المتحدة للسيارات ... رأيكم وتجاربكم الله لايهينكم

نصيحتي انتظر الشكل الجديد
بس احسب حسابك مراح يكون بأقل من 160 الف

الوكالة ماشي حالها
حالها من حال باقي الوكالات
اقرب مثال الجزيرة
صراحة فروع المدينة المنورة فاشلة فشل فضيع
والتوروس عند اعز اصحابي وربي طلعت له نخلة في راسه
والي معاه ليمتيد دفع رباعي
اكبر مشكلة فيها حاليا الهوبات
وواحد ثاني بالشلة معاه توروس ابيض SEL عنده مشكلة بالابواب تنفتح وكل يوم يروح لهم ويصرفوه ومرة يقولو نرسلها جدة وتجلس شهر ؟؟؟؟؟؟؟؟؟؟؟
يعني مشتري سيارة عشان اسيبها شهر تتصلح بعطل غبي

الجزيرة فرعين الصيانة الي بالمدينة اخس من بعض
المتحدة بالمدينة صغير جدا ما يستوعب الا 6 سيارات بالكثير وزززززززحمة

عن نفسي سيارتي استخدام امريكي وعليها ضمان
والحمدلله ما واجهت مشاكل او شي يخليني ادخلها الوكالة
والله لا يقولها وحتى لو صار شي
اصلحها بالورش ولا ادخلها وكالة الهبل هذول
بس بالأمانة عمري ما طلبت شي من قطع الاستهلاك الا وموجود عندهم

اخووووك

أخوي لو تصبر لين ينزل الشكل الجديد من ال300 C أحسن لانه قرب ينزل، أتوقع يبيله من شهر الى 3 شهور وعشان كذا المتحدة مسوية تخفيض على السيارة، ولو مضطر تبي موتر خذ التوروس بس فل الفل اللمتد.

يعطيك العافيه

شف الصيانه عليها ضمان اول ما تشتريها
بعدين اذا خلص الظمان في تجديد ضمان انا اقول جدد
انا انشاء الله اذا خلص الضمان ابي اجدد وكل شي يخرب بسياره علا حسابهم
الا الكفرات واشياء ثانيه ماهي مهمه

نفس الكلام
v v v v

الصيانة الدوريه كيف ياشباب

اسعارها كحد ادنى كم وكحد أقصى كم وعلى أيش بالضبط وكم كيلو .

وهل اقدر اخذ جدول زي الفورد ؟

أنا أقول إنو أفضل وكيل بالمملكة من جميع النواحي

لأني إستخدمت الشروكي وإستخدمت كرايسلر وألحين طلعت تشارجر وللأمانة تعاملهم زين وصيانة ماتطول لكن الناس مستعجلة دايم وكل شيء يبونه بسرعة وأنا مجرب بالصيانة أكثر من فرع بالمملكة وكلها جيدة لكن حنا مشكلتنا إنو إستخدامنا للسيارات الفخمة كأن الواحد معه شاص ولا جيب وهذي السيارات لها ناس مخصوصة بالتعامل معها أما لو كل واحد خرب سيارته وجابها الصيانه وعلطول بدل وغير القطعة كذا الشركة راح تخسر لكن لابد تشوف وش سبب الخراب وأنا ما أدافع عن الشركة لكن لأني أعرف إنها سيارت ما تخرب بسرعة إلى من شخص إستخدامه سيء أما واحد معه كرايسلر ويفحط ولا يسوي فيها مقاومات

بصراحة أنا أقلك المتحدة أفضل وكيل بسرعة الصيانة وقطع الغيار المستهلكة متوفرة بشكل كبير وأقرب حكم أنا سيارة الوالد ودينها لصيانة الجميح على الضمان عشان عطل بحساس الكرنك قيمته 213 ريال وبقيت السيارة شهر ونص والمشكلة إنو شغلته بسيطة يعني برى يركبونها ب 100 ريال ولكن قال الضمان بيلتغي لأنها قطعة تتوصل بالمكينة والقير

أتمنى أكون أفدك وصدقني لو بتجلس تسأل وتشاور ماراح تشتري سيارة

شف وكالت المتحده قامت تتحسن انا وديت الدرانجو امس وكانت ابي اوديه صيانه نفس العاده
دقو علي الظهر قالو لي تعال استلم السياره قلتلهم العصر انشاء الله اجي
دقوعلي بعد خمس دقايق قالو لي السياره ماتشتغل قلت لهم ليه قالولي البطاريه خربانه قالو لي انهم يبي يغيرون البطاريه علا الظمان قلت لهم طيب قالو بس البطاريه بجده قلت لهم متا تجي قالو لي بكره قلت لهم خلا يعني بكره استلمه قالو خلا بكره تعلا اخذها دقو علي مره ثانيه بعد العصر قالولي السياره جاهزه تعال استلمها قلت لهم شلون قالو لي لقينا بطاريه حقت واحد مسافر وتوه مغيرين له البطاريه ورحت استلمت السياره

علشان كذا انا اقول الوكاله قاعده تتحسن

لا بشتري هيمي أضن سعره 136 الف ريال صحيح ؟ اقصد الهيمي الوسط موب الفل

بس انت وش تقصد

طيب يالغالي انا براسي كرايسلر 300 وفورد توروس

وش تنصحني فيه ؟

لان صراحة الوكاله تخليك تبعد النظر عن السيارة :(