تويوتا يمسك سعره - والأمريكي يطيح سعره وبسرعه يخرب

^
^
^


الدينالي ينفع لـ راعين البر :d


و الدينالي يا زينه بالديرة ، لكن بصراحه و من وجهة نظر شخصية .. موب كفو أني أسميه جيب ~

اذا ما جاك VTC أو VXR أو GXR ... أجدعه بالبحر [ برياً :d ]



...............



أخوي لحن ..


انا قلت سابقاً الكامري موب زي القديمه ، لكنها أفضل الموجود [ جوده و قوة تحمل ]


و الكوري الى الأن ما يقال عن جودته أنها [ عاليه ] .. لآن ما بدا يطلع طلعه قوية الا من 2006 و فيها !

و اذا مريت جنب تريله و الدنيا عاجه و اذا شطفك أحد كل السيارات ممكن ترتج أو يهزها الهوا !


يعني بتقنعني أن السوناتا أو الألتيما ما يجيها شي بهالحالات !!!


بعدين تقارن أنتشار الكوابرس و الألنترات بأنتشار الكوامري ؟


قسماً بالله لو تجمعهن مع بعض و تحسبهن والله ما يوصلن نص الكوامري التكاسي ...


بعدين أنا اتكلم و اقول ان الشركات و الحكومة و التكاسي ياخذونها عشان جودتها و قوة تحملها !

يعني راعين الحلال سوائا تكاسي أو شركات موب شارينها من عبث !

مع العلم أنهم يبيعونها بأي سعر بعدين يعني ما همهم أنها تمسك سعرها بقدر ما همهم قوتها و جودتها ...

و لولا أختلاف الأذواق لـ بآرت السلع ...

اجل الفي اكس ار احسن من الدينالي

مكينه vxr 4700
271 حصان:a1120(86):
الدينالي 6200
441 حصان:xyxthumbs:

تلعب على مين انت

الفخامه الدنالي افخم

الرحابه الدنالي اوسع بالا مقارنه

الهيبه دينالي

الراحة ولا يمكن تقارن راحة الأمريكي بالياباني

اقول قل كلام يصدقه العقل

بلا تعصب للتيوتا

اقول هــ الموضوع قد صارت فيه مواضيع كثيره

و الحكومه اعتمادها داخل البلد و في الخطوط الطويله على الامريكي و الى الان

و من فتره قصيره دخلت التويوتا و النيسان و الهونداي

طبعا اتكلم عن الشرطه و المرور و الدفاع المدني و غيره

اما القطاعات الحكوميه الثانيه فكلا على حسب حاجته
زي البلديه و المحاكم و و و و و و

تلقى برضو الهونداي و نيسان و تويوتا

اما القوات البريه و الحرس و غيره
الجيوب اليابانيه و فيه عندهم فورد و كابريس و طقتها

التكاسي و غيرهم

الان صارت منوعات الا هوندا ما فيه منه تكاسي

و بعدين الي يسمعكم اذا تكلمتو عن مسكة السعر كنكم شريطيه ما بتستعملون

الشريطي هو الي يتكلم عن مسكة السعