معي 227 الف ومحتار اي سياره اشتري؟

والله انصحك بالانفنتي افخم واقوى واكشخ وشبابي وعائلي في نفس الوقت

احسنت الاختيار في اسم السيارة الا وهي اللاند كروزر
ولكنك اسات الاختيار في الفئة ياريت تفكر في الفي اكس ار وكل التوفيق لك
مع خالص شكري وتحـيـــــــــــــــــــاتي

بيض الله وجيهكم يعطيكم العافيه مشكورين ع التفاعل والنصايح والله شكلها بين الانفنتي

واللاند والباترول الجديد والتاهو او اليوكن او الكادلك srx2010 لانه كل هالوكالات

عندنا بحايل ولازم اختار واحد من هالسيارات وش رايكم وش اختار؟

2008 2009 2010 نفسة
خذلك 400 حصان بدل 240 حصان فقط
7 سرعات بدل 5 سرعات فقط
اصعب شي هو الاختيار الصحيح

احسبها صح وفكر فيها

انت راح تشتري لاند كروزر بـ 200 الف وراح تعيش 5 سنوات في سياره بدون مواصفات ولا قوه ولا شي يريحك عشان تبيعها بسعر زين

لو تشتري لك دينالي بتقعد طول هال 5 سنين مرتاح موتر قوي ومواصفات وتقنيه وموهب موتر بدائي

انت دلع نفسك شوي وترى فيه فرق كبير الله يحفظك والدينالي ما جته مسجلات صينيه ولا جنوط صينيه

عندنا عضو الجنط انكسر عليه وصار له حادث وهو معك جيب لكزس 2010

والي يقول هذا مركب غرابي العضو جاب الاثباتات للمشرف ان السياره وكاله والوكاله عوضوهم

وش لك في تايوتا ؟

ودام انه مافيه الا انت والوالده الله يخليها لك خذ لك بقيمة الجيب كروس اوفر افخم مثل انفنتي FX50 S دفع رباعي ان بغيته بر ما يقول لا و 400 حصان موب زي الاند 240 ويالعافيه بعد


تخيل انك في شارع ويمر جمبك هذا المزيون













ولا لاند كروزر

اقدر اجزم لك ان اي انسان عاقل يقول ان الانفنتي اكشخ وشكله في الشارع ملفت وافخم واقوى واحسن


عمومن هذا رابط تجربه للسياره

http://vb.eqla3.com/showthread.php?t=377746


اعتذر لني حطيت رابط منتدى ثاني بس الرجال بيشتري سياره و 200 الف ميب لعبه


والانفنتي يمسك سعره بعد خصوصاً FX صح موب زي تايوتا بس يمسك سعره

دامكم اثنين الله يحفظكم ... ليه تدور سيارة دفع رباعي ؟؟؟ وكبيرة بعد ؟؟

وأنا أخوك بالفلوس اللي معك تجيب سيدان ممتاز ألماني ولا أمريكي ولا حتى ياباني .
يعني عندك الفورد توروس فل ( ليميتد 140 ألف ريال ) .. وعند الماكسيما فل بهالحدودو بعد .. وعندك الــ Calss C من مرسيدس ممتازة . وعندك السوبارو ليجاسي GT وعندك الباسات سي سي والباسات R36 .. وعندك دودج تشارجر و كرايسلر 300C ( بيتغير شكلها السنة الجاية ) .. والله عندك الكثيييييييييييييييييير من الخيارات ... وبعدين لو إنت مصمم على سيارة جيب .. شفلك الجيب رانجلر .. يتحمل الطرق الوعرة اللي عندكم وصغيرون وعملي لأبعد الحدود .. ولا شف الجيب الجديد من مازدا CX-7 سعره بحدود الــ 110 فل . وعندك الباثفايندر والإكسبلورر والفورد الإدج (شكله بيتغير آخر السنة وبيصير روعة )

عندك خياراااااااااااااات كثييييييييييييييييييييييييييييييييرة

لكن نصيحتي هي التالية :
خذلك سيدان باسات سي سي ولا فورد تورس ليميتد
ولو معزم على جيب .. خذلك الرانجلر .

والباقي حطه بالجيب لك وللزمن وأنا أخوك :)

بالتوفيق يا رب .. والله يحفظ لك الوالدة .

السلام عليكم

التفاعل كبير وبصراحة مادري ليش تبي سيارة كبيرة رغم ان العائلة صغيرة

ليش ماتاخذ جيب صغير او متوسط
ليش مثلاً مافكرت في البرادو VX رغم سعرة المرتفع لكن فخامة ونفس محرك الاند 6 اسطوانات يعني اداء افضل وسعر اقل

واذا ماتهتم بالقوة كثير خذلك مثلا راف فور ولا باجيرو سبورت

اجل دام كذا

استخير بين

باترول
لاند
برادو
باث
اكستيرا
ارامادا
يوكن
تاهو


وربي يكتب لك الخير

شكرا لكم وعلى تفاعلكم لكن فيه مشكله بالنسبه للسيارات الماركه مثل اودي وطوارق

ومرسيدس وبي ام المشكله صراحه انا بحايل وانتم عارفين حايل شوارعها وعره شوي

يعني مو زي الرياض او القصيم وجده والمدن اللي غيرها وغير كذ1 مافيه وكالات

للسيارات هذي ما عندنا الا الجميح وتايوتا ونيسان هم الشركات المعروفه هنا المشكله

لو يصير اي شي مثلا تغير زيت وضمان وكذ1 يعني لازم اروح لأقرب وكاله واقل شي

القصيم 200 كيلو من حايل حتى القصيم ما ادري عنها في فروع وكالات للسيارات هذي

ولا لابس مو معقوله كل ما صار شي مثلا لا قدر الله او تغير زيت او تشيك بروح للقصيم

عطوني رايكم لاهنتوو باللي قلت وشكرا لكم

طيب اسمح لي الان اضع اقتراحي ... ومثل ما شاروا عليك الاخوان

باترول 2010
فئة LE2
بمحرك ال 400 حصان

مواصفات رائعة بسعر يناسب ميزانيتك

وللعلم اذا انت من الناس اللي يحافظون على سياراتهم اقول لك من الان .. ما يهمك سعر بيعه بعد الاستعمال لان واقع الحال يقول ان النيسان يمسك سعره وبشكل ممتاز جدا اذا كان نظيف ... وهذا ماهو كلام احد هذا من تجربة خاصة واكثر من مرة.

