هيونداي تقدم عرضاً خاصاً بمناسبة شهر رمضان على الفحص وقطع الغيار

والله ياشباب الوعلان مايمشون الا بالعين الحمرا
واحد من اخوياي معه سوناتا 2010 طلعها وكاله من الوعلان وبعد شهر كنت راكب معه واسمع اصوات تحت واعرف ان الرجل حق ذوق يعني ما يسرع ولا ياكل مطبات ولا شي المهم قلت له نروح بكره الصبح للوعلان وكان يوم خميس رحنا ودخلناها قالوا تعالوا السبت جيناهم السبت واخذناها طلعنا من الوكاله ومرينا بالحرس الوطني اللي على خريص هو عنده مطبات وعند المطبات نسمع اصوات المساعدات والمكيف مايبرد قلت له ارجع رجعنا قالوا لنا دخلوها وتعالوا بعد يومين ورحنا سالنا الفلبيني المدير حق الورشه قال ان سيارتكم صلحها واحد سعودي جديد يتعلم عليها قلنا طيب
جينا يوم الاثنين واستلمناها والا السياره المساعدات كلها تطلع اصوات المهم دقينا لكم على مشاري الوعلان وكلمناه بالقصه قال روحوا للمدير وانا اجيكم بعد ساعه والله وجانا مشاري وقال لنا العذر والسموحه الغلط منا وحنا راح نتحمل وبعد يومين تعالوا وانا اقابلكم واسلمكم السيارة بنفسي وعطانا ورقه وقال روحوا للملز في الوعلان للتاجير خذوا منه سوناتا 2010 وخلوها معكم مفتوحة كيلوات لين تصلح سياراتكم وتعالوا ومايصير بخاطركم الا الطيب وجينا استلمنا السيارة ومافي احسن منها
الخلاصه الوعلان مايمشي الا بالعين الحمرا