رأيك بالسيارات الامريكيه

واظن وليس اكيد انها من 94-96 صح ؟؟؟ >>>> فلها واجد :smilie16:

ومعروف هالموديل بكثرة خراباته وعيوبه المصنعيه وهذا من الاسباب اللي خلتهم
يقطعونه ويرجعونه في 2000 ...

يا اخوان الي قاعد يتكلم عن خرابات الامريكي اكيد انه شرا سياره متوفيه دماغيا

ثم قام يحط بالامريكي ان فيه و فيه

طبعا الي يخليني اضطر اني اخذ الفورد ان عمر مكينته وقيره اكبر من عمر الياباني والكوري

وراحه وقوه وثبات

لكن يعيب عليه الكهرب وقطعه الاستهلاكيه الاخرى عمرها اقل من الياباني

طبعا ضريبة الراحه لان السياره تكون ثقيله

الامريكي راحة لا يعلى عليها بين جميع السيارات الاخرى لكن في المقابل الامريكي دلوعة ما يتحمل دايما الحرارة في العلالي والمكيف في الحظيظ يعني بتاخذ امريكي جديد تمتع فيه من 5 الى 7 سنوات وبعدها وانت زوار للورش ، فالامريكان يهتمون في راحة المركوب على حساب الامان وجودة الادوات المكنيكية والكهربائية
انا اتكلم ومفقوع قلبي من الامريكي اللي معي وكله كوم والسيارة بدون مكيف كوم ثاني
لا تتكلمون عن قوة المكينة بالنسبة للآمريكي فمكينتها قوية جدا لكن للأسف على فاشوش ( يعني على الفاضي)

انت بالذات اطلع منها يرحم امك ولا عاد تتكلم عن الامريكي

صدز اللي قال الشجره المثمره .. كمل كمل :smilie16:

:blue:

استغرب من الاي يقول ان الامريكي كاسعار افضل ويش افضل انا مستعد ادفع الثمن غالي بس السياره على قوتها وموصفاتها تتحمل مو كل اشوي وانا في الورشه والخربات خذ وبق الله يستر بس

اخوي كابرس اس اس صح كلامك صابونة :smilie16:

الكااااااااااااااااااااابرس وبس ما عليك من ألي يقووولك خربااااات

مثل ما قال لحن المشاعر ...

ما فيه سياره ما تخرب لكن مع المحافظه تقل من الخرابات بشكل كبير
يعني مثلا السياره مع الكرف بتعيش 5 سنوات , مع المحافظه بتعيش 10 سنوات او اكثر

وبالنسبه للي يقارن الياباني بالأمريكي , الياباني افضل في تحمل الكرف فقط اما الأمريكي افضل في الراحه والفخامه والمتانه و قوة المكاين و كبر الحجم ورخص السعر مقابل المواصفات ... الخ

بالنسبه لاخوي al3ane
الكوري مع احترامي لك و لملاكه طالع منها :bigggrin:
كيف بتقارن الكوري بالامريكي وهو ما يتقارن بالياباني ( الياباني افضل من الكوري بمراحل )

وبالنسبه لسيارتك اللي تخاف تطلعها بالمطر ...
هو احد امرين يا انه مثل ماقال لحن المشاعر داخل ماء وانت تمشي مليون :bigggrin:
او ان سيارتك كابرس صابونه (الصابونه ما يبيلها شي وتطفي لأن فيها عيب مصنعي
على ما أظن )


تحياتي ...

للي يقلل من حق الموتر الامريكي

بحكم بما ان كان عندي كابرس موديل 93

كان فيه مشكلة باللديتر حق المويه (يهرب)

المهم والله اني ماشي عليه والحرارة حقتة فووق الـH مختفي الامبير ما اشوفه

يعني تقريبا امشي عليه بدون موية وخويي اللي راكب معي يقول وقف خلنا نعبه

عاد هو عدو للسيارات الامريكية

اقوله والله ما اوقف انا ابيها تخبط ومشيت اللين ما رحت مشواري اللي ابيه ووصلتني

ويوم خلصت من شغلتي ركبنا الموتر وشلته طبيعي مافيه شي ابدا

صح ادري انه مظر للمكينه بس والله انها اثبتت قوة المحرك الامريكي

مع احترامي للياباني والكوري

لو انه كامري او سوناتا كان طقت المكينة من قوة الحرارة

تبون الصراحه انا كلامي مع لحن المشاعر الامريكي من ناحيه الثبات والامان والراحه بالخط وحتى المواصفات لكن بالنسبه للخرابات مافي ولاسياره بالعالم ماتخرب وهالشي يعتمد على الشخص نفسه (المحافظ والغير محافظ)

طبعا واللي لاحظته يمشي في الامطار بالرياض الامريكي :bigggrin:والياباني طافي
اللهم لاشماته لكن هذا وجه نظري
لكن لاتجيبون سيارات استراليه مثل ا لكابرس من موديل 2000 وفوق
او سيارات كوريه مثل الابيكا والافيو وتقولون امريكي نبغى امريكي صح زي الفورد الكاديلاك واليوكون السوبر الكابريس 96 وتحت
والكورفت والكومارو والشارجر

وتحياتي لكم

ياخوان الاعزاء كل مواتر العالم مصنوعه علشان تستخدمها استخدام نظيف مهما كان سعر الموتر طيب وش معنى برا الخليج في امريكا محد يشتكي من الخرابات بكثره

بعدين انا عندي كمارو لعنت والديه:emot175:لاكن ماقصرت معه الزيت وراديتر والفحمات ياخواني هاذي حاجات استهلاكية طبيعي انها تخرب بحكم شوارعنا الي افضل من الحلبات:smilie16:

لاكن الامريكي اسعار معقوله مقارنه في قوتها وراحه والخرابات اذا والله انت تلعن---مندوبه اكيد يخرب .في الاخير استفسر عن لو انه بايخ كان الشعب ماخذه بكثره رهيبة
احيناً احس حنا الي نصنعه من كثره
في الاخير الامريكي مستواه جيد جداً

تحياتي.......

