حادث في تريل بليزر أبي فزعتكم

حازم الجازي @user_226220 · 08-06-2010

السلام عليكم ورحمة الله وبركاته
يا أخوان أنا صار علي حادث
وسيارتي تريل بليزر موديل 2005 فل كامل LTZ
غيرت غالبية القطع عدا الماكينة والقير والمكيف..
الحين أمور السيارة زينة بس عندي كم مشكلة..
1- عداد الماكينة حق الـ RPM يطلع وينزل بمجرد تشغيل السيارة (( مو ثابت ))
2- يوم أشغل المكيف يطلع العداد وينزل أكثر وأحياناً تطفي السيارة..
3- لمبة الماكينة الصفراء.. يوم أفصل كيبل البطارية وأرجعه يختفي..
بعد فترة بسيطة يرجع يظهر العلامة حقته..
4- ظاهر على شاشة المعلومات Service Air Bag System..
5- تحكم الطارة إضاءته كاملة مو شغالة + ولا زر من أزراره شغال..
6- فيوزات السيارة سليمة 100%
7- يوم أفتح الدرج اللي على يمين السايق (( الجيب اللي قدام الراكب الأمامي ))
وأنزله تحت ألقى تحت كيبل أصفر مفصول ومدري وش هو له..
وفيه 4 خطوط كهرباء وما أدري وين ينوصل
وللعلم شفت سيارة مع خويي نفس مواصفات سيارتي تتكلم مثل الباب مفتوح أو البنزين ناقص
وسمعت أن هذا هو الكيبل حق الكلام
أرجو من اللي عنده خبرة يعلمني وين ينوصل وهل فيها كلام ولا لا دام فيها شاشة معلومات على الطبلون
بانتظار ردكم
وشاكر لكم

malk @user_27471 · 11-06-2010

حياك الله اخوي لدي اضافة بسيط ومفيدة باذن الله

بالنسبة للبرمجة احد الشباب معه بليزر 2006 وغير البطارية ونتج عن ذلك مايلي

1- هواء المكيف اصبح لا يخرج مع الامام بل مع الهوية العلوية والسفلية

2-عند تشغيل المكيف عدد الضغط لا يرتفع والمكيف صار يشتغل ويفصل والسيارة واقفه

اما اذا مشيت زي الحلاوة .

بعد الذهاب للصناعية المشكلة الاولى قالوا من دينمو توزيع الهواء(( القسام)) ويكلف

شغل يد مع القطع حدود 1600 ريال او تحويل الهواء ليصبح من الامام فقط ب 150ريال

المشكلة الثانيه قالوا تحتاج اعادة برمجه واختلف اصحاب الورش بقيمة البرمجه فمهنم

من قال 150 ومنهم 350 ومنهم 600 ريال

وبعد الذهاب للوكالة قاموا باصلاح المشكلتين ب 200 ريال

المشكلة الاولى غيروا قطعه في التكييف

والمشكلة الثانية نظفوا الحساس اللي بعد فلتر الهواء عند البخاخات

واصبحت السيارة ولا احلى منها

نيسان للأبد @user_17211 · 10-06-2010

الحمدلله على سلامتك يا اخي حازم وان شاء الله اخر الحوادث ... عاد يبيلك وانا اخوك توديها فحص كمبيوتر وان شاء الله مايكون الى كل خيرررر ....

اخوك - عبدالله

حازم الجازي @user_226220 صاحب الموضوع · 10-06-2010

بإذن الله أنا بوديها أفحصها على الكمبيوتر عند واحد فنان وخله يعيد لي برمجتها..

بس أخوي أبو ريان لو تكرمت بسألك..

حساس الأوكسجين يمكن مع الحادث يكون صار عليه مشكلة؟؟ (( مع العلم أن السيارة فيها حساسين ))

وصرفية البنزين أحسها زايدة بشكل ملحوظ جداً...

أما تحكم الطارة مو الإضاءة اللي طافية وبس (( أنا أقصد حتى الأزرار ماعاد تشتغل يعني لو تضغط عليها ماتعطيك أي شي وكأنه مافي أزرار أصلاً.. ))

أما بالنسبة للكيبل شفت سيارة لواحد من الشباب وشفت الكيبل وين يركب.. (( سيارتي LTZ يعني فل الفل والطراز هذا مايجي فيه شي مو موجود لأن كامل الإضافات موجودة فيه والكمال لله عز وجل ))

وهذا يفصلونه لأن السيارة تصير مزعجة وتتكلم كثير ويعطيك صوت التحذير على المية وعشرين علشان كذا يفصلونه ويلغونه..

