فزعتكم يارواعين الباجيرو والفورنشتر والاكسبلور

خذلك باجيرو اقوى
ومريح لاكن على الخطوط الطويله ما جربته

أنا ما أنصحك تنتظر إكسبلورر 2011، بعكس الاخوان، لأنه في 2011 راح يتحول إلى كروس اوفر دفع أمامي في الأصل. السيارة في الواقع ستلغى وسيصنعوا سيارة أخرى تماماً ويعطوها نفس الإسم. يعني ما عاد فيه لا دبل خفيف وثقيل ولا شاصي ولا محرك وضعية طولية ولا أي شيء. إذا بتاخذ إكسبلورر خذ الموديل الحالي أفضل.

السلام عليكم

الاخوان ماقصرو واتفق مع الكثير من كلام الخل الوفي

ترشيحي للباجيرو وبالامكان وضع خيار البرادو ضمن القائمة لتقاربهم في الفئة والسعر بالنسبة لل6 اسطوانات اقل نوع من الاخير

في الختام انصحك بالاستخارة
بالتوفيق

لازلت حقيقة بانتظار آراء أصحاب الخبرات -مع الشكر الجزيل لمن بادر-
تعرفون شرية السيارة مب سهلة ولا وده الواحد يقدم على شي ماتبين له..

الله لا يريكم مكروه

الراحة
المساحة الداخلية
التكييف الخلفي
تنسيم الهواء
التحمل (الصبر)
أسعار قطع الغيار
بقاء السعر
الرساوة
الديكور الداخلي
الشكل الخارجي
تواجد قطع الغيار
الوكيل
ABS
نوع البنزين 91
صرفية البنزين
السعر


والله من الصعب تحقيق كل متطلباتك الي ذكرتها في سياره واحده
فلازم تتنازل عن بعض هالمتطلبات في كل سياره
لان هالسيارات تمتاز في شئ وتنخفض في شئ اخر

ولاااااااااااااااااا ازيد عن كلام اخواني كفو ووفو في ذكر مواصفات هالثلاث سيارات

بس عندي نقطه حبيت اثيرها وهو قولك انك ما نتب راعي بران الا قلييل ... فليش
ياخوي تاخذ سياره مقدرتها في البر عاليه وبالتالي تدفع فلوسك في شئ ما نت بحاجته ؟!
الباجيرو بـ 145 الف والفورنتشر بـ 120 الف على ما اعتقد

والاكسبلورر مواصفات حلوه ومركب مريح ووكيل راقي وقطع متوفره وارخص من الاثنين الي قبل وتاخذه بـ 85 الف ..............
لاااااااااااااااااا وشكله بيتغير بعد الموديل القادم 2011 ان شاء الله ...... يعني اضمن من 4 الى 5 سنوات ما راح يتغير شكله

اشوف الاكسبلورر وهو من فئة الـ SUVS افضل لك وكذلك الايدج وهو من فئة الكروس اوفر .

تحياتي

انا انصحك بالباجيرو لاني استخدمته سنتين(كان فل كامل 3800CC) ولافيه اي مشكلة وممتاز على الخطوط والبر ماعليه كلام وياباني 100% واسعار القطع والصيانة ممتازة

ولا تنسى الاستخارة

نعم أفضل بكثيييييييييير.

الله يعافيكم
وياليت باقي الأخوة يتحفونا بخبراتهم..
الباجيرو كيف مركبه بالخطوط؟؟ اللي أعرف انه مب ذاك الراحة ولا؟

ظلمت الباجيرو .. الباجيرو أعلى منهم بكثير .. بالتوفيق .

رح الوكالة وشف بنفسك...افضل

والله ياجماعة مدري كيف أشكركم..
الله يعطيكم العافية الصراحة..
أنا عندي استفسار.. هل ديكور الباجيرو أفضل من الإكسبلور؟؟ أم لا

أخوي أنا معي فورتشنر، والأخ فورتشنر أحس إنه ظلم السيارة جداً. الظاهر إنه كان معه سيدان ومو متعود على سواقة الجيوب.

السيارة صحيح ما فيها زود راحة عن الآخرين، لكنها تبقى مريحة ومقبولة جداً. وفي الخطوط رائعة، وليست فقط مقبولة.

