ماخاب من استشار ,, لانسر جي تي 2010 ... قير عادي ولا اوتو ؟؟

يا رجال ما يبيلها كلام هذي لانسير جي تي يعني قير أوتو CVT

حرام عليك تضحي بالـ CVT والـ F1 وتاخذ قير عادي وفي شي ثاني
علشان ما تنغبن مثلي ويجيك إحباط في سيارتك إذا أنت من أهل الرياض أو المملكة عموماً

روح معرض بالبيد بطريق خريص .. والله ووالله أنك راح تجيك صدمة لما تشوف الفرق بين
المواصفات السعودية والمواصفات الخليجية .. أقسم لك بالله أن أول ما دخلت ووالله العظيم

أني فكرتها لانسير إفلوشن EVOOO تعرف وش معنى إفلوشن يعني وييييين في الشكل

وتراها هي نفسها الجي تي بس المواصفات الكاملة للمصنع يعني بالعربي :

عدسات أي نعم عدسات + تحكم آلي في الإضاءة عند المنعطفات + تحكم في إرتفاع النور ونزولة
+ نظام التراكشن + زر لفصل نظام التراكشن ( لما تتهيظ :a1120(86): ) + نظام EBS
+ إختلاف كلي ( جذري ) في الديكور الداخلي + ....... الزبدة نفس اللي في الكتاليوج

بالظبط .. فا تأكد أول وتراهم أرخص بكثيييييييييييييييييييييييييييييير تاخذها بالمواصفات هذي
72 ألف بس يعني نفس سعر الفل السعودي .. على الله ما تكون خلصت الدفعة اللي عندهم

وصدقني السعودي ما فيه لا تراكشن ولا النظام السمعي الموجود في الكتلوج
ووالله أني شايف السيارتين بنفسي وراكب السيارتين بنفسي .. فا ما أقدر أوضحلك أكثر

إلا بي ( لا تستعجل السيارة تستاهل ما أقولك لا بس شوف الثنتين و أختر اللي تعجبك )

ولا يضحك عليك الموظف ويقولك أن فيها التراكشن والنظام السمعي المذكور في كتلوج
السيارة تراهم كذابين .. يارجال حتى الطفاية حقت الدخان ( ونت بكرامة ) تختلف

ونسيت أقولك أن الـ أوتو CVT تراه 6 تعشيقات .. ومبروك مقدماًَ .. وتكسرها بالعافية