50% واكثر من الاطارات (الكفرات ) مضروبه ويسأل كثير من الناس اش افضل الاطارات من تجربه

[خالد اليوم]

1- اركب اي كفر بدون النظر لتاريخه ومكان الصنع واش الشركه ×خطاء لازم تعرف اش تركب تاريخ جديد وشركه معروفه بصناعه الاطارات
2- اروح لاي بنشر وسولف مع البنشري وبكلمتين يقنعني بالكفرا ت الموجوده عنده×خطاء
بيصرف البضاعه اللي عنده بس وماعليه (بسلامتك)للاسف
3- اركب دانلوب - وتويو - وهانكوك والكفرات الصينيه وغيرها مع وجود انواع اخري×(دانلوب تعبان وبعد من 5 اشهر غيرته -هانكوك اقل من 5 اشهر بدء المسح عليه وهو لسا جديد
-هانكوك ركبته وهو تاريخه 5 اشهر من الصنع - (رأي خاص)-
4-فاير استون --وبيريلي----- ماجربيتها (المجال مفتوح للنقاش)
5-الاطارت لسنتين - (ماتنفع للسفر عليها )
بس داخل البلد (داخل المدينه ) اكرفها ولاتسأل 0
6-افضل الكفرات وقصه عن افضلها

الميشيلان وبس وبعده بيرجيستون

حقيقه الميشلان شركه عريقه(فرنسيه )تصنع بأمانه بزمن كثر الغش
الميشيلان اصبح نادر لبعض المقاسات واسعاره نار0
مره دخلت بوانيت قديم موديل 85 في البر (صحراء)وحقيقه بنشر علينا كفر
المهم صلحناه 0صاحب الوانيت قلي شوف الكفر هذا مايبنشر ؟ اش بي ام اقوله
قلي هذا ميشلان مع السنوات صار زي الصبه (الخرسانه)قاسي0
الخلاصه كفرا ت لك وللزمن -باي

[ابو اكزيز]

صدقت ميشلان ركبتهم على سيارتي الهيونداي القديمة وحسيت بالراحة في الممشى

[ابوعوادد]

انا مأرتحت مع مشلااان بعد 40 الف كيلو يطلع صوت بالكفراات برجستون خاصه نوع تورنزا جي ار 80 هذا والله الكفر الي عليه الكلام ولا راح اركبه الى هو ويقولون نزل تورنزا جي ار 90 يقولون الى جربوه افضل من اول

[توني جديد]

ياخي ميشلان وبريدجستون قاسي
طيب تو يو يا شباب وش رايكم فية؟؟؟
انا ناوي اغير يوكوهما الي عندي واحط تو يو لان مجربة على سيارة ثانية وصراحة ماشالله تبارك الله رهيب ولا اصوات ولا شي

[البتارRS]

حسب تجربتي للكفرات هناك انواع جربتها منها

1/ التويو : كفرات مميزة بسلاستها وعدم اصدار اصوات بس ليس جميع الانواع لان للشركة الواحدة كذا نوع من الكفرات انا جربت الـptt ممتاز لاكن مشكلة انه محدد الاتجاه يعني عملية الـx غير مسموحة فية وعمرة تقريبا من سنه الى سنتين ويبدأ المسح ويوجد نوعان نوع رياضي ونوع دعسة عريضة وهذا الاخير الدعسة العريضة يطلع صووت تقريبا من بعد 120 وهي عادة تقريبا في كل الكفرات الدعسة العريضة .
2/ البرجستون : هذا الكفرات لو جاءت مع السيارة من بلادها ما في احسن منها لا كن كل الكفرات المستوردة قاااسة وما تنفع في بيئتنا الحاارة والجافة واكثرها وارد اندونيسي .
3/ اليوكهاما : ما عليها كلااام ابدا كفرات حلوة وعملية لا كن سعرها الغالي .
4/ البيريلي : كفرات فوق الوصف الوخيال صناعة ايطالية وذات جودة عالية راكبه عندي على الـ BMW صراحتا حلوة
5/ الهانكوك : كفرات كورية الصنع صراحة حلوة وعملية انا مركبها الان على الكامري وماشية زي الحلاوة بس دعستها عريضة وتتطلع صوت بعد الـ120كلم .

تشكر اخي على الموضوع

[خالد اليوم]

الشكر لكم
ننتضرلمزيد من التجارب

[كاابرس90]

هنكوك وارفع ويدك ماشاء الله عليها تعطيك خطوط وداخل بلد

مرتاح معها والحمد لله

[super_safari]

أستخدم سوميتومو, وما شاء الله عليه لين جدًا و مريح. أشوفه أنسب شيء للسيارات الصغيرة.
للسيارات الكبيرة: الدنلوب مو مرة, و غير آمن. بريجستون هو الأفضل.