تويوتا هلكس , نيسان نافارا او متسوبيشي ال٢٠٠

هذي مشكلته لكن اذا عرف السبب بطل العجب

ليش تخرب ؟

لان فيه فلتر في مواصير البنزين لازم تغيره كل 25 الف كيلو (رخيص و سهل التغيير) و الشعب عندك هنا اغلبهم ما يعرف هالمعلومة

و هي فعلا غالية ولكن كم بالضبط ما اعرف بعضهم يقول 9000 ريال و البعض الآخر وصلوها 13000 ريال

مع اني اعرف ناس الى اليوم عندهم 2003 كادينه كد 3 لتر و ما فيه الا العافية و غيرهم كثير مع الشركات الزراعية عندنا بالديرة و لا صيانة ولا هم يحزنون

ايييه يا ليتني شاريه بدل الهايلكس :blue: لكن الحمد لله على ما اعطى :smile:

اسال مجرب ولا تسال طبيب والله حتى لو انه استشاري
انا عندي متسوبيشي l200 سته سلندر مشى معي 25000 كيلو
مديل 2009 سبق واني جربت على مدى 15 سنه ماضيه الددسن والهايلكس واسوزو سته سلندر والله لم اجد افضل قياده من المتسوبيشي بغض النظر عن قوة المحرك الجباره جربته في الجبال وعروق الدهنا ونفود عروسة نجد اقصد المزاحميه
ماشاء الله توكل على الله اذا نزل 2010 عند العيسائي لاتتاخر واقنصه من عندهم ترى الوكيل مايجيب الا كم حبه والقصمان مايخلونه:ch19::xyxthumbs:

صدقت، ولكن كان معي متسوبيشي موديل2000 جلست معي 10 سنوات ومشت220ألف والطرمبة ما شاء الله سليمة0

انتبه من الديزل انا سمعت ان طرمبة الديزل للايسوزو ديماكس تساوي قيمة سيارة

أبشر أبا هذال سأنزل إن شاء الله موضوعا فيه تفصيل عن (الونيتات) مع ترجيح ما أراه مناسبا0:ch19:

^^^
ابو اياس الي معك ديزل !

طيب لا هنت معلومات او تقرير !

يا راعي الموضوع الهايلكس لها ميزة واحدة وهي شعبيتها لكن عيوبها الحقيقة كثيرة

مثال المحرك صحيح انه نشيط و طرب لكن تحمله للكرف فاشل و ربلات عصى القير سنتين و تغيرها

و شاصيها ضعيف لدرجة اني ما اقدر اركب هوك للسحب في الخلف !

باختصار الهايلكس للفخامة اكثر و للكرف لكن ليس الكرف الجائر

اذا ناوي و معزم على الهايلكس فلا تقع في خطئي وتشتري دفرنس واحد اشتر دفرنسين

و من رأيي افضل الخيارات (طبعا كلها دبل):
اذا البنزين 4 سلندر فالهايلكس او الميتسوبيشي (النافار ما توفر دفرنسين 4 سلندر)
اذا الديزل فالايسوزو ديماكس و الباقين لا اعلم عنهم
اذا بنزين 6 سلندر فاكيد الميتسوبيشي

و الله يوفقك

يا إخوان،من خلال قراءاتي ومتابعتي المستمرة ل(الونيتات) أرى
أن تحدد هل تريد بنزين أم ديزل،وأنا أرشح الديزل؛لأنه أقوى وأقل
خرابا وأوفر نقودا0
وبالنسبة للعزم والقوة فأقواها،المتسوبيشي6سلندر ثم النافارا ثم
الهلي إذا هن بنزين،أما الديزل فالنافارا ثم المتسوبيشي ثم الهلي0
يا الجبيري1 قل ما شاء الله!!!

الله يحييك اخوي اميرالاشباح

فعلا انا مقصر في الرابطة لكن ان شاء الله امر عليها ونشوف اخر المستجدات :smile:

كل السيارات تجيب قيمة عند بيعها لكنها تتفاوت بين واحدة شعبية لها قبول كبير وسعر اعلى الى قليلة الشعبية وسعر متدني او متوسط نوعا ما ،وطبعا لا تنسى اخوي امير ان السيارات اللي ينزل سعر بيعها في سوقنا سعرها في الاساس جديدة منافس للي يثبت سعرها فهي اقرب ماتكون عملية نسبية وسوق المستعمل عكس الجديد في نزول بشكل عام حتى السيارات اللي كان لا يناقش في هبوط سعرها ،وسيارات كانت ذات سعر منخفض جدا في السابق واليوم تتعجب من ارتفاع سعرها بشكل ملحوظ ، المقصد من كلامي ان الواحد يشتري السيارة اللي بخاطره وتعطيه الميزات اللي يحتاجها مو يستغني عنها لاجل يفكر بعد كم سنة كم بتجيب لي ، لانه ممكن يسوي لا قدر الله فيها حادث وتروح عليه كلها او تجيها اعطال تدفعه الاول والتالي ، طبعا لا باس ان يفكر بسعر اعادة البيع لكن لا يكون هذا همه فقط .

واطيب تحية:wavey:

اذا على الفخامه عندك النفارا واذا على القوه تقريبا زي بعض بس لو قلت قومه بيقوم الهايلكس لأنه خفيف اما خط النفارا

وانا انصحك بالنفارا

انصحك في الهايلكس من 2002 الى 2005 يكفيك انه ياباني 100% مو مثل الجديد تايلندي كان مع الوالد هايلكس 2002 اشتراه على ايامه بـ63000 GL غمارتين وسوا في حادث من قوة الحادث
الشاس حقه انعوج وصلحه وقعد معاه الين قبل 3شهور وباعه بــ34000
لكن والله ان في قوة مايعرفها الا اللي جربه

ع

عابر البيد

بارك الله فيك اخوي لو كل واحد نظر نفس نظرتك هذي فالافضل يحتفظ بماله ولا يشتري اي سيارة وفي نفس الوقت يحافظ على دراهمه ماتنقص .

السيارات اللي ذكرها صاحب الموضوع كلها ممتازة وتأدي الغرض منها ان شاء الله النافارا الهايلكس الـ200 لكن فكرة ان يخسر فيها بس عشرين معناها ان الواحد يستغني عن ميزات سيارات اخرى تكون في باله لاجل الحفاظ على اقل الخساير والحقيقة المفروض تسمى قيمة استهلاك وليست خسارة .

اطيب تحية

حيا الله الطيبين
ما تمر الرابطة الحين اشوفك خلاص لهيت بالقسم الرباعي

عالعموم
قيمة اعادة البيع من الأشياء المهمة بالسيارة يا داكار
يعني حتى لو انت مشتريها على اساس انك بتستعمل
افرض ان صابك ظرف و اضطريت تبيع
و لا بعد فترة حبيت تغير و لا بعد فترة اكتشفت ان هالسيارة ما وصلت لتوقعاتك

هنيه راح تحس بعامل سعرة إعادة البيع

انا ارشح الميتسو وبقوه



ولا تنسى صلاة الاستخاره



مبروك مقدما

رابط يفيدك عن ميتسوبيشي :)

http://www.assayyarat.com/forums/showthread.php?t=126339&page=4

متأكد اخوي يجي دفلك خلفي

وخيار المتسوبيشي خيار جيد لكن شكلة شوي لك علية

الهالوكس ماشاء الله تبارك الله موتر لك وللزمن
وقطع غياره متوفره وسعرها مقبول
بالنسبه للنفارا والمتسوبيشي ماعرف عنهم شي
لكن اتوقع ان العيب الوحيد بالمتسوبيشي قطع غياره غاليه ومو متوفره

بارك الله فيك اخوي لو كل واحد نظر نفس نظرتك هذي فالافضل يحتفظ بماله ولا يشتري اي سيارة وفي نفس الوقت يحافظ على دراهمه ماتنقص .

السيارات اللي ذكرها صاحب الموضوع كلها ممتازة وتأدي الغرض منها ان شاء الله النافارا الهايلكس الـ200 لكن فكرة ان يخسر فيها بس عشرين معناها ان الواحد يستغني عن ميزات سيارات اخرى تكون في باله لاجل الحفاظ على اقل الخساير والحقيقة المفروض تسمى قيمة استهلاك وليست خسارة .

اطيب تحية

هذاك اوووول الحين من اول مشوارين يبيلك تربط الصدام لانه تفكك فمابالك بعد 5 سنين ؟

انا اقول الهايلكس

لأن لو تكرفه ويقعد معك 5 سنين تبيعه بخساره 20 الف فقط