مشورتكم .. قراند ماركيز من صالة البيان

طيب أخي أنا ماخذ من عندهم في شهر 11 لعام 1430 يعني قبل ثلاثة أشهر

وسيارتي كالأتي :

جراند ماركيز 2007 فل كامل - ماشي 31 ألف ميل يعني 49.600 كيلوا
اللون عودي + ضمان 5 سنوات + تغيير الزيت والسيفون وفحص كمبيوتر وفحص يدوي كل 3000 كيلوا
بمبلغ وقدرة 50 ريال على مدى فترة الضمان + الضمان يشمل المكينة والقير والدفرنس
+ شغل اليد وقطع الغيار عليهم

وطبعاً شريتها من عندهم بي 63 آلف .. فا شوف أخي هي الشغلة لو أشتريتها من عندهم
أو من عند معرض ثاني مسوي نفس فكرة الضمان راح ترتاح من اسعار الزيت والسيفون

إللي كل يوم في إرتفاع + أنك تفحص كمبيوتر وتفحص يدوي ببلاش عند كل تغيير للزيت
وما تشيل هم السيارة لمدة 5 سنوات ( أهم شي يكون استخدامك نضيف )

وتاكد من الأسعار ترى تفرق من معرض البيان اللي في خريص واللي في الشفا
وزي ما يقولون أسئل مجرب ولا تسأل طبيب << والله مدري هي كذا ولا لا

بس أنا تسعرتهم وكان فرع الشفا أرخص ولا تنسى ترى فيه الفل كامل
وفيه الفل كامل الألتميت أدشن تراها تفرق واجد عن الفل كامل في السعر

وتفرق قليل في المواصفات ( الديكورات والإكسسورات والإضافات )

مثل الهايدرولك والتحكم بالمسجل من الطارة .. إلخ

وعلى فكرة نسيت أقلك .. أنك إذا أشتريت من عندهم ورحت تغيير الزيت والسيفون
في ورشة صيانتهم .. بيقلك الموظف أن الدخول إلى الورشة ممنوع منعاً باتاً

وراح يطلب منك أنك تنتظر في غرفة الإنتظار إلى حين الإنتهاء من السيارة
طبعاً كله كلام فاضي أن عند أول تغيير كنت شاطر وسمعت الكلام

بس عن التغيير الثاني شفت لي واحد جاب سيارته وأبد قدم أوراقه ودخل مع سيارته
وعند التغيير الثالث لسيارتي سويت نفس الرجال الأول عطيتهم كرت الضمان

وبعد ما أستلم الفني سيارتي عطيتهم شوي وبعدها ما لقاني إلا جنبه عند السيارة
ومن يومها ما أحد قالي شي كل تغيير أدخل معاهم .. وسلامتك ..
ومبروك مقدماً .. وتكسرها بالعافية