السلام عليكم ورحمة الله وبركاتة
عندي أكسنت 2006 الشكل الجديد قبل سنة أنشق خرطوش الأديتر وانا ماسك خط سفر
وأرتفعت الحرارة الحقيقة أنا من يوم شفت اللمبة الحمراء وقفت على طول وشلتها بسطحة
ولكن للأسف حدث الأسواء وخرب راس المكينة وكلفني خرط راس المكينة و شغل يد 1500 ريال
المهم قبل أمس أنقطع سير الدينمو وضرب سلك االكهرب حق المروحة وأرتفعت الحرارة وولعت اللمبة
ووقفت على طول وشلتها بسطحة وأنا يدي على قلبي خوفا على راس المكينة
ولكن للأسف راس المكينة أنعطب ولا ينفع خرط أو مسح لراس المكينة لأنة سبق خرطة لذلك لابد
من رأس مكينة جديد
حصلت راس مكينة + كوع الموية + قاعدة الكوع + الوجهة = 1750ريال+500 شغل يد =2250ريال
والميكانيكي يقول مستحيل يرجع العزم زي اول لأن الشنابر مرتخية وإذا بتصلحها بتكلفك
لذلك أبي أستفسر عن أسعار رأس المكينة
وسعر المكينة كاملة شد بلد مافكت تقريبا كم أحصلها في تشاليح الحاير
وسعر كمبرشر جديد وكالة أو كوري درجة ثانية <<<<<<< الكمبروسر خاش عرض في السالفة
وهل أستطيع أرهم عداد حرارة للأكسنت
عارف كثرت عليكم بس أخر سؤال لو حبيت أزيد عزم الموتر وش أفضل فلتر يركب على الأكسنت
وكم سعرة وهل فية قطع ثانية تزيد لعزم وكم بتكلف
ولا أنسى أن أبدي فرحتي بمشاركتي في هذا المنتدى الكبير بأعضاءة في الحقيقة أستفدت فائدة كبيرة من هذا المنتدى كزائر وهاهو المنتدى يجبرني على التسجيل كعضو من خلال مالمستة من طيبة الأعضاء وتفاعلهم وحب الخير فيهم أسأل الله لكم التوفيق والسداد