والإير باغ مافتح معي أصلاً :)

وعلى كل الأحوال بعطيك التفاصيل بإذن الله بعد الفحص

شاكر ومقدر لك زيارتك للموضوع وردك

تحياتي لك

Abu Rayan @user_30802 · 10-06-2010

حازم الجازي السلام عليكم ورحمة الله وبركاته
يا أخوان أنا صار علي حادث
وسيارتي تريل بليزر موديل 2005 فل كامل LTZ
غيرت غالبية القطع عدا الماكينة والقير والمكيف..
الحين أمور السيارة زينة بس عندي كم مشكلة..

1- عداد الماكينة حق الـ RPM يطلع وينزل بمجرد تشغيل السيارة (( مو ثابت ))
2- يوم أشغل المكيف يطلع العداد وينزل أكثر وأحياناً تطفي السيارة..
3- لمبة الماكينة الصفراء.. يوم أفصل كيبل البطارية وأرجعه يختفي..
بعد فترة بسيطة يرجع يظهر العلامة حقته..

[COLOR=blue]هذا سلمك الله السيارة تحتاج الى إعادة برمجة ( ريستارت ) عن طريق جهاز كمبيوتر اللي يتم شبكه أسفل الدركسون وشغلتها بسيطة .. انت لا تقولهم حادث ولا شي ،، قولهم غيرت البطارية وأبي أسوي ريستارت لكمبيوتر السيارة وياخذون عليك 100 ريال تقريبا ،، واذ خلصو اعادة البرمجة .. اطلع على السيارة وأمشي عليها دقيقتين .. وبعدين توقف وأطفئ المحرك .. ومن ثم أعد تشغيل السيارة .. وبإذن الله بتظبط المشاكل أعلاه . [/COLOR]

4- ظاهر على شاشة المعلومات Service Air Bag System..

ممكن أن مع الحادث خرجت عليك الوسائد الهوائية ! أو على الأقل الحساسات الخاصة بها تأثرت ، وفي هذه الحالة إما تظبط مع إعادة البرمجة .. أو تحتاج الوكالة يفحصونها .

5- تحكم الطارة إضاءته كاملة مو شغالة + ولا زر من أزراره شغال..
6- فيوزات السيارة سليمة 100%

إما بسبب البرمجة .. او علمها عند الله ، غالبا إضاءة الطارة وأزارير المكيف والمسجل تطفي في البليزر والإنفوي .. والسبب مجهول !

7- يوم أفتح الدرج اللي على يمين السايق (( الجيب اللي قدام الراكب الأمامي ))
وأنزله تحت ألقى تحت كيبل أصفر مفصول ومدري وش هو له..
وفيه 4 خطوط كهرباء وما أدري وين ينوصل
وللعلم شفت سيارة مع خويي نفس مواصفات سيارتي تتكلم مثل الباب مفتوح أو البنزين ناقص
وسمعت أن هذا هو الكيبل حق الكلام
أرجو من اللي عنده خبرة يعلمني وين ينوصل وهل فيها كلام ولا لا دام فيها شاشة معلومات على الطبلون

مو شرط أن هذا الكيبل قد كان مشبوك في السابق ، قد يكون له إستخدام إضافي غير موجود في سيارتك ، عموما أي ورشة متخصصة أو الوكالة بيعرفون لهذا الكيبل وسبب وجوده .
أتمنى ان أكون أفدتك على حد علمي وخبرتي المتواضعه .

متمنيا لك التوفيق .. وليتك تعلمنا لاحقا عن أسباب المشاكل وطريقة حلها .

malk @user_27471 · 10-06-2010

الله يعيتك اخوي انصحك بالتوجه للوكالة وخاصة للبليزر لان الفاهمين فيها قليل::

واغلب المشاكل اللي كتبتها متعلقه بالكهرب يعني فحص الكبيوتر سيعطيك العلم باذن الله

حازم الجازي @user_226220 صاحب الموضوع · 10-06-2010

معقولة ما أحد عنده خلفية عن الموضوع؟؟؟

حازم الجازي @user_226220 صاحب الموضوع · 09-06-2010

بانتظار مساعدتكم أخواني