معي 227 الف ومحتار اي سياره اشتري؟

الله يعطيكم العافيه ع المرور مشكورين ما قصرتو ومشكور اخوي حبة خال ع النصيحه لكن مثلك عارف ونس الروح قبل لا تروح انبسط طال عمرك بشبابك والفلوس مو طايره ان شاء الله بعد فتره يطيح اللي براسي وابيع السياره ووقتها اشتري فيها ارض واشوف نفسي لكن الحين ودي بسياره والله حلوه والعمر مره وانا اخوك بس ومشكور ع نصيحتك بيض الله وجهك

يالغالي اذا تبغى الوالده ترضى عليك وتدعيلك وتفرح علشانك اشتري بهالفلووس قطعه ارض وربي ابرك لك من حديد سياره نصيح لك :wink:
او على الاقل اشتر ارض بـ 100.000 والباقي خذ فيها جيب باجيرو ماشاء الله وربي انت الكسباااان ... ايش راح تفيدك بصمه في سياره ولا شاشه لمس ولا كميرا ولا جنوط 20 انش ولا مقاعد جلد ... راس ملها 4 سنوات وبعدين بتمل من السيااااره ... اما الارض هذي لك وللعمر وذخر لك انت وانشاء الله إذا جات عيالك <<< إلا اذا انت مقتدر وحالتك الماديه ممتازه فهنا لنا كلام ثاني:bigggrin:
انا بس حبيت انصحك لان كلنا اخوان في هالمنتدى :ch19:

أخي وعن تجربه

أنصحك بجمس دينالي موديل 2009
صراحه سياره فوق الخيال
الفخامه ما يحتاج
ومريح جداً في السفر
وسعرو مناسب جداً أنا شاريه بـ 165 ريال فل كامل
طبعاً كان عليه عرض
بالتوفيق

أخوي انا غير مسئول عن صحة الكلام لأنه منقول من شخص اخر وعلى ذمته وغير كذا الموقع متخصص في سيارات تويوتا فتوقع يكون في تحيز لسيارات تويوتا لو شيء بسيط لاكن يقولك حدث العاقل بما يعقل وانته خذ المفيد واترك الكلام المبالغ فيه بس انا لو منك ماخذ شيء الا مقتنع فيه 100%100 والا ماخذه نهائياً

أجل يا صاحب الموضوع مالك إلا رانجلر 2010
وإذا تبي الكبير .. رانجلر ليميتد

بالتوفيق

شكرا لك اخوي ع المجهود الرائع فعلا ما قصرت ويعطيك العافيه يعني يمدح اللاندكروزر اكثر من الباترول صح؟

وكمان هذي منقول من موقع أخر للكاتب الاستاندر عشان مايزعل علينا

السلام عليكم ورحمة الله وبركاته

الموضوع باختصار جانا واحد من الجماعه وعنده باترول 2010 الله يبارك له فيه ويعطيه خيره ويكفيه شره
المهم قلت له بسوي تست درايف لوووول على كثر مااسمع عن الباترول قلت لازم اجربه
بداية ركبت الموتر ماشاء الله عليه موتر فيه رفاهيه واضحه لاكن ليست عمليه لان اللون البيج منتشر في جميع ارجاء السياره وطبعا في ناس تفضله والناس اذواق
بعدها عشقت النمره في الدي ولاحظت صوت ضربه بسيطه فالشفت لاكن ماسمعتها مع المشي ظهرت فالبدايه فقط
بعدها قلت بجرب قوته اللي الكل يتكلم عنها ثبتت العقال والغتره عدل وربطت حزام الامان وسميت بالرحمن ودعست له ماشاء الله عزمه حلو بس تعجبت انه مب ذاك العزم اللي الكل يتكلم عنه يعني بقت غترتي على راسي والعقال في مكانه ولله الحمد
مميزات الباترول من وجهة نظري
1- سياره عائليه فخمه ورياضيه
2- طبلون جميل وتخشيبه اجمل
3- اتساع واضح من الطول ولاكن فالعرض متقارب من الكروزر
4-شاشه رائعه ونقل الصوره من الكيمرات اروع حيث تشاهد السياره كامله في منتصف الصفحه والنصف الاخر مشاهدة طريقك
5- شاشات خلفيه
6- انارة المناظر عند الاقتراب من السياره (عجبتني الحركه )
عيوب الباترول من وجهة نظري
1- كبر حجم العواميد الاماميه وقربها من سائق المركبه
2- العزل في اللاند كروزر افضل من الباترول لان بعد سرعة 140 صوت واضح للهواء
3-الطول المبالغ فيه للسياره
4-اللي ساق لاند كروزر بيعرف قيمته اذا ساق النيسان من حيث راحة الكراسي وهدوء القياده
5- صوت الماكينه عالي مع الدعس (في ناس تحب الصوت وناس لا )
6- وعر مع المطبات والحفر عكس اللاند كروزر
7- القير ذو سبع نسب بديت اشك وين اخر 2 ؟
هذي تجربتي لقيادة نيسان وهذي وجهة نظري في الباترول 2010
واسمحوا لي على الاطاله

بسم الله الرحمن الرحيم


السلام عليكم ورحمة الله وبركاته




حبيت اقولكم انه صار تيست للنيسان test drive

بتكلم عنه مميزات و سلبيات

من خلال الاشخاص الي جربوه



المميزات او الايجابيات :


* الموتر ناعم

* ماسك على الطريق

* اضائة باليل زنون اوكي..

* عائلي 100 %

* بالخط اثبت وانشط من الـ 2009



السلبيات :

* الموتر كبير بشكل مب طبيعي ولا يخصه بالسبورت..

* ثقيل اثناء التسكع داخل المدينه [URL="http://www.qatarspeed.com/forum/images/smilies/smiles1/006.gif"][/URL]

* الشكل من الخلف قبيح ( راي البعض )

* المعروف انه السيارات الفخمة يكون قيجاتها دجتل وتكون لها بصمة خاصه او جديدة بالموتر

* الموتر رغم حجمه الكبير والتقنيات الي فيه الي تنتسب للفخامة الموتر مافيه هدروليك!

* فالرملة ناعم وثابت بس تحرق ام الريس يالله يماشي الحال

يعني حق بر كشتات ويا ربعك ابد لا تفكر فيه..

* مافيه عزل للضجيج مثل الكروزر

* الرفرف الخلفي قصير يعني مسافة الصدام للرفرف صغيرة

التواير الخلفية مسافة بعيدة عن القدام بوايد يعني مب مناسب حق البر..



بشكل عام


الموتر عائلي مجرد ارمادا مكبريها حبتين + شاشتين ورا

بالنسبة للبترول صرفيته عادية يعني حشرونا بوظبي للرياض

ومادري شو ماشي من شارجة لين بوظبي يمكن ربع تنك او اكثر يمكن نص..


الحلو فيه واسع

والشكل تقليدي..بس موتر للعوائل مناسب

هذا كان حقيقة تجربت البعض للموتر


مـ ـنـ ـقـ ـو ـل


منقول من موقع آخر ممكن يفيدك اخوي

فعلا بس انت عارف هذ1 شكل مختلف وجديد مره وحده وانا قبل شوي كنت بوكالة نيسان وشفت الباترول الفل كامل اللي فئته LE حلو شكله ومواصفاته ممتازه لكن فيه عيب..مااشوف فيه شاشات دي في دي يعني مو معقوله سياره بالقيمه هذي ما حطو فيها شاشات ورى لو على الاقل شاشه وحده كبيره بالنص مثل الجي اكس ار فيه شاشه بالسقف بالتنده كبيره والسيارات الثانيه اللي بالقيمه هذي فيها شاششتين للركاب اللي ورى هذ1 الغريب اللي لاحظته بالباترول الجديد

بس دايماً السيارات اللي مثل كذا ماشاء الله أسطورة من متى وهي تصنع
حتى لو طلع فيها عيوب ماتوقع حتكون عيوب كبيرة ممكن شغلات بسيطة وتنحل بأذن الله وبعدين عندك الباث فايندر الجديد ماقد سمعنا عن عيوب فيه فأكيد الباترول حيكون افضل من هذي الناحية والله أعلم

اشكرك اخوي على الافاده والمرور وانا بصراحه افكر فيه لكن مشكلته غالي بـ240 وبقيمته صراحه اشتري جي اكس ار 8 سلندر ولكن الكلام مين الافضل انا خايف الباترول الجديد يطلع فيه عيوب ولافات الفوت ماينفع الصوت

بالنسبة للباترول أتوقع ماحينزل سعره بسرعة مثل اي سيارة ثانية بحكم ان شكلة جديد وحيكون مرغوب للبيع كمستعمل لندرة وجودة مستعمل والله أعلم

اشكرك اخوي ع مرورك فعلا مشكله الدينالي والتاهو بسرعه تطيح اسعارهم..طيب وشو رايكم بالباترول الجديد تتوقعون لو ابيعه بعد 5 شهور او 6 شهور يطيح سعره والا ينقص شي قليل بس؟

انا شفت عرض على الدينالي 2009 بــــــــــــــ165000 يعني احتمال يطيح كثير من سعره عشان العروض اللي تنزل من فتره لفتره

مشكورين ع المرور اخوي Guitariano المشكله لازم اخذ جيب وانت عارف

حايل وشوارعها وغير كذ1 يمكن تحصل طلعات بر او شي انا ابي سياره لكل شي وانا

اخوك يعني لو ابي ابر مثلا ما اتحسف واقول ليتي شاري جيب يعني ابي سياره لكل

الظروف فهمت اخوي..يا اخوان ما رديتو علي لو اشتري دينالي وابيعه بعد شهر او

شهرين ويكون ماشي تقريبا 5 الاف كم يطيح منه تقريبا؟؟ارجو التفاعل واللي عنده خبره

بالموضوع لايبخل علينا يفيدنا وشكرا لكم

إذا تبي جيب يمسك سعره وقوي وفخم ومواصفات VXR خذ لك برادو 2010 VXL

وفيه واحد مسيوم 167 الف خذه ووفره 60 الف :bigggrin:

أخوي صاحب الموضوع .. إلى الآن ما رديت علينا

ليش تبي سيارة جيب وإنتم شخصين فقط ؟

والله العظيم ما أظلم نفسي وأحط ربع مليون في سته سلندر

ومراتبها ادفها بيدي (كأني ارقص سامري) ، وديكور اقسم

بالله يدخلك عالم الكئابه .. لييييييييييشش ياخي ؟ انا كم مره

أبي اعيش ؟؟ .. شف الشي المريح والونيس والي يدلعك

ويريحك ويخليك ما ودك تنزل من الموتر .. واترك عنك حكي

الناس الي تقولك تويوتا ما تطيح سعرها ! طيب وبعدين وأنــا

وش اسوي ابقعد اجلس طول عمره ادفف بالمراتب على مكينه

نايمه ؟ .. ترى الناس الآن واعية وتعرف وين وصلت تويوتا

وفاهمة الاستغلال الي حاصل .. أنـا اقول شوف الي يريحك ويريح

جسمك سواء تويوتا او غيره .. اهم شي الرفاهية ثم الرفاهية ثم

الرفاهية .. ليش ؟ .... لأنك دافع ررررررررررررربع مليون !!

اخو ابو ليان وينه الجي اكس ار 8 سلندر بـ193؟؟يمكن تقصد السعودي لكن الخليجي مستحيل تلقاه بالقيمه هذي قيمته الخليجي 232 غالي