لاتبخل علي بمعلومتك تقطيع ماركيز

أنا عندي فورد إيدج 2007 وارد أمريكي كان فيها تقطيع بين سرعة 60كم إلى 80كم رحت الوكالة ( توكيلات الجزيرة المحترمين ) قالوا ما منصلح إلا السيارات الواردة من توكيلات الجزيرة
رحت مراكز الصناعية فتعددت الآراء :
بعضهم قال الجير بوكس يحتاج توضيب
وبعضهم قال مصفاة البنزين مع الطرمبة
وبعضهم قال منظم الاحتراق
وبعضهم قال عمود الدوران مع الصلبان
وبعضهم قال لازم نفك ونشوف
و .... و ...............
المهم أخذت السيارة عند شركة تريستار على طريق خريص مخرج 26 ففحصوها كمبيوتر
لقوا أنو تحتاج تصفية ماكينة فقط
عملت تصفية ماكينة والسيارة ماشاء الله تبارك الله صارت أحسن من أول بكتير
نصيحتي يا أخوان صحيح أنكم رح تدفعوا أكثر عند تريستار أو الشركات التي بمستواهابس صدقوني رح تكسبوا سيارتكم

90% ضعف بالطرمبه مادام ان السياره لماتغير صفاية بنزين تسلك السياره يطلع ان التانكي وسخ او الطرمبه ضعيفه ماتدفع بالشكل المطلوب واذا صار وسخ بالصفايه تبدى المشكله يبغالك فك التانكي وتنظيفه وقيس الطرمبه
واخيرا شوف يمكن واحد من الكويلات مو مشبوك زين لان صارتلي زي كذا تقطيع وفكيت الاسلاك سلك سلك ورديتها وسلكت السياره وصارت تمام

باختصاااااااااار سوي تصفيه بخاخات وراح تدعي لي ولا اسلاك ولا كويلات ...........

الف شكر للاخوان
فحصتها كمبيوتر مرة ثانيه وماطلع شئ ولله الحمد
وديتها عند واحد خبير فورد وفك البواجي والكويلات واحد واحد
وفحصها وقالي والله مالقيت فيها شئ كلة ممتاز وحتى حساس الهواء
وبعد كذا مالي ياخوان الا اني انظف بخاخات
وش رايكم

رأيي من رايك وانا كذلك مجرب أول ماورد بنزين [COLOR="red"][COLOR="SeaGreen"]91 [/COLOR]عبيت منه وحصلت أم المشاكل قامت السياره تقطع وفحصتها وقالو الكويل رقم 8 و 4 غيرها وكذلك الصفايه رغم ان الموتر مافيه شي من قبل بس غيرتهم وضبط
أما تحليلي الشخصي فالمسأله مع أرامكو مسأله اقتصاديه فهي تحصل ذاك الدخل المجزي من السوق المحلي مثل ماتحصله من الخارج

.[/COLOR]

أنا عندي كراون فيكتوريا 2006 من أول ما شريته من الوكالة وأنا أعبي بنزين أخضر لأني قرأت في الكتلوج أن الفورد تستطيع أن تعبي حتى 87 أوكتان. لذا كنت أستخدم 91 الأخضر. لمدة 3 سنوات ونصف. بعدها لاحظت أن سيارتي بدأت تقطع من وقت لآخر. والسيارة مشيت عليها 135 ألف كيلو كلها ببنزين 91 الأخضر. ذهبت وفحصت السيارة بالكمبيوتر وقالوا مافيها أي خراب. ولكن التقطيع كان واضح. ذهبت بالسيارة لورشة متخصصة في الفورد وقالوا لي دعسة البنزين تحتاج تنظيف لأن عليها كربون. وأخذوا مني 150 ريال. وذهبت المشكلة. بعدها بـ 3 أشهر رجعت من جديد المشكلة. وعرفت أنها من دعسة البنزين. فكرت لماذا تكربن. فدخلت وقرأت في منتديات كثيرة و وجدت أن المشكلة من البنزين !!!!!!!!! استغربت الكتلوج يقول تستطيع أن تعبي حتى 87 أوكتان يعني السيارة تتحمل البنزين الأخضر لأن البنزين عندنا 91 أوكتان. تعمقت أكثر وأكثر واكتشفت أن البنزين عندنا في السعودية الأخضر سيء جداً وليس مثل الذي يوجد في الدول الغربية. حيث أن البنزين قليل الأوكتان يضاف له مواد لكي تزيد من جودته. أما عندنا نحن فلا. يعني أنك لو ذهبت للدول الغربية وعبيت بنزين 87 أوكتان فهو أفضل من الذي عندنا 91 أوكتان. لأنهم يضيفون له مواد تزيد من جودته. عندها قررت واستخدمت 95 أوكتان الأحمر و وجدته أفضل والسيارة ذهب منها التقطيع بسرعة. ربما يقول أحدهم طيب أنا سيارتي فورد و أعبي 91 وما صار لي نفس الذي صار لك . أقول نعم. لأن كل سيارة تختلف عن الأخرى حيث بعضها تستخدم في منطقة يوجد فيها أكسجين أكثر وأخرى يقل فيها الأكسجين. فأنا أسكن في أبها وكما هو معلوم أن أبها يقل فيها ألأكسجين مما يؤدي أن البنزين لا يحترق أفضل. فبنزين 95 في هذه الحالة أفضل من 91. أيضاً بعضهم كثير السفر أو بمعنى أخر يقود سيارته بكثرة على خط سريع وبسرعات عاليه عندها فأن المشكلة لن تظهر له. على كل حال الأحمر 95 أفضل بكثير من الأخضر للسيارة. و لو سألت نفسك لماذا أغلى والإجابة ستكون بالتأكيد لأنه أكثر جوده. على فكرة في الإمارات عندهم 91 و 95 و 98. وكل ما زاد الرقم في الأوكتان كلما كان أفضل.

بدل او نظف السنسر الي قبل فلتر الهواء + فلتر الهواء وان شاء الله امورك طيبة

على فكره

أنا غيرت الكويلات واحد واحد وكان كل واحد يفرق في أداء المكينه
وبعدين أنا غلطت غلطه وغسلت المكينه بالماء والصابون على شان كذا كل شي راح وطي.

الف الف شكر اخوي ابو يارا والله ماقصرت ومقدر مرورك
لكن السياة ابدا صافية ولافيها اي شئ والكمبيوتر ماطلع ولا كويل تعبان لكن تدري اخوي شكلها جلد الكويلات تهرب كهرباء مثل ماقالوا وراح اغير ان شاء الله الجلد واخلي المهندس يكشف على الكويلات ونشوف

مليون مليون شكر لك اخوي سكوود واقدر واحترم فيك حب افادة الغير رغم اللي صار لك
والله الان مغير ثلاجه وبواجي وصفاية بنزين وحطيت سائل التنظيف وكشفت كمبيوتر وبرضه لمبة تشك انجن ماهي شغالة و مشيك على الحساسات كلها سليمه والى الان ماوضحت المشكله
لكن ربك يزينها انا اخوك

للمعلوميه هذي ثاني مره أرد على موضوعك ........ وأتمنى أكون أفيدك لان أول مره كتبت الرد كله طفى اللاب توب من البطاريه وضاع كل شي

موتري ماركيز 2000

صارت في تفتفه عند سرعة 80 – 90 وكذلك ضعف في العزم وقد بحثت كثير في النت في مواقع عربيه وإنجليزيه
وقد قمت بالتالي:

تــغــيـيـر صفاية البنزين ( وكاله 30- 35 ريال)

تــغــيـيـر فلتر هواء ( وكاله 25 ريال)

تــغــيـيـر البواجي (وكاله 70 ريال)

تــغــيـيـر الكويلات (وكاله 110 ريال من الحاج حسين علي رضا)

تــغــيـيـر دبات التلوث (أنا بالنسبه لي أخذتهم تشليح من واحد أعرفه بس الشهاده لله انها نظيفه لان حسب كلامه انها من تريله محمله سيارات فورد وصار لها حادث واشترى السيارات اللي تضررت بالحادث كلها) هذي ب 700 ريال أما شغل ايديهم بلاش بس ياخذون القديمه واذا انت شاطر عطوك فلوس زياده لانهم يبيعون الماده اللي دخلها.

تنظيف الثروتل بودي (بمنظف AC Delco)

تنظيف البخاخات (اذا فكها تقريبا 250 ريال واذا نظفها بجهاز فيختلف بس ما تتعدى 350 ريال)

تنظيف حساس الهواء Mass Air Flow Sensor “MAF” (بمنظف الاكترونيات CRC)

تنظيف حساس قياس حرارة الهواءAir Temp Sensor (بمنظف الاكترونيات CRC) جنب فلتر الهواء وجنب “MAF” بالنسبة لي ماجربته بس انا مقتنع فيه وراح اجربه في اقرب فرصه

تنظيف حساس الريس ..... هذا ماجربته ولكن انا مقتنع فيه (بمنظف AC Delco)

تنظيف حساسات الأوكسجين ...... أربع حساسات قبل وبعد دبة التلوث من الجهتين يمين ويسار (بمنظف الاكترونيات CRC)

تنظيف أصابع البطاريه (بالصنفره) وكذلك ما فوق البطاريه (بالمسح بمنشفه)

ملاحظه:
منظف AC Delco ....... منظف كاربوريتر يزيل الكربون والاصلي مايجي معه ماصوره في جنبه قيمته 15 ريال وتحصله في محلات الزينه.

منظف الاكترونيات CRC: منظف سريع التبخر خاص بالاكترونيات والقطع الكهربائيه مثل الحساسات قيمته في محلات قطع الغيار التجاري 35 ريال وفي ساكو 20 ريال.

جميع ماسبق عن تجربه والحمدلله الامور تمام ماعدا لمبة Check Engine مااهتميت فيها لاني متوقعها من بعض الحساسات اللي مكلفه وغير مؤثره كثير على عزم السياره مقارنه بسعرها.

أي حساس ما تعرفه يمكنك البحث في الشيخ جوجل بالصور وتشوفه أو تقدر تراسلني على الخاص أو بالايميل وهذا موقع بالانجليزي عن بعض حساسات الفورد http://www.fordfuelinjection.com/?p=10

أسعار الوكاله اللي ذكرت كلها من الحاج حسين علي رضا لانها تقريبا ارخص وتقدر تاخذ تلفونات الوكالات كلها وتشوف الاسعار ولكن للمعلوميه الوكاله عندها حسب معرفتي ثلاثة انواع من قطع الوكاله ترتيبها حسب الافضل في الجوده: فورد – موتوركرافت (كندي) – موتور كرافت (أمريكي بس قال لي واحد تراه هندي -- حتى الوكاله يغشون).

السلام عليكم ورحمة الله وبركاته
الاخوان ماقصروا بس احب اضيف والله اعلم ان مشكلتك كويلات شوف موضوعي هذا وانشالله يفيدك وطالع الصورة اللي هنا تفيدك اكثر لان الصور اللي في الموضوع اعتقد انتهت مدتها ولاتفتح...

رابط الموضوع/
http://www.assayyarat.com/forums/showthread.php?t=175376

وهذي الصورة/
http://www.almlf.com"][/URL]

الثلاجه تم تغييرها قبل شهر ولايوجد تهريب منها على الكويلات فقط تبخير من الامام
الف شكر على مرورك

صارت عندي مشكلة تقطيع وتفتفة بفورد 2000 وجدت المشكلة ان فيه تهريب في خرطوش الصخان اللي يطلع من الثلاجة ويتجمع الماء عند الكويل الايمن الخلفي مما سبب صدأ في سبرق الكويل وتم اصلاح التهريب وتغيير الكويل ورجع الموتر صافي هذي مرت علي ويمكن يستفيد منها احد الاخوان وشكرا

الف شكر اخوي يقول المهندس انه المشكلة في جلد الكويلات وسمعت انها تتغير نوعية امريكي



الف شكر اخوي وشاكر لمرورك والتنظيف جربته عن طريق المواد بس زبط فترة ورجعت السيارة كما كانت

نظف تانكي البانزين اما بستخدام مواد خاصه توضع مع البنزين وهذي الطريقه ماجربتها
او الطريقه الثانيه فك التانكي وتنظيفه هذي الطريقه مجربها ونفعت معي انا سويتها بسبب اني كنت اشتكي من سرعت خراب طرمبه البانزين وبعد مانظفت التانكي انحلت المشكله الطرمبه نهائيا

غالبا و المعروف عن الفورد ان المشكلة من الكويلات

مع انه كما ذكر الاحتمالات كثيرة لكن من خلال تجارب الناس ان الكويلات تخرب كثير في الفورد

و وصفك للمشكله نفس و ضع ضعف الكويلات

للاسف الكمبيوتر ما يسجل الا لما يكون الكويل فيه ضعف شديد او تلف كامل


انصحك طالما الكمبيوتر ما طلع شي بتغيير كل الكويلات و اختصر على نفسك

او على الاقل فكها و جربها و احد و احد و ركز على لون و قوة الشرارة و راح تميز الضعيف

و شوف اراء بقية الشباب و بالتوفيق

الف شكر اخوي عبادي