..
الهايلوكس والددسن والنافارا والايسوزو وونيت الميتسوبيشي .. والدينا بكل موديلاتها واشكالها وبختلف الشركات اللي تصنعها ..
الباصات الصغير والكبيرة من تويوتا ونيسان وهيونداي وغيرهم
هذي سيارات مالنا غنى عنها ..
اعتقد انك تقصد السيارات الآسيوية ... لكن السيارات الامريكية (كسيارات رخيصة) سلامتك و الله
الكورولا سياحي انا اتحداها بالكروز سياحي و الفورد فيوجن
الكامري سياحي اتحداها باماليبو او الومينا سياحي و الكراون فكتوريا اذا ما نقطعت
هايلكسي مستحيل اقارنها بالكولورادو و الرينجر
هذا غير انهم ارخص بفرق يرقى الى الـ 5000 ريال !
#
# OMAR #تخيل ان عندك شركة وتبي باص 15 راكب .. وش بتشتري فان جمس ولا باص تويوتا؟؟
تبي تشتري ونيت للعامل .. بتشتري ايسوزو او هايلوكس غمارة مقشر سعره اقل من 60 الف ريال .. ولا بتشتري سيارة فيها مواصفات سلامة بـ 80 الف ريال ؟؟
وغير كذا هذي النوعية من السيارات فيها اعتمادية لا يمكن توصل لها اي سيارة تبيعها الشركات الامريكية او الشركات الاوروبية ..
اولا يا عمر لا يوجد عند جي ام فئة الباصات المتوسطة كلها مبنية على اساس السوبربان
كان فيه الاسترو و كان ملم بكل وسائل السلامة
اما الونيتات ... تويوتا خسرانة 100 %
وش فايدة اهايط بهايلكس قيمتها 74000 ريال ما فيها حتى ايرباق بينما ايسوزو العامل فيها ايرباقين بـ 49000 الف ريال !
انا اذا صدمت جات علامة تويوتا على وجهي
وهو اذا صدم تبعد عنه علامة شفر او ايسوزو و يطلع له الايرباق !!
يا عمر المسألة صارت وراثية
المسجد حق الحارة جمب بيتنا اذا طلعت اقول حشى ... وكالة تويوتا نقلت عندنا ! :confused1:
اما الاعتمادية فهذي مسألة لحالها و اعتقد انها صفة كانت للسيارات اليابانية و فقدتها السيارات الامريكية لفترة و الآن و بكل جدارها بدأت تستعيدها
#
# OMAR #اما بخصوص اللاند ياابو هذال .. ايه مقتنع وبقوة بعد ..
ولو السالفة ثقة بتويوتا وبس وهي طبعا تستاهل هالثقة كان اخذت سيكويا وهو اكبر ومحركه اقوى وارخص بخمسين الف ريال ..
ولكن خل عنك .. ما فيه سيارة مثل اللاند كروزر ..
لو ادور الفخامة والراحة بس .. كان شريت لاند روفر او جيب بي ام او جيب فولفو ..
بس وين الجيب اللي يعطيني قوة تحمل مثل اللاند كروزر ومعاها فخامة وراحة وسلامة ممتازة ..
مهوب آمن سيارة بالعالم ولا هو بأفخم سيارة بسعره .. لكنه لاند كروزر فيه اللي ما تلقاه ابدا في اي سيارة ثانية ..
اذا مقتنع الله يبارك لك ... لكن قوة التحمل ما حصروها في كلمة لاندكروزر ... سيارات كثيرة اللي تتحمل و فيها فخامة و اكثر سلامة و ارخص سعر ... و تعرف عن من اتكلم :smile:
لكن انت تهوى تويوتا ...هذا شي ثاني و هذا ذوق و رأي لا يحق لي ابدا لا تغييره ولا مصادرته
#
# OMAR #باختصار: انت خلطت يا ابو هذال بين البرادو والهايلوكس ..
وانت تعرف الفرق تماما بين السيارتين ..
لا ما خلطت بينهم ... وكيف اعرف الفرق وانا خالط بينهم !
مالهايلكس الا شاصي برادو مطول مغير فيه نظام التعليق الخلفي الى سست بدل يايت !
#
# OMAR #تويوتا تصنع سيارات خصصت لجميع اسواق العالم .. والبرادو واحد منها .. وهذي السيارة اجتازت شروط السلامة الاوروبية والامريكية ..
البرادو ما يدخل امريكا !
و الهايلكس كذلك !
لكن كلهم يباعون في اوروبا ...
#
# OMAR #وتويوتا تصنع برضه سيارات خصصت لاسواق العالم الثالث مثلنا .. مثل الهايلوكس .. وهذا سوق صعب جدا جدا على الشركات الامريكية انها تدخله ..