والله يكتب لك الطيب

SRX
فكره اني اشتري سياره عشان ابيعها لغيري غلط الا اذا كنت بتسوي بزنس
وفي هذي الحاله ماراح يظبط معك الا الياباني و الامريكي

دام العايله صغيره و انت و الوالده بس الله يحفظها لك

فكر في راحتها
يعني انت ماراح تكون 24 ساعه في البر انت و الوالده

انا اشوف الاودي عرضهم حلو خلال 3 سنوات منت متكلف اي شي وسعر الفل 198 الف للـ Q5 وراح توفر مبلغ حلو

او انتظر الطوارق 2011 ممتاز جدا
والاكسبلورر 2011 مواصفات و شكل جديد و كمان الايدج

او شوف

لكزس RX و انفينتي EX و FX ( شبابيه و عائليه في نفس الوقت)
او الدرانجو من دووج

يعني انت مو مجزم على الاند و لا انت مجزم على الباترول

شيلهم من بالك و فكر في الوالده و راحتها

وفكر في شبابك ودلع نفسك و خل فكره اعادة البيع ذي عنك \

واذا تبي اعاده بيع اشتغل استيراد و تصدير ازين لك

او فكر بسيارات السيدان من مرسيدس و لكزس و بي ام و اختر منهم اللي يحلى لك كلهم في متناول يدك

ياخي اذا تبي تبيع خذ اللاند قيمته فيه

اذا تبي تستخدم وتحب الياباني ارشح لك الباترول

واذا بتأخذ فئة SE فأنا أرشح لك الباث فايندر الفل اطلق في المواصفات ههههه و 150000 ريال

اذا تحب الامريكي فأنصحك بالتاهو Z71 بصراحه مجرم

هذا رأيي وأنت اختار بين الياباني والامريكي بكيفك

شكرا لكم ع تفاعلكم وردودكم برضو الا الحين محتار:confused1:

أخوي الكديلاك سعره يطيح بقوة و الأمريكي بالعموم يعني لا جيت تبيعه شيل نص المبلغ كأدنا اعتبار بفرض أنك شريت السيارة بـ 140 ألف فـ حط في بالك أنها بتجيب لك حول الـ 70 في المعارض أو أنك تبيعها على واحد رغبان فيها !

بعدين الكاديلاك الـ SRX الجديد موب ذاك الزود شكله عكس الأودي Q7 , Q5 سيارات روعة و الله !!

و عندك خيارات زي السيكويا أرخص من اللاند و قيمتها فيها و عبداللطيف جميل ما يلعب فيها لكنها كبيرة عليك

و عندك الاكسبديشن و الله مركب روعة ^_^ و غيره المازدا CX9 و الله سيارة جميلة و مواصفات روعة روعة للفل جدًا روعة

يعني أنا بالنسبة لي كشخص و راح أشتري و عندي هالمبلغ يا آخذ الأودي أو المازدا

علمًا بأن فكرة البيع لازم تكون بعيدة

أما إذا ناوي تبيع قريب فمفروض ما تآخذ غير التويوتا الكلام هذا هنا في السعودية هع :)

أرشح فورد f150 هآرلي ديفيسون







شكلة يطربك :xyxthumbs:

صوتة يطربك :tongue:

قوتة تطربك :bigggrin:

:xyxthumbs:

انت تبي سيارة ماينزل سعرها بسهولة+ مواصفات فارهه
في هذه الحالة دور لك لكزس 570 lx مستعمل 2008 او 2009 يمكن تحصل او تدور لك ايسكاليد من نفس الموديلات اتوقع راح يرضي طلباتك
اما اذا مصر على سيارة جديدة وفي قمة الرفاهية يبقى الباترول في القمة حتى الان كسيارة دفع رباعي بالدرجة الاولى + مواصفات+ سيارة جديدة بالسوق وشكل جديد

مسألة srx مواصفات ممتازة لكن سعر اعادة البيع سيء + حسب من جربو السيارة لا تتمتع براحة كاديلك المعهودة اضف لذلك لاتصنف سيارة دفع رباعي بل هي سيارة كروس اوفر

جرب استأجر كل من
تاهو
يوكون
لاند كروزر
اكسبيدشن
لنكولن نافيجيتور
طوارق الجديد (خرافي)+ [COLOR=black]خيار اكثر من ممتاز (لاتفكر في سعر اعادة البيع)[/COLOR]
باترول
ايسكاليد

وبعد كذا قرر:smile:

شكرا ع مروركم وتفاعلكم

افضل شي تشوف اسعار اللاند المستعمل في المعارض

وشوف اسعار الأمريكي التاهو واليوكن في المعارض وفي الصالات (المستورد)

وتشوف مسك السعر في هذا الوقت:ch19:

خذ الاند كروزر والف مبروك مقدما
ما عليك من الباترول تراه بايخ وبتندم اذا شريته