السبت 18 أبريل 2026
عاجل

عااجل جايني سواق جديد وأبي أعلمه

منتدى المرور والحوادث ومشاكل الطرق
10 رد 8,342 مشاهدة 8 مشارك الأقدم أولاً
ه
هالـــة @user_227607 · 20-06-2010
مرحبا

جايني سواق جديد ومايعرف يسوق وودي يتعلم السواقة

ياترى مدرسة دلة تفيد أولا ؟؟

وكم سعر التعليم في مدرسة دلة ؟؟

وكم المدة عشان يخلص تعليمهم ويحصل على الرخصة ؟؟

وكم قيمة الرخصة؟؟


معليش كثرت عليكم بالأسئلة بس إعذروني :a1120(86):

الله يرضى عليكم ساعدوني وردوا علي بأسرع وقت


M
M~أمير بكلمتي~M @user_58367 · 24-10-2010
ينقل للقسم المختص
ف
فهودي السبيعي @user_241939 · 24-10-2010
الله يعيينك ياخوي
ه
هالـــة @user_227607 صاحب الموضوع · 23-10-2010
ياجماعة أبسألكم

الحين مدرسة تعليم القيادة اللي بطريق القصيم اللي جنب الهلال الأحمر اللي لونها وردي
هل ممكن الواحد يطلع منها رخصة قيادة ولا لا؟؟

لأني بطلع رخصة لسواقي وحايسة كثير خصوصا اني ما ادل كثير بشوارع الرياض :a1120(86):


ارجوكم لا تتأخرون بالرد علي




f
f a w a z @user_143939 · 22-06-2010
دله يتعلم ويطلع الرخصة

على ما أذكر أن فيه مستويات أ - تدريب يوم ويختبر ويطلع الرخصة ، ب- يتدرب أسبوع ، ج - يتدرب شهر وأختبار ويطلع الرخصة ,



بتوفيق إن شاء الله
A
Abu Ghada @user_48786 · 22-06-2010
يعني بتقولون لي مثلاً لو الحريم ساقو راح يسببو زحمة طيب هالسواقيين اللي مليانين البلد وش نقول نعهم هم أساس البلاء والليموزينات ما أستنزفو الأقتصاد ويله احسب فيه عوئل جالسه تدفع تقديم للسواق + تعليم السواق + الحوادث بالسيارة + رواتبه = السواق بعد سنتين أو ثلاثه مع السلامه ويله نرجع ثاني مره للنفس الموال. طيب فيه عوائل ماعندهم رجال ووضعهم المادي مره سيء كيف يعني الواحد في هذا الزمن يقدر يوفر لوازم البيت من دون سيارة أو سواق لو ساقو الحريم وتحددت ظوابط لها راح توفر للعوائل شيء كثير منها الأقتصاد ومنها الأمن والأمان على العائلة من خطر بعض السواقين اللي ياكثرهم اللي لعبو في هذا البلد وبعدين هذا دول الخليج اللي جنبنا يسوقون وليه نروح بعيد في حريم يسوقون في القرى والحمدالله ماشيه امورهم ومؤدين واجبات بيوتهم وبرضو تعالو خارج المملكة المبتعثات مع رجالهم شوفوهم خارج المملكة كيف يسوقون ويودون عيالهم للمدارس ويقظون للبيت والحمدالله الأمور ماشيه أحنا لاننظر للشيء على طول من جانب السلبي فقط ليه ماننظر للجانب الأيجابي.
&
ŞЙỊṔỆЯ_Ẍ @user_174557 · 22-06-2010
يا سيدي السعودية فيها زحمة سيارات مش طبييعية .. واكثر نسبة حوادث ..

بسبب ان مافي وصيلة مواصلات غير السيارات .. فما بالك لو ساقو الحريم ؟

حوادث حتزيد + زحمة زحمة زحمة ..
في الخارج عندهم مترو .. باصات .. يعني في شي غير السيارات ..
عندنا الواحد عمرو 14 ويسوق سيارة :S

<< آسف على خرجة الموضوع .. بس فكرو زيين مو تبغو اشياء تسير وانتو ما تدرو عن أضرارها وسلبياتها :)
..
ا
ابو سعد 1 @user_163510 · 21-06-2010
ه
هالـــة
الله يعين


هم لو الله يهديهم ويخلوننا نسوق كان ما احتجناهم ولا شي

والله نصير أطلق سواقات بس هم خلهم يخلوننا نسوق


انا مع قيادة المرأه للسياره في حالات الضروره

لكن لو ساقو النساء عندنا كان خربت الديره

اقول خلكم في اشغالكم الي الله خلقكم ع شانها افضل

و موضوع السواق شوفي لك احد من اقاربك او شخص مؤتمن يعلمه السواقه
و بعدين وديه دله ع شان يختبر
و يطلع الرخصه

لانه لو راح دله كذا ما فيه امل يجيب رخصه
ه
هالـــة @user_227607 صاحب الموضوع · 21-06-2010
الله يعين


هم لو الله يهديهم ويخلوننا نسوق كان ما احتجناهم ولا شي

والله نصير أطلق سواقات بس هم خلهم يخلوننا نسوق
A
A L R A J H I @user_20228 · 21-06-2010
إن لله وإنا إليه راجعون ..

بلدنا .. مكان لتدريب العماله ..

السواق .. يجي ما يعرف يسوق سيكل ..

نعلمه السواقة - نعلمه لغه - نعطيه فلوس ...
الخدامه - نعلمه وشلون تطبخ - تغسل - تنظف - تكوي - نعله لغه - تأكل من البيت + نعطيها فلوس ...
هذي العماله المنزليه و شلون العماله الثانين .. الدهانيين البنايين .. السباكين .. الكهربائيين ........الخ


الحل :

دوري أي أحد الأقارب لك يعلمه .. القيادة داخل المدينه .. لأنها تختلف عن القيادة داخل دله ..

ودخليه دله يتعلم .. القوانيين واللوحات .. دله تعليمهم فقط وشي لوحه كذا وكذا و كيف توقف وتمشي السيارة ..

والقهر أخرتها بعد سنتين ولا ثلاث .. يقول أبروح نهائي ..

نصيحه من قلب . .

وشوفي حطي بالقزازه الخلفيه ورقه كبيرة مكتوب


(( إحذر سائق تحت التدريب ))


علشان الناس يتوخون الحذر .. وما يصير حادث لا قدر الله .. أو مهاوشات .. الخ ...


والله يعينك ..


الشرهه على مكاتب الاستقدام .. تجيب عماله ندربها ..


الله يعين و ويسر ..


تحياتي
A
Abu Ghada @user_48786 · 20-06-2010
أسئل الله القدير أن يسهل أمر سواقك في تعلم القيادة وأن يقوم بخدمتك على أكمل وجه.
سجّل دخول للرد...