استفسار جيب الشروكي والاكسبلورر

[قاعد لحالي]

السلام عليكم ورحمة الله وبركاته
أنا ناوي أشتري موتر.. ومحتار أشد الحيرة بين الجيب الشروكي ستاندر ( السبورت وليس القراند ) والاكسبلور ( الفئة الستاندر ) , فياليت أصحاب الخبرات ( المجربين للسيارة ) يفيدوني ..

* أنا استخدامي للسيارة: خطوط + طلعات بسيطة للبر

* استفساراتي من هالنواحي:
الراحة - المساحة الداخلية - التكييف الامامي والخلفي - تنسيم الهواء - التحمل (الصبر) - أسعار قطع الغيار - الرساوة - الشكل الخارجي - تواجد وأسعار قطع الغيار - تعامل الوكيل - صرفية البنزين - السعر

وشكرا لكم مقدما.. وانا بصراحة محتار وواثق انكم بتجاوبون على كافة تساؤلاتي

[EXPLORE]

وعليكم اليلام ورحمة الله وبركاتة

أخي الكريم :
الإختيارين حلوين وماعليهم كلام

بس نصيحتي انتظر اكسبلورر 2011 أنا متأكد انها سوف تكون الأفضل بفأتها

حسب الاخبار يلي سمعناها انها نازلة بأخر رمضان والله أعلم

تقبل تحياتي
ولاتنسى تصلي صلاة الاستخارة

[قاعد لحالي]

شكرا يا اخ اكسبلورر , لكن فين بقية القدعان

[قاطع القارات]

وعليكم السلام ورحمة الله وبركاته

ياخوي انا مقدر افيدك عن الشروكي لاني ماقد جربته ابد

لكن ابفيدك عن الاكسبلورر

* استفساراتي من هالنواحي:
الراحة - المساحة الداخلية - التكييف الامامي والخلفي - تنسيم الهواء - التحمل (الصبر) - أسعار قطع الغيار - الرساوة - الشكل الخارجي - تواجد وأسعار قطع الغيار - تعامل الوكيل - صرفية البنزين - السعر

الراحه :
جيد نوعا ما (فيه قساوة نظرا لكفراته الصغيرةوالحجريه)
يعني يحتاج كفرات لينه مثل هنكوك واكبر بشيء بسيط

المساحة الداخلية :
مناسبة واحس انها متكتكه
يسع 7 ركاب

التكييف
بارد وما اشتكيت منه ولي سنتين الى الان, و معجبني والحمدلله

تنسيم الهواء:
يبدا تنسيم الهواء من 130 (يعني فيه تنسيم بسيط)
واقيم عزل الاكسبلورر بحوالي 80% يعني (جيد جدا)


التحمل:
انا اشوف انه جيد معي الى الان ولاشفت منه اي عله والحمدلله
يعني تحمل وصبر جيد



اسعار قطع الغيار
تبي الصراحه انا اشوف قطع غياره الاصلية المستهلكه
ارخص من قطع تويوتا الاصليه
انا شريت فلتر لاند سته سلندر 2008 بـ 48 ريال اصلي (وكذلك البرادو والفورتشنر)
وشريت فلتر اكسبلورر بـ 25 ريال اصلي

واشوف فورد ارخص
تويوتا ارخص بالقطع التجارية (وعشان كذا الناس تقول ان التويوتا رخيصة)
باختصار: قطع غيار متوسطه السعر (القطع المستهلكه , اما غيرها فما ادري!!)



تواجد قطع الغيار :
تعتمد على المنطقه ,
فمثلي انا في حائل , صعب الاقي قطع للاكسبلورر الا عند محل او محلين ومو كلها,
بس المستهلكه!


الرساوة:
انا اشوفه راسي

الشكل الخارجي
انا اشوفه رسمي اكثر من انه شبابي
لكنه يجمع بين الاثنين
بسبب حجم وفئته


صرفية البنزين :
مستوى الصرف من 13,5 - 14,5 (على حسب الاجواء والطرقات )
يعني يمشيك 500 بالمدينه و 600 بالسفر (اذا ماتتجاوز 120 او 130 كم )


تعامل الوكيل
اانا ماتعاملت معاه الا مره في الفحص الاول بس
وبعدها صرت اعتمد على البناشر
ماشفت منهم شي (تعاملهم عادي)
ليس سيء وليس جيد
وانا اتجهت للبناشر لاني اعرف كمية الزيت (اما الفلتر فاشتريه من الوكيل) واركبه في البنشر + اسرع في استلام السيارة (حنا نقول لمحلات تغيير الزيت بناشر لانها عادتا تجمع بين تركيب وتصليح الكفرات وبين الزيت)



السعر:
99 الف (الان)
في السابق (2008 ) = 95 الف

لكن في اخر السنه (على نزلت الموديل الجديد يسوونا تخفيضاات قوية)
الاكسبلورر وصل 90 الف للالوان المرغوبه
و 87 الف للالوان العاديه

اتمنى اني افدتك!

واذا تبي تجرب السيارة انا حاضر
ومتواجد في حائل

هذا والله اعلم

[لحظه صمت]

من ناحيه الاعتماديه الاكسبلور



وبالتوفيق

[قاعد لحالي]

أشكر الجميع شكر عنيف ههههههههههه
لكن ما أحد أعطانا رأيه عن الشروكي ,,, ليه هو فيه شئ ؟

[عاشق القوة]

مالك ومال الشروكي قطع غيار نار و تقريبا مو عملي مرة
الاكسبلولر افضل لك وان كنت قد كرهت السيارات الامريكية كلها ( أتحدث عن نفسي )
لكن من بين خياراتك الاكسبلورر