رأيك بالسيارات الامريكيه

الجودة تطلع منه شفرولية الاسترالية مع احترامي لمحركاتها الجباره
والتويوتا نسمع عن شي اسمه جودة لكن جودتها عاديييية ومركبها وانظمة السلامه سيئه
الفورد اجود الامريكي وبدء يطور في التقنية
الهونداي كوري ولكن ,افضل مركب من التويوتا والهوندا من واقع تجربه ومنافس شديييد للياباني
سوبارو,موتسبيشي,مازدا,دودج,كراسلير,هونداي وكيا,نيسان<<سيارات مظلومة بوكلائها:mad1:

افضل الامريكي : فورد و دودج
افضل الياباني :هوندا و نيسان
افضل الكوري : هونداي
افضل السيارات : الالماني :bigggrin:

تحياتي :xyxwave:

نعم السيارات اليابانية كراتين يازين الامريكي بس :ch19:

عن واقع تجربة نظام الامان في الامريكي افضل من السعودي السعودي ليش نفضله ع الامريكي عشان حرارته ربع او ثلث بسيطة انا معاي فكتوريا امريكي واخوي معاه سعودي شفت وش الفرق وسويت نفس اللي بسيارته ركبت بلف كابرس وفكيت دبات الرصاص كان عندي اربع شلت ثنتين منهم وبدلت الدبات العازله للصوت الكبيرة وركبت وطنيه والحمدلله الحرارة ربع او ثلث والرديتر الشد البلد الالمينوم رصة وحدة وكل سنة اسوي له تسييخ ب 80 وماء ب40 وانسى الحرارة وش راح يكلفني ومن ناحية انه 8 سلندر صرفيته صرفية كامري 2008 و2007 ويمكن افضل رغم ان حجم تانكي البنزين الفورد نفس حجم تانكي الهايلكس 2002 وقطع غيار اللهم لك الحمد ولاتغير علينا رخيص كني داخل البقاله وشاري جبن وبيض هههههه يعني طقم فحمات الهوندا 1200 يازين الفورد250 وتجلس معاك سنه ونص والهوندا كثر خيرها ان جلست سنة داخل الرياض ودايم افقع وجيه اهل الياباني اذا كنت عند الاشارات يخلي موترة يفصل واذا دز تقول بيروح المريخ بدعسه وحدة مايمدية يغير الثاني الا انا مطوفه الامريكي موتر اشتر نظيف يدوم معك والله اذا مالك فطانه بالسيارات روح الوكالة وخذ لك جديد وارتاح ومرة كنت جاي من الجبيل للرياض وربي كان الجو غبار مع هواء(عج) من بعد الدمام ب50 كم لحد مادخلت الرياض وقسم بالله ان السيارات الكوريه جديدة من سوناتا والالنترا وغيرها وبعض الكوامري والاكورد الموديلات الجديده عموما متعطله كلها بسطحات من الغبار عشان نظام السيفتي تبع البخاخ اذا امتلى الفتلر غبار طفت السيارة لا ووقت الظهر وناسة جالس اضحك عليهم والله حسيت ان الامريكي عز هذا اللي معه كورولا جاملت ماطفت لكن من زود الرساوة نشب بأقرب صبه تحت كوبري الدهو قال ايش قال لي اشتري ياباني الحمدلله اطلع كامري من الوكاله امشي فوق 160 اكثر من 600 كم اوقف ازيد زيت المكينه هههههه شاري هايلكس77 ولو الامريكي مافيه خير كان الحكومة ماحطته بسيارات امن الطرق والدوريات والله ولك هيبة يالفورد واسفين ع الاطاله لكل من يقف ضد الامريكي وبالتوفيق......

اخوي curer و اخوي روح التشارجر ...
ماودي اطلع عن الموضوع لكن الكابرس واللومينا ليست استراليه 100 %
على ما اظن تصميم الداخليه وبعض القطع الميكانيكيه و التجميع استرالي
اما المكينه والقير امريكي ...

