طلبتكم ياصحاب الومينا 2007 والخبيرين ~

واحد من خوياني معه لومينا 2005 ماشاء الله ماشيه معه اوكي أهم شي تحافظ عليها... والله لومينا روعه روعه روعه وخاصة اس اس

انا عندي لومينا ss 2003 بصراحة ابعد ابعد ابعد عنها ولايغرك شكلها وقوتها ترى انواع المعاناة بتعيش معاها

خوي لا تقول احنا اخوان وهذا واجب علينا :ch19:

يعطيكم العافيه ..

اللهم من نفعني فاجعلها في ميازين حسناته ..

والله انا مجرب كابرس 2001 و كابرس 2009

كلهم في الخطووط ممتازة مره

واهم شي لاتقاوم ولا تدعس واجد

ترا حتى لو خذت مايباخ بتخرب معك اذا مااستعملتها زين

ولايهمك اللي يقول انها تخرب هو ماجربها ولاركبها

والافضل خذلك 2008 احسن من 2007

اوب اوب اوب

ما شاء الله تبارك الله


اللومينا اختيار مووووووفق


خذه بس وماعليك من احد ... واستمتـع مع الوحوش هـع


انا اعرف كثار معهم لومينات

كلهم يقولون انه تووب ,, بس المشكلة صرفيـة البنزين :(


لان مكينتـه جباااااره ( 6 لتر )

اذا حالتك الماديه تسمح لـك تعبي بنزين فـل ( 40 ريال ) خذه


واذا ماتقدر خذ لومينا S وحده

الشكل الخارجي والداخلي مثل الاس اس بس الفرق المكينة 6 سلندر ..

يعطيكم العافيه ,,

وان شاء الله صملت اخذهاـآ ..

ميشـــ SSــو ما شاء الله احسنت الاختيار لومينا SS :xyxthumbs:

1- من ناحية الحرارة ما ترتفع الحرارة ولكن انصحك تسئل واحد معه لومينا
2- تبريد المكيف ( ثلاجة )
3- العزم بالخط مرررررررررررريح وانصحك 8 سلندر
4- من ناحية الثبات والامان ثبات لكن موا مثل الماني
5- من ناحية المشاكل ما اوقع فيه مشاكل او سلبيات كثيرة

ولكن للنقطة 3 ترا 8 سلندر يلعب بنزين
اذا انت تبى اقتصادي خذ 6 سلندر :ch19:

السلام عليكم يا الربع كيف حالكم

انا صاحب لومينا 2004 وشارينها من سنه 2005 ولحد الحين معاي مشاء الله عليها سياره صح بس فيها بعض العيوب وهي ان السياره اذا حافظت عليها راح تقعد معاك اما اذا لعنت خيرها راح تداوم في الصناعيه وانت حافظ عليها وراح تشوف اما علي الرساوه فهي راسيه بالخط بس لا تزحف فيك وداعتك الله يا نظر عيني واذا تبي قير وماكينه فالومينا قويه والله وعليها عزم ملعون خير بس انت انتبه عليها وكل شهر سو لها فحص وتضبيط زيت وماي يعني سيرفس كامل ودربك خضررر واذا تبي تشوفها حياك بسيارتي وتشوف العزم صح وعلي الخطوط فهي حقت خطوووووووووط بس طيحها

انا ما ابغى اقولك ابعد عن اللومينا انا اقولك قد ما تقدر بعد عن المستعمل

وغير كذا الي بياخذ اللومينا اس اس في ظنك بيحافظ عليها حتى تضمن انك تحصل نظيف

انصحك تاخذ جوله على التشاليح وتشوفها اتوقع تغير رايك :bigggrin:

صدقني مهما قالوا لك وسبوا فيها وذموها

ماراح تغير رايك الا لما تشوف سيارة ثانيه حلوه وتعجب فيها

اسألني انا خخخ

ونسيت ماقلك واحد من خوياني معه لومينا 2008 اس والله ماشاء الله ولا عمره اشتكى منها يمدح فيهاااا...

أخوي لايهمك احد الي يقلك خربات وحراره ومو راسيه بالخطوط والله ماعنده سالفه ... اللومينا والكابرس معروفه بقوته ورساوته بالطريق وخاصة اس اس والخربات مافي سياره الا لازم تخرب بس لازم تحافظ عليها والكل يدري اللومينا والكابرس من موديل 2007 وفوق انحلت كل مشاكله ولله الحمد ...واذا انت عاجبتك لومينا اس اس توكل على الله وخذها وخاصة لون برتقالي أو احمر أو أسود... والله يوفقك...

والله تبون الصراحه !!

وهقتوني وزياده !!

مااقول غير الله يكتب الي فيه الخير

وبصلي استخاره ,,,

مشكورين اخواني

اتمنى ردود اخرى من شخص يكون عنده لومينا 2007 ومجربها

اقسم بالله تعليقك عار من الصحه

اسف على المداخله

بس الصدق صدق ماني بجامل اي سياره شيفروليه توبه ماشتريها ابدا

قلق في قلق
والرساوه مافيه بالخطوط وخفيفه
لا توهقون الرجال

اللومينا حلوة وسيارة رياضية ..

انصحك فيها