عااجل جايني سواق جديد وأبي أعلمه

ينقل للقسم المختص

الله يعيينك ياخوي

دله يتعلم ويطلع الرخصة

على ما أذكر أن فيه مستويات أ - تدريب يوم ويختبر ويطلع الرخصة ، ب- يتدرب أسبوع ، ج - يتدرب شهر وأختبار ويطلع الرخصة ,



بتوفيق إن شاء الله

يعني بتقولون لي مثلاً لو الحريم ساقو راح يسببو زحمة طيب هالسواقيين اللي مليانين البلد وش نقول نعهم هم أساس البلاء والليموزينات ما أستنزفو الأقتصاد ويله احسب فيه عوئل جالسه تدفع تقديم للسواق + تعليم السواق + الحوادث بالسيارة + رواتبه = السواق بعد سنتين أو ثلاثه مع السلامه ويله نرجع ثاني مره للنفس الموال. طيب فيه عوائل ماعندهم رجال ووضعهم المادي مره سيء كيف يعني الواحد في هذا الزمن يقدر يوفر لوازم البيت من دون سيارة أو سواق لو ساقو الحريم وتحددت ظوابط لها راح توفر للعوائل شيء كثير منها الأقتصاد ومنها الأمن والأمان على العائلة من خطر بعض السواقين اللي ياكثرهم اللي لعبو في هذا البلد وبعدين هذا دول الخليج اللي جنبنا يسوقون وليه نروح بعيد في حريم يسوقون في القرى والحمدالله ماشيه امورهم ومؤدين واجبات بيوتهم وبرضو تعالو خارج المملكة المبتعثات مع رجالهم شوفوهم خارج المملكة كيف يسوقون ويودون عيالهم للمدارس ويقظون للبيت والحمدالله الأمور ماشيه أحنا لاننظر للشيء على طول من جانب السلبي فقط ليه ماننظر للجانب الأيجابي.

يا سيدي السعودية فيها زحمة سيارات مش طبييعية .. واكثر نسبة حوادث ..

بسبب ان مافي وصيلة مواصلات غير السيارات .. فما بالك لو ساقو الحريم ؟

حوادث حتزيد + زحمة زحمة زحمة ..
في الخارج عندهم مترو .. باصات .. يعني في شي غير السيارات ..
عندنا الواحد عمرو 14 ويسوق سيارة :S

<< آسف على خرجة الموضوع .. بس فكرو زيين مو تبغو اشياء تسير وانتو ما تدرو عن أضرارها وسلبياتها :)
..

انا مع قيادة المرأه للسياره في حالات الضروره

لكن لو ساقو النساء عندنا كان خربت الديره

اقول خلكم في اشغالكم الي الله خلقكم ع شانها افضل

و موضوع السواق شوفي لك احد من اقاربك او شخص مؤتمن يعلمه السواقه
و بعدين وديه دله ع شان يختبر
و يطلع الرخصه

لانه لو راح دله كذا ما فيه امل يجيب رخصه

الله يعين


هم لو الله يهديهم ويخلوننا نسوق كان ما احتجناهم ولا شي

والله نصير أطلق سواقات بس هم خلهم يخلوننا نسوق

إن لله وإنا إليه راجعون ..

بلدنا .. مكان لتدريب العماله ..

السواق .. يجي ما يعرف يسوق سيكل ..

نعلمه السواقة - نعلمه لغه - نعطيه فلوس ...
الخدامه - نعلمه وشلون تطبخ - تغسل - تنظف - تكوي - نعله لغه - تأكل من البيت + نعطيها فلوس ...
هذي العماله المنزليه و شلون العماله الثانين .. الدهانيين البنايين .. السباكين .. الكهربائيين ........الخ


الحل :

دوري أي أحد الأقارب لك يعلمه .. القيادة داخل المدينه .. لأنها تختلف عن القيادة داخل دله ..

ودخليه دله يتعلم .. القوانيين واللوحات .. دله تعليمهم فقط وشي لوحه كذا وكذا و كيف توقف وتمشي السيارة ..

والقهر أخرتها بعد سنتين ولا ثلاث .. يقول أبروح نهائي ..

نصيحه من قلب . .

وشوفي حطي بالقزازه الخلفيه ورقه كبيرة مكتوب


(( إحذر سائق تحت التدريب ))


علشان الناس يتوخون الحذر .. وما يصير حادث لا قدر الله .. أو مهاوشات .. الخ ...


والله يعينك ..


الشرهه على مكاتب الاستقدام .. تجيب عماله ندربها ..


الله يعين و ويسر ..


تحياتي