فورد دخلت هذا السوق بفورد رينجر (شراكة مع مازدا)
جي ام دخلت هذا السوق بسيارات كورية وسيارات ايسوزو محطوط عليها علامة شيفروليه ..
لان هذي الاسواق صعبة جدا .. المطلوب فيها التركيز على الاجزاء الرئيسية بالسيارة وترك مواصفات الترف بما فيها السلامة .. وصناعة سيارة تدوم لاطول مدة ممكنة ..
الشركات الامريكية والاوروبية مهيب كفو اصلا علشان تنافس سوق الهايلوكس والدينا ..
حتى الكوري اللي يعتبر له مستقبل بهالسوق يدخله بخجل وخوف شديد .. لانه اصعب من الاسواق الاوروبية والامريكية بكثير ..
لان هذي الاسواق صعبة جدا .. المطلوب فيها التركيز على الاجزاء الرئيسية بالسيارة وترك مواصفات الترف بما فيها السلامة .. وصناعة سيارة تدوم لاطول مدة ممكنة ..
الشركات الامريكية والاوروبية مهيب كفو اصلا علشان تنافس سوق الهايلوكس والدينا ..
حتى الكوري اللي يعتبر له مستقبل بهالسوق يدخله بخجل وخوف شديد .. لانه اصعب من الاسواق الاوروبية والامريكية بكثير ..
تدري وش المشكلة يا عمر !
من الهايلكس اللي ما يخرب هذا !
انا مجرب الهايلكس اللي كانت معي قبل ما بعتها الا لانها جننتي بالحرارة و بكرات المكينة كل شوي مغير بكرة !
المشكلة يا عمر ان الناس الآن تغيرو انا شخصا اعرف الكثر معهم سيارات بيك اب ولا مرة حمل في الحوض شيء !
و الآن كل السيارات تتحمل و في ارتفاع بينما الياباني في نزول
و عشان تعرف نوعية البشر للي عندنا هنا و الثقة العمياء في هالعلامة البيضاوية .. ابعطيك مثال لواحد من العيال :
هذا متعصب تويوتا ولا يمكن تتكلم معه في هالشركة ... الاخ خبط عليه محرك و قير الفورتشنر اللي معه .. صدفة كان السيكويا ( 5 من اقاربي معهم سيكويا في اقل من سنة !!!) تو نازل و اعجبه مع ان يكره في السيارات كبيرة الحجم اصلا وش رايك انه اشترى له واحد و الفورتشنر تو في الصيانة !!!! يعني تهون لعيون تويوتا !
لو هالشي صاير له مع الشفر الكولورادو حق ابوه ( بالمناسبة هو يكرفه كرف الحمير و انتو بكرامه) كان سب و شتم في الامريكي كله ما عاد هو شفر ولا جي ام لحالها ولا عاد اشترى شي عليه علامة امريكية (مع ان جواله آيفون و لا بتوبه برضه ماكنتوش و يموت في ماكدونالدز و يحب يتقهوى من ستاربكس !!)
تخيل انه هو نفسه يوم قلت له اني اغير بواجي الجمس حقي .... قال ايه امريكي راعي خرابات !! :confused1:
تويوتا الآن ما يكسبها الا مثل صاحبي هذا !
كل من عرفته اشترى سيارة ثانية بعد تويوتا كره اليوم اللي عرف فيه التويوتا ! وانا منهم :smile:
#
# OMAR #بهذا السوق ما فيه مواصفات تقدر تضيفها عالسيارة علشان تسوي فيها حملات تسويقية ..
المطلوب هو سيارة ما تخرب وسعر رخيص وصرفية ممتازة ..
واعيد جملتي: الشركات الامريكية والاوروبية يا ابو هذال مهيب كفو علشان تنافس الهايلوكس اللي ما يعجبك ..
يقدرون يصنعون بوغاتي ومايباخ بس ما يقدرون يصنعون منافس للهايلوكس .. هذا سوق اسيوي بحت ..
تقصد سوق يغلب على عقليته الآسيوية ... قلت لك اي سياة تشتريها جديدة على يدك و تغيير ما يحتاج لتغيير بتكون معك نعم لموتر الا الحالات الشاذة و هي قليل و التشهير في حق الامريكي كبير
اما تحمل الهايكس فصدقني صدقني كمجرب لها اكثر من 10 سنوات ( 95 + 2003 +2009) تحمل عااااادي جدا جدا و عندنا داكوتا برضه 93 (بالمناسبة ... فيه ايرباق واحد فقط ) ما اذكره طلب شيء و الآن مع العمال بالورشة و كارفين امه !
و الهايلكس ما هو الا سيارة كانت و اشتهرت بأنها تتحمل و ما تصرف بنزين في وقت كانت بقية السيارات لا وجود لفني متخصص فيهاو البنزين تشربه شرب (مع انها ما تتحمل و تشرب :confused1: )
