اصحاب الكوابرس ..:(

f9ool @user_197891 · 22-04-2010

السلام عليكم ..

مشكلتي هي عندي السياره بعد ما اعبي بنزين ماتشتغل لازم اكرر مرتين ثلاث بعدين تشتغل واحيان تشتغل وتطفي بسرعه ..

المشكله الثانيه فيه صوت لما امشي يروح ويجي كل ما اسرعت زادت سرعه الصوت ..

وديتها الوكاله قلت هم ابخص بعد اسبوع اتصلوا علي يقول سيارتك يبغى لها تصليح بـ 19 الف :a1120(121):

مع العلم اني محافظ على السياره اكثر من نفسي بس مدري وش قصتهم هالوكاله ..؟

ماخلى شي في السياره ماقال خربان انتظرته بس يقول المكينه مع العلم انها شغاله وتمشي ومسافر فيها :confused1:

ياليت اللي عنده خبر عن هالخرابين يفيدني ، او يدلني على ورشه كويسه للكابرس ..

للمعلوميه كويس مانسيت السياره موديلها 2006 كلاسيك

مشكورين مقدماا ..

f9ool @user_197891 صاحب الموضوع · 25-04-2010

اشششكررركم ..

بس مافيه احد يعرف ورشه كويسه للكوابرس ..؟ :(

ابو سعود$ @user_117319 Banned · 22-04-2010

^^^^^^^^^^^^^
حياك الله اخوي بالنسبة لصورة الفيش فهو بجنب سوتش السيارة مكان دخول مفتاح السيارة للتشغيل فأذا كانت سيارتك تطفى اذا لفيت يمين او يسار او عند تحريك الدركسون فهو بسبب الفيش هذا

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .

اما انطفاء السيارة فهو من عدة اسباب :
1- حساس الهواء خربان او محتاج تنظيف 0
2- انبوب الثروتل او قربة الهواء تأكد من انها ما فيها كسر او تنسيم للهواء0
3-حساسات الشكمان تحتاج تنظيف او تغيير وتقدر تلغي حساسات الشكمان بأن تضع برمجة كابريس موديل 2000 لأنه ما فيه حساسات شكمان وتسويها عند مبرمج فاهم اما اذا بغيت تنظفهم فهذا رابط لطريقة تنظيفهم او روح محل شكمانات يفكهم وينظفهم
http://www.mekshat.com/vb/showthread...71953&page=121

4- فك اصابع البطارية ونظفهم وتأكد من سلامة الدينمو0
5-تغيير البواجي واسلاك البواجي0
6-نظف هذا المشار عليه بالسهم الايمن فك فيش الحساس وفك مسمارينه ونظفه هو ومكانه 0 لأن مسئول عن ظبط امبير الار بي ام وهذي صورته

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x573 وحجمها 56 كيلو بايت .

7- فلتر البنزين

8-طرمبة البنزين

وغيرها الكثير من الأشياء المسببه لأنطفاء السيارة كتاوت وحتى فيوز فيه فيوز صغير في العلبة اللي خلف البطارية اذا واحد منها محروق تطفى السيارة فشييك عليها

موفق اخوي وتحياتي لك
__________________

أمير الرمانسية @user_130198 · 22-04-2010

كان عندي كابريس يطفي بس غيرت لة فلتر البنزين 60 ريال وحساس الريس 220ريال

وصفا بس يبغالي أغير الحساس ألي ورا المكينة وهو حساس الكربون

ابو سعود$ @user_117319 Banned · 22-04-2010

ك

كابرسي طفي

شباب انا عندي كابرس مجعمني كل الربع الشهور او خمسه لازم اغير الطرنبه البنزين في ترهيم لكابرس 90 اليوم ان شالله ابي اغير الطرنبه والبليتين واذا فيه شي خبروني ياشباب ماعليكم للبنزين ان شالله دايم على نص

هل اذا غير طرمبة البنزين تغير معها فلتر البنزين اللي داخل التانكي ام لا اذا كان الجواب لا فلازم تغير فلترين البنزين اللي داخل التانكي واللي خارج التانكي وعليك بالأصلي وتكون GM
واكيد تقدر ترهم طرمبة بنزين ولكن مشكلتك اتوقعها من اسلاك الطرمبة شييك على فيوز الطرمبة اولاً وايضاً يوجد فيش لطرمبة البنزين خلف ديكور الرفرف الخلفي الأيسر احتمال اتساخه مما يجعله الطرمبة بعض الأحيان تتعطل والحل قطع الفيش وتوصيل الأسلاك ببعض ويوجد فيش آخر خلف التانكي خلف لوحة السيارة ايضاً اقطع الفيش ووصل الاسلاك 0 موفق اخوي

bin kamel @user_215469 · 22-04-2010

f

f9ool

تشتغل بعد ما ادق سلف مرتين ثلاث ، ومره السلف يدق ويعلق ومره السلف مايدق ابدا ومره تشتغل وتطفي على طول ،،

والصوت من تحت اتوقع لانه كل ما اسرعت تزيد سرعه الصوت ، طبعا الصوت موب مستمر يروح ويجي يروح ويجي بشكل سريع طبعا كل ما اسرعت زادت سرعه الصوت ..

الوكاله قالوا لي الرمان بيلي وكم ورشه قالوا لي كذا ..

وياليت اللي يعرف ورشه كويسه يدلني عليها بالرياض

عزيزي افحص السويتش و اذا مو منه افحص اتوماتيك السلف و مكانه فوق السلف مباشره
مرات هذا ينكسر ويصير يهرب كهربا و ما يعطي كهربا صح للسلف و هذا ياثر على التشغيل او يكون مرتخي و يطلع الصوت اللي تقول عليه

ان شاءالله اكون افدتك

تقبل تحياتي

كابرسي طفي @user_175599 · 22-04-2010

شباب انا عندي كابرس مجعمني كل الربع الشهور او خمسه لازم اغير الطرنبه البنزين في ترهيم لكابرس 90 اليوم ان شالله ابي اغير الطرنبه والبليتين واذا فيه شي خبروني ياشباب ماعليكم للبنزين ان شالله دايم على نص

ابو سعود$ @user_117319 Banned · 22-04-2010

وهذا موضوع واحد من الشباب الله يجزاه خير كانت سيارته تطفى اثناء السير
وانه كان اذا لف الدركسون او حرك الدركسون للاعلى والاسفل تطفى السيارة

المشكلة طلعت من السوتش مو السوتش نفسة بس في وصلة سوداء بجنب السوتش على اليسار

مؤشر عليها بالسكروب

الكهربائي الله يوفقه ما قصر شد الاسلاك اللي فيها ونظف الاسنان حقتها

ورجعنا نهزها والحمدلله ما عاد طفيت

السيارة كابريس2006

ابو سعود$ @user_117319 Banned · 22-04-2010

1- فك اصابع البطارية ونظفهم وركبهم وشدهم 0
|( اذا ما فاد)

2 -جرب المفتاح الأسبير يمكن يكون مشكلة برمجة المفتاح0

3- احكم غلق قربة الهواء حقت فلتر الهواء وتأكد من سلامة حساس الهواء ونظف حساس الهواء ببخاخ crc منظف الاكترونيات رش البخاخ على شعيرات الحساس والسيارة طافية 0

4- جرب ادر مفتاح السيارة على وضعية الon فقط اضاءة لمبات الطبلون من (من دون تشغيل ) لمدة 5 ثواني وسمي بالله وشغل اذا تمام فعندك ضعف في طرمبة البنزين جرب غير كتاوت طرمبة البنزين 0
موفق اخوي

f9ool @user_197891 صاحب الموضوع · 22-04-2010

b

bin kamel

سلام عليكم شباب

ممكن سؤال

لما تشغل السياراه ما تشتغل بالمرا و لا تشتغل بعد ما تدق سلف مرتين او ثلاثه
و بالنسبه للصوت ارجو تحديد المكان بالظبط ليتم تحديد المشكله

تقبلوا تحياتي
اخوكم بن كامل

تشتغل بعد ما ادق سلف مرتين ثلاث ، ومره السلف يدق ويعلق ومره السلف مايدق ابدا ومره تشتغل وتطفي على طول ،،

والصوت من تحت اتوقع لانه كل ما اسرعت تزيد سرعه الصوت ، طبعا الصوت موب مستمر يروح ويجي يروح ويجي بشكل سريع طبعا كل ما اسرعت زادت سرعه الصوت ..

الوكاله قالوا لي الرمان بيلي وكم ورشه قالوا لي كذا ..

وياليت اللي يعرف ورشه كويسه يدلني عليها بالرياض

bin kamel @user_215469 · 22-04-2010

سلام عليكم شباب

ممكن سؤال

لما تشغل السياراه ما تشتغل بالمرا و لا تشتغل بعد ما تدق سلف مرتين او ثلاثه
و بالنسبه للصوت ارجو تحديد المكان بالظبط ليتم تحديد المشكله

تقبلوا تحياتي
اخوكم بن كامل

f9ool @user_197891 صاحب الموضوع · 22-04-2010

h

hannoodi

تصصدقً عـآد نفس مشكلت سيآرتيُ آلعزيزهً , آمس كنت في آلغرآبي و طفيت آلسيآره عشآن آشوف آلمحلآت ورجعت آحآول آشغلهآ آحآول مررره مآتشتغل , آلين حطيتهآ على N وحآولت آششغل وآلحمد لله آشتغلتً بعد عنآء :D , وآلمشكله آلثآنيهً نفس مشكلتكُ حقت آلصوتُ , صوت ونه مآدري كيف جآيُ يزيد مع آلدعسً :D ,

,
عمومًآ عزيزيً آلله يوفقنًآ يآربُ ويصلحُ موآترنآ :D
وآن شآء آلله آلشبآب مآيقصرون ,
وديُ

انت مثلي بعد :(

بس انتبه توديها الوكاله نصابين يخلون الصاحي خربان ..:bigggrin:

ان شاء الله فيه احد يفيدنااا :blue:

hannoodi @user_199619 · 22-04-2010

تصصدقً عـآد نفس مشكلت سيآرتيُ آلعزيزهً , آمس كنت في آلغرآبي و طفيت آلسيآره عشآن آشوف آلمحلآت ورجعت آحآول آشغلهآ آحآول مررره مآتشتغل , آلين حطيتهآ على N وحآولت آششغل وآلحمد لله آشتغلتً بعد عنآء :D , وآلمشكله آلثآنيهً نفس مشكلتكُ حقت آلصوتُ , صوت ونه مآدري كيف جآيُ يزيد مع آلدعسً :D ,

,
عمومًآ عزيزيً آلله يوفقنًآ يآربُ ويصلحُ موآترنآ :D
وآن شآء آلله آلشبآب مآيقصرون ,
وديُ