ارجو المساعده محتار في سيارتي

geniusnbl @user_208414 · 28-01-2010

بسم الله الرحمن الرحيم
السلام عليكم ورحمة الله وبركاته اما بعد
اخواني هذي اول مشاركه لي بهذا المنتدى مع اني اخذت اكثر من سنه وانا اقرأ مواضيعكم الرائعه
اما بعد
لدي مشكله في سيارتي وهي من نوع فورد جراند ماركيز 96 حيث كنت اعاني من تفتفه في السياره وعندما استبدلت البواجي وجدت زيت على البوجي رقم 8 ((الزيت على بوجي واحد فقط)) فذهبت الى الصناعيه وقالوا لي تحتاج الى شنبر واريد ان اعرف هل لو تركت السياره كماهي يكون هنالك مشكله مع العلم ان هنالك نقص بالزيت
فمالحل هل اعمل توضيب او اأخرها وهل حينما يتم فك الماكينه ترجع كسابق عهدها ام يكون هنالك اختلاف واذا كان رأيكم توضيب فما التكلفه التقريبيه لي التصليح شكرا واسف على الاطاله
وهل المشكله كما ذكر الفني شنبر ام شيئ اخر

adel3970 @user_203683 · 30-01-2010

لا اله إلى الله سبحانه

اذا بتوضب وهذا افضل لك من الشنبر لأن الشنبر ما ينفع وبذات في ماكينه 8 سلندر
التوضيب ياخذون عليك اجره من 600 إلى 1000 ريال على حسب الورشه
والمخرطه تاخذ على الراسين تقريبا من 200 إلى 400 ريال وعلى عامود الكرنك وهذا اهم شي على حسب العامود الي عندك من 400 إلى 600 ريال
والباقي ادوات طقم وجيه طقم شنابر سبايك ثابته وسبايك متحركه .....الخ
يعني ممكن تكلفك من 2000 إلى 4000 ريال
بالتوفيق

فتال @user_185891 · 29-01-2010

السلام عليكم
اول شي سارت لى زي هذى المشكلة بس كانت سيارتي صني وفكيت البواجي لقيت زيت على بوجي 4 وسئلة المكانيكي وقال تحتاج شنبر وطنشت وركبت بوجي جديد بدل المزيت
ومشت السيارة معي زي الساعة لمدة اكثر من سنتين لاكن المشكلة بعد شهر اواقل يطلع الزيت على البوجي وانزلة واصنفرة ويمشيني شهر ثاني وبعد صنفرتين اغير جديد والسيارة كانت ماشي فوق 500 الف
واذا بتوضب انصحك ان يكون عند مكانيكي شغلة 100% والافلا

geniusnbl @user_208414 صاحب الموضوع · 29-01-2010

شكرا يا اخواني وجزاكم الله الف خير ومازلت محتار لكن بأخر الموضوع شوي

أميـر @user_208292 · 29-01-2010

مانقدر نقول وضب ولا ما توضب
سيارتك وانت اعرف فيها اذا حاس بس دي المشكلة صلحها
واذا فيها مشاكل ثانيه مثل تقطيع الحرارة ترتفع الزيت اسود ومن هالاشياء فراح يعملون لك توضيب كامل وتخسر بلاوي زرقه اما اذا بس ذي المشكلة ما تكلف واجد يعني من 2000الى 3000 وحسب القطع التالفة وشغل اليد لان في بعض العمال مايفك بهدوء كله تكسير ومن يشوف شي قال تغيير

SUBARU2008 @user_83200 · 29-01-2010

من وجهة نظري لا تصلحها خلها التوضيب شغلته بهدال
يقولون لك قطعه بس واذا فتحو الماكينه بيغيرون لك كل شئ واذا بتسمع كلامهم بتكلفك حدود 8 الالف انا كان عندي لنكلون 95 اختربت علي الماكينه وقالو شغلتها بسيطه بحدود 1500 ويوم فكوها عطلوني قائمه بقطع فوق 5 الالف غير قيمة شغل يدهم

ss44ss882003 @user_121763 · 29-01-2010

اعتقد سياراتك ماتحتاج توضيب كامل
فقط تحتاج نصف توضيب يعني تغير قطع فوق المكينة
طقم وجيه + شنابر + بلوف + جلد البلوف
شغل يد 500 او كثر شوي يوم او يومين
قطع الفورد رخيصه خذ قطع فدرل امريكي
بس انا ماشفت السيارتك ولا فحصته
لذلك وده كذا ورشة وشف يمكن تحتاج توضيب كامل
بلعكس التوضيب مايضر بل هو عبارة عن تجدد قلب المكينة

قراند ماركيز96 @user_196329 · 29-01-2010

اخوي اذا ربي منعم عليك ..روح وضب السياره والله انه احسن لك وفك عمرك من المشاوير من ورشه الى ورشه ومن وجع الراس .
السياره تشرب زيت وانت مجبور انك توضب الحين والا بعد سنه..بس اهم شي تشوف لك ورشه مشهوره ..يعني شغلها زييييين...اما من ناحيه التكلفه الشباب فيهم الخير والبركه
الله يوفقك

ابن شتيب @user_207306 · 29-01-2010

انا اقول غير شنبر واحد احسن من انك تغيرها كلها
لانه ينقص الزيت وبياثر ع المكينه
اما التكلفه فما اقدر افيدك
تحياتي