وبالنسبه لاخوي م.الحارثي ...
انا ما ادري هل عندك عقده من الامريكي ؟؟
كل مواضيع المنتدى اللي فيها مقارنة الامريكي بأي شي ثاني لازم ترد ... الامريكي خرابات .. الامريكي مخيس .. الامريكي مدري اش ...
مدري هل السيارات الامريكيه ذابحه ابوك وحنا ما ندري ؟؟؟

امرك عجيب ...

سبحان الله ومعترفين بانها كراتين:confused1:

اخوي CURER

انا ادري انا الومينا استرالي بس حبيت اقول للي يقول انه الومينا كلها خربات

سلملي على كرتونك الاوريون :bigggrin: ياولد عمي

الامريكي الاصلي افضل و انا اتكلم عن

الدوج + الفورد

جي ام + شفر استراليه من وين تجيها الجوده ؟؟؟؟؟؟؟؟؟؟؟

الياباني زين لكن ما يقارن بالامريكي من جميع النواحي لا بالحجم ولا بالسعر ولا بالمكده

راعين الياباني معظمهم يبون موتر تفحيط ( كامري + هايلوكس )

يبون هبال بالنفد ( ربع + سفاري )

لكن الامريكي الاصلي اركب معه و نم

انا عندي تشارجر 2006 + فورد 2001 و الفرد الحين ماشاءالله ماشي 325 الف ولا قد فكيت مكينته و مكيفه شد بلد + حرارته بعز صيف و حر الرياض ما قد طلعت عن النص اللي هي حرارته الطبيعيه انا رجاال مجرب ما اقول يقال لي

لكن اللي يمشي على الشوف ما عندك احد


دوووووووووج + فوووووووووووورد

غيرها يستريح

انتهى

^
^

احب اصحح لك أخوي بأن اللومينا ليست أمريكية بل هي أسترالية !!

أما من ناحية الكرف صادق وأنا اخوك ...

كان عندنا كابرس 96 (صابونة) كرفناه لين قال آمين وكم مرة نطلع نطعس فيه !!!!!!

ولا قال اااااااااااااااه

احنا عندنا سوبربان موديل 97 وماشفنه منه لا خربابت ولا مشاكل في الحراره ولا الكهرب وكرفينه كرف كل سنه نروح فيه مكه ولا قال شي رحنا فيه مكه 12 مره والامارات 2 وغير روحاتنا الدمام والرياض واخوي عنده ماركيز 2003 سعودي ومكروف كرف حتى الوجهيه مشهبه تشهب ورايح فيه في شهر البحرين 4 مرات والكويت مره وغير المشارير الدمام وعمله في الظهران وماشاف لا خربات ولا مشاكل في الكهرب ولا الحراره وولد عمتي عنده فكتوريا 2002 امريكي ونفس الكلام مكروف كرف وتوه رايح فيه الرياض قبل مايجي مطر في الرياض وغير عمله في الظهران مع اخوي واللي يقول الامريكي خربات شاري سياره امريكيه مصدوم وملعوب عليه مثل ماصار لي ولد عمي شاري فكتوريا 2001 امريكي طلع مصدوم والشاس مضروب عنده وباعه وخذ له ماركيز 97 واغلب سيارات العائله امريمي وماشفنه منه شي وانا عندي لومينا 2007 LTZ وماشفت منه ولا شي ماشيه معي زي الحلاوه

ابو الشباب ترى نتكلم عن الامريكي مانتكلم عن ياباني او كوري

اكثر اللي يسبون الامريكي اعتقد والله العالم انهم ماجربوا الامريكي

ولايدرون عنه بس شافه يلف بالصناعية قال اكيد خرابات

انا جربت بك اب كاديلاك و هذيك اليله ما نمت و انا اتخيله:smilie16:

ردي في توقيعي انشالله يكون كافي و تقبلو احترامي

سوف نعود لكم قريبا:confused1::confused1:

هلا بك اخوي

بالنسبه للامريكي انا اشوف انه متفوق من كل النواحي (شكل واناقه وراحة وقوه واداء وصيانه وقطع غيار) طبعا حسب نوع السياره واستخدامها الشخصي والمقدره الماديه للشخص اللي بيمتلك امريكي نظيـــــــف وايضا صرفية البنزين حسب رجلك :bigggrin: ---> يعني كل سياره تشتريها لازم تتحمل مطاليبها اذا مااهتميت والسياره اذا ماسويت لها صيانه وتغيير دوري للاشياء الضروريه بتتعب معاها وانا عن نفسي وكل محبي الامريكي
(مالنا غنى عن الامريكي لانه عشق صعب ينكره للابد)

اما الالماني مثل الامريكي وخصوصا في الاونه الاخيره ولايوجد فرق شاسع.

واما الكوري او الياباني انا عن نفسي مااستخدمته لكن الناس تمدحه كثير من جهة قطع الغيار وصرفية البنزين البسيطه ولكن من جهة الامان والراحه :a1120(121):

تحياتي لك
:ch19:
Marauder 2003

احسن شي وانت مقبل على الصناعيه انواع الامريكي مصفط بعضها له اسنين مصفط
اقول حظ الاي معه فورد بيلقى قطعه متوفره للمستخدم اقرب صناعيه عند دخولك الا قبل تدخل الصناعيه انواع الامريكي ولكن تويوتا وغيرها من السيارات والله نادر ما اشوف الا حوادث شنيعه ولكن تبويش وخربات الله يستر بس
بعدين انت تهمك الراحه ما اختلفنا ولكن تتحمل الورش كثر منها ودي اني يتكسر ضهري من المراتب ولا احجزلي ورشه شهريا ليته شهريا زين اذا ما اسبوعين
الامريكي كتقنيه وشكل تقول ماشاء الله ولكن من برى الله الله من دخل يعلم الله
وليته على كذا اذا انت بخط طويل يفصل على 160 يقهرك تمر اليارس جنبك وتعداك وتنقهر ازياده
وليته على كذا اذا انت مسرع او ماشي عايدي وجيت تطوف او تلف تقول الموتر بدا ينطل يمين ويسار تقول اشوي ويزحف الله يقطعه ويقطع اسنينه اعتذر لمحبينه واقول الله يعينكم على حبكم صدق ومن الحب ما قتل

لحن المشاعر والله أنك تستاهل حبة رأس :a194:وكلامك حِكم و درر .

أرجوا من كل واحد معه كابريس و لا لومينا و لا ( فورد وجمس مستعمل ) لا يحكمون على الأمريكي .

اللومينا و الكابرس أكثر السيارات مشاكل و هذا من واقع تجربه من موديلات 2000 إلى 2006 اما 2007 و فوق ما قد جربتهن الصراحه بس واحد من اخوياي معه لومينا 2008 ما شاء الله ما قد اشتكا منه و سواقته هاديه الصراحه .

نجي للامريكي المستعمل الفورد و الجموس الصراحه من واقع تجربه جربت ماركيز من موديل 99 الى 2008 كلها إستعمال أمريكي و الجموس من موديل 2001 إلى 2006 كذلك إستعمال امريكي كلها خياس بالعربي خرابااااااااااااااتها واجد الجموس دايم مشاكلهن بالكهرب و الكوارين ( الدفرنسات ) المكيف و الفورد كذلك .

نجي للسعودي ما عندك بأحلا منه و إذا شريته جديد والله ثم و الله ما يبدا يطلب معك ألا بعد عشر سنين سواءً تسوي له صيانه ولا ما تسوي له صيانه بس حافظ عليه .

نجي للياباني الفل كامل جربت كامري موديل 2002 قراندي انواع المشاكل و الحراره لعبت بالموتر لعب لين ضرب راس المكينه و المشكله الموتر شاريه جديد و ماكمل معي ألا سنتين و كذلك الوالد كان عنده في إكس آر 2003 انواع المشاكل كلها كهرب و المشكله واحد من عماني معه جي إكس آر 2003 ما يشتكي منه المهم حنا بعنا موترنا وهو ما شاء الله للحين معه الموتر و الصراحة ملاحظ أصحاب الياباني إذا صارت مواتهم فل كامل دايم يشتكون من الخرابات و أكثرها كهرب .


نجي للكوري عد و غلط بالخرابات و حتى لو تسوي له صيانه و تتعب عليه يبلشك بالخرابات .