^

اللي يعرف الامريكي صح , يقول زي ماقال هالاخ

مايفكر الا الماني بعده ( مثلي ) :bigggrin: يعني بالعربي ( مشفر اخاف عشاق الياباني والكوري يزعلون ) :smilie16:



ماشفت امطار الرياض واللي جاهم , مافيه الا الجموس تمشي << شطح :bigggrin:

بس ياخي تبيع عمرك عشان الصيانه ,

واجزم ان نسبه 95 بالميه اللي يعانون من الحراره شارين السياره مستعمله ولاهيب نظيفه بالحيل !

شف يابعدي اذا على الحساسات , فهذا شي وارد يمكن انت داخل الماء تمشي مليون :rolleyes1:

اكيد تبي تضرب الحساسات من الماء ,

ولا يمكن مغيره من قبل وراعي الورشه لك عليه ولا ركب لك الجلبات تبعه !

وجتنا امطار ولله الحمد , والماء فوق الرصيف الا شوي وقدامي كامري من الشكل الجديد

يمشي يمكن 60 مع المويه اللي تشوفها يمين ويسار واشوف دخنه معه

وماظن انه من الفحمات لان الدخان من الكبوت والشبك الامامي ولا ادري وش صار عليه وجهه للحاره !! :a1120(121):

هلا وغلا

والله يالغالي انا من طول عمري استخدم الامريكي

فورد - جمس - كابريس
والحمد الله سيارات ما شفت منها الا كل خير وبالنهايه ما فيه شي كامل بس الامريكي ميزته الخطوط ومتانه السياره الرساوه والامان والحافظ بالاول والاخير هو الله سبحانه وان شاء الله ان مد الله بعمري ما راح اشتري ولا استخدم الا امريكي والماني وبــــــــــــــــــــــــــــــــــــــــــــــــــــــــــــــــــــس



تحياتي

اخوي لحن المشاعر معليش انا جربت الامريكي وجربت الكوري
صح ان الامريكي 8 سلندر والكوري اربعه
وصح ان فية فرق في راحة المركب
بس كان الامريكي مبهذلني من حرارة وحساسات
صدقني ماكنت اطلع ايام المطر لاني واثق تمام الثقة انها راح تطفي علي ولا راح تنلحس الحساس ويبدى الدركسون يوقف ولا يتحرك
الحمد لله وماشاء الله تبارك الله الكوري اللي الحين معي افضل من ناحية الصيانه على حساب طبعا الراحة والامان
بما ان سيارتي مافيها ايرباق او اي بي اس
بس العملية افضل من الامريكي ولا فية مقارنة

الامريكي افضله على الياباني والكوري بكل حاجه ( مب تقليل بس افضله ) وهو عندي فوقه الالماني وبس !!

فخامه وقوه وراحه ومواصفات وسلامه واسعار مناسبه ,

وبرضه قطع غيار اسعاره مناسبه

واللي يقول انه صرفينه بنزين زايده , شي طبيعي تلقاه متعود على 4 سلندر بالكثير 6 سلندر

والسته 6 سلندر بالامريكي مافيه صرفيه مثل الـ 8 سلندر لو هو مجرب

والحين الامريكي في تطور مثل الجمس تعبي بنزين تنسى المحطه اذا منت راعي مشاوير

لكن ياكثر اللي حاطين حيلهم بالامريكي كل ماشاف امريكي قال انحش خرابات !

تسنه نازل من السماء هالامريكي ( ياحول ) وخاصه بعض ناس !!

اكيد يبي يخرب ومافيه شي مايخرب , وش الفرق بين اللي يحافظ ع الشي والعكس ؟

انا مجرب ولي عشره معهن ليست بالطويله , ماشفت منه خرابات مثل ماتحكمون انتم عليه

وتكبرون الموضوع ! واجزم ان الامريكي اقوى تحمل وصبر اكثر من غيره , (( للعلم جربت ياباني ومب المقصد تلقيل فيه لا ))

بس لو حافظت عليه وهذا اللي يبيه لو تلعن خيره مايقول اح

بس حافظ عليه وقصدي بالمحافظه الصيانه والتشييك يعني ماتهمل الشي هذا ( وعاد بعض شعبنا الحبيب مايعرف شي اسمه محافظه ) !!

وبعدين لاحد يحكم من الشوف , ماتدرون عنه انتم ولا وش كان يسوي بموتره

ولا من الاساس ليش مدخل موتره ! يعني كل ماشفت امريكي بالورشه قلت الامريكي خرابات

ليش ماقلت داخل يغير بعض القطع اللي له فتره ماغيرهن مثل فحمات اقمشه وغيره

ولا سيور , , , الخ

والله السيارات الامريكية متفوقه من ناحية المحركات والراحة في المركب اما السلامة والاستهلاك للبنزين فهي خوابير
مع احترامي للصناعة الامريكية بس اشوف ان الياباني والكوري بدا يغطي عليهم

انا عندي الامريكي والالماني افضل بكثير من الياباني والكوري

كلامك صح بس تلقى كابرس لاكن فورد ماتلقى الا قليل