القوة ممتازة جداً بل جبارة، وأقوى بكثيييير من الإكسبلورر عن تجربة، وتسارعها أفضل من الباجيرو رغم زيادة القوة في الباجيرو، ربما بسبب فارق الوزن. وعزمها أقوى من عزم الإثنين.

المكيف أكثر من رائع، ما أدري ليش أخونا يشتكي من المكيف، أشوف مكيفها نفس مكيفات تويوتا الشهيرة بأداءها الرائع. وبها مكيف في الأمام وللمقاعد الوسطى والخلفية.

الرساوة صحيح ليست مثل الأخرتين، فهي أقل بكثير لعدة عوامل، منها أن الآخرين بهما تعليق مستقل بالكامل. لكن له تميز عن الآخرين بوجود نظام الدفع الرباعي المستمر الذي يعطيه شيء من الرساوة.

التنسيم بعد 140 فيه كثير من ملاك الفورتشنر يشتكون منه، لكني لا أشتكي منه إطلاقاً، بل مبسوط منه جداً من هذه الناحية.

المساحة الداخلية أتوقع أقل واحد فيهم. لكن مع ذلك مقبول جداً وأفضل من البرادو.

العزل الصوتي ضعيف جداً، وتحس المكينة عندك.

التحمل جبارة جداً في التحمل، وأفضلهم تحملاً في رأيي بسبب وجود شاصي كامل مثل سيارات البيك أب (الإكسبلورر كذلك فيه شاصي كامل)، ودفرنس خلفي كامل متصل (محور صلب) ونظام تعليق جبار يتحمل سوء الإستخدام. محركه يصبر صبر غير طبيعي ودبله يدوي بسيط ما فيه إلكترونيات.

أسعار قطع الغيار رخيصة ومعقولة جداً. أعطيك مثال: الفحمات الأمامية الأربع فحمات بـ 240 ريال تقريباً. فلتر الزيت بـ 48 ريال للياباني و15 ريال للتايلندي، وكلاهما أصلي من تويوتا يباع عند الوكيل، وهما نفس الشيء تماماً وكثير من الشباب يركب التايلندي ولا اشتكى منه أحد إلى الآن. أتوقع يجي قريب من الإكسبلورر وأرخص من الباجيرو.

الديكور الداخلي رديء الصراحة نوعاً ما ولا يقارن بالباجيرو. الإكسبلورر أيضاً بلاستيك لكن على الأقل شكله جميل. الباجيرو قمة ما شاء الله.

قطع الغيار متوفرة جداً جداً ولا عندك أي مشكلة من هذه الناحية. وليست كلها تايلندية كما تفضل الأخ، فجميع قطع الغيار الميكانيكية يابانية 100%؛ قطع الغيار التايلندية تكون مثل الديكورات الداخلية، المساعدات، وغيرها من الأشياء الثانوية.

ياخذ بنزين 91 أو 95، وأنا ما لاحظت أي فرق بينهما في القوة أو النعومة، لكن لاحظت فرق في الصرفية، 91 يصرف أكثر بكثير من 95 داخل المدينة، ونفس الصرفية في الخطوط. وصرفيته للبنزين أفضل من الإثنين إذا كان بنزين 95. أما إذا 91 فلا أستطيع أحكم.

أخيراً، كل السيارات الثلاث تلبي حاجتك، لكن كل واحدة تلبي إحدى الحاجات أفضل من الأخريات.

يعني مثلاً، لو تبغى سيارة للمناطق الصخرية مثل المنطقة الجنوبية ويكون فيها مرونة عالية، ما لك إلا الفورتشنر.

إذا تبغى سيارة للتطعيس والرمال، فكلا الباجيرو والفورتشنر يلبيان الطلب، وأما الإكسبلورر، يلبي الطلب على خفيف لكن مكينته ضعيفة شوي على المراقي ونازل جداً قريب من الأرض يعلق بسهولة، فهو ليس خيار مثالي لهذه الأغراض.

لو تبغى قوة محرك، الباجيرو والفورتشنر يلبيان الطلب

لو تبغى أمان، الباجيرو والإكسبلورر يلبيان الطلب والباجيرو أفضل في رأيي.

لو تبغى سعة داخلية كبيرة وراحة، الإكسبلورر أفضل من يلبي الطلب، والباجيرو قريب منه جداً. والفورتشنر أسوأهم لهذا الشيء لكن يبقى يلبي الطلب أيضاً.

لو تبغى الفخامة، الباجيرو أولاً، والإكسبلورر ثانياً. الفورتشنر لا يلبي هذا الطلب أبداً :)

وفي الأخير، وازن بين متطلباتك واختياراتك، وأنا من رأيي، حسب ما فهمت، أشوف الباجيرو أفضل خيار لك.

بجاوبك على تساؤلاتك
وانا جربت الباجيرو والاكسبلورر
اما الفورتشنر فهو مع اخوي
وانا اشوف
الفورتشنر (للبر + خالي من المواصفات الفخمه)
والباجيرو (بر + سفر + مواصفات وانطمة)
الاكسبلورر (بر على خفيف + سفر + مواصفات ممتازه جدا)

وانا اشوف ان افضل شيء لك الاكسبلورر

نبدا


السلام عليكم
وعليكم السلام
في البداية الصراحة أشكر القائمين على هالمنتدى الجبار والمفيد..
الحقيقة انه مليئ بالخبرات وال
أنا ناوي أشتري موتر.. ومحتار أشد الحيرة بين الباجيرو والفورنتشر والاكسبلور
ياليت أصحاب الخبرات يفيدوني..
أنا استخدامي للسيارة: خطوط + طلعات بسيطة للبر
قيادتي للسيارة لاتخلوا من الإثارة نظراً لأن الموتر اللي معي الآن صغير

تهمني هالنواحي:
الراحة
فيه قسواة على خفيف (لان كفراته صغيرة وجبليه "حجريه)
والحل تركيب كفرات اكبر بشئ قليل ولينه مثل هنكوك

المساحة الداخلية
ممتاز افضله على الباجيرو والفورتشنر
يركب =7 اشخاص

التكييف الخلفي
بارد ويزود برود مع المشي كمان
بالاضافه انه التحكم فيه يكون في الامام (عند السواق ) وكذلك الباجيرو
(مدري عن الفورتشنر)

تنسيم الهواء
عند 130 كم فيه تنسيم خفيف جدا

التحمل (الصبر)
انا جربته واشوفه ممتاز (مع اني كنت مو مقتنع يوم اشريه)

أسعار قطع الغيار
انا اشوفه افضل من التويوتا والميتسوبيشي
وارخص
التيوتا رخيص لان معظم قطعه تجاريه (لكن شوف سعر الاصليه =ناااااار)


بقاء السعر
ينزل سعره (قبل شهر واحد شرى 2005 فل كامل بـ 55 الف وهو سعره جديد في وقته 110الف)
يعني بعد خمس سنين نصف السعر يروح

الرساوة
راسي

الديكور الداخلي
جميل ومتماسك

الشكل الخارجي
رسمي

تواجد قطع الغيار
عند الوكيل غالبا

وانا بصراحه ما طلبت قطع الى الان (بس شريت فلتر زيت )

الوكيل
ما اعتمدت عليه الا في شراء القطع المستهلكه (واحصلها عنده بسعر كويس)

APS
فيه abs+ebd+traction+

نوع البنزين 91
نعم

صرفية البنزين
يمشي اكثر من 500 ويوصل الى 600 في السفر (اذا كانت السرعة لاتتجاوز 120)

السعر
99 الف (واخر السنه يسوون تخفيضات ويوصل سعره الو 90 الف )

وشكرا لكم مقدما.. وانا بصراحة متفائل انكم بتجاوبون على كافة تساؤلاتي
العفوووو

-------------
اما بالنسبة للفورتشنر فانا اشوفه ممتاز لكن سعره غالي بناء على مواصفاته وصناعته
يعني بس بـ vx تحصل abs بس وما فيه انظمه غيره (اتكلم عن 2009)

الباجيرو (ممتاز جدا وتلقى فيه مواصفات اكثر من الفورتشنر والاكسبلورر وهو يقارن بالبرادو) لكن الوكيل اللي عندنا يبيع بـ اكثر من 138 الف (للمكينه الكبيرة) يعني لاقل نوع من الفل
بينما يوصل سعر الفل الى 150 الف
ويتميز ان فيه دف لوك
ونظام ثبات في المنعطفات
ونظام سحب
ونظام للمرتفعات والمنخفضات
ثلاجه
مسجل بـ 12 سماعه نظام روك فورد
+ (كام وشاشه للفل اوبشن)
تدفئه مراتب

الاسعار الفورتشنر 100الف - 109 الف (ويمكن تغيرت)
الباجيرو (138 الف - 150 الف)
الاكسبلورر (99 الف - 118 الف)

والاكسبلورر اللي انا اتكلم عنده هو افل نوع (ستاندر) بـ 99 الف

اتمنى اني افدتك من خلال تجربتي
تحياتي لك :)

وعليكم السلام ورحمة الله ..والله يحيك يا أخي الكريم .. والمنتدى يتشرف فيك .. وفي تواجدك ..


تهمني هالنواحي:

الراحة

مافيها نقاش للكسبلور

المساحة الداخلية

الكسبلور ثم الباجيرو ثم الفورنتشر

التكييف الخلفي

طبعا المنافسة هنا بين الباجيرو والفورنتشر و الاكسبلور يطلع منها ..

تنسيم الهواء

صراحة الباجيرو بعد 120 يبدا فيه صوت مسموع .. والفونتشر العزل فيها ما يحتاج عموماً التويوتا .. الكسبلور >> مادري ولكن ما أتوقع أنه يقل جودة عن الفورنتشر .

التحمل (الصبر)

طبعاً الباجيرو يعتبر التوب في التحمل يحكم القطع والتجميع يأتي بعده الفورنتشر ثم الكسبلور

أسعار قطع الغيار

مادري عن الاكسبلور ولكن القطع الاستهلاكية ماهنا في فرق في الباجيرو والفورنتشر ولكن قطع البودي الباجيرو أغلى ..

بقاء السعر

مادري عن الكسبلور ولكن الباجيرو يعلك لين يجيك زبون يشتريه ولكن ترى نزوله ماهو واجد زي ما تسمع أن سعره يطيح .. وأدخل مستعمل والموقع البيع والشراء .. أيضاً الفورشنر ولا زمان الموتر يمسك سعره لا والله أنه ينزل منه مبلغ غير المعتاد .. وهذه لحظته في الأونه الأخيرة .. ولكن يميزه بيعته سريعة وسهله لأن التويوتا مرغوب وزبائنه كثر ..

الرساوة

صراحة سمعت كثير عن قوة رساوة الباجير ولكن إلى الآان ما جربتها .. وهذا نقلاً عن ممن شاهدوها في المنعطفات في منطقة الجنوب .ولأدري عن البقية

الديكور الداخلي

يفرق بصراحة ويدخل فيها الذوق .. ولكن من ناحية الجودة أقول لصالح الباجيرو ..

الشكل الخارجي

هذه أذواق وصعب تحديدها ..

تواجد قطع الغيار

والله أنت وحضك .. ولكن في الأغلب تواجدها في المدن ولكن في المدن الصغرى مافيه غير تويوتا ..

الوكيل

والله عبد اللطيف جميل أفضلهم بلا منازع ويأتي بعده الحاج حسين ومن ثم يأتي في المؤخرة العيسائي :mad1:

APS

والله مادري وش أقولك هذه تقنية دقيقة في السيارة وصعب الحكم عليها

نوع البنزين 91

ليس عندي علم عنه

صرفية البنزين

وكذلك الصرفية

السعر

لصالح الكسبلور ومن ثم فوتنشر ومن ثم الباجيرو

وشكرا لكم مقدما.. وانا بصراحة متفائل انكم بتجاوبون على كافة تساؤلاتي

وحياك الله معنا وأن شاء الله نكون أفدناك بهذه المعلومات المتواضعة ..

ولك أطيب تحية

الله يعطيك العافية..
أخوي أنت ذكرت انه فيه تنسيم هوا على سرعة 140.. هل مقبول ولا لا؟
هل كل الجيوب كذا..؟ ولا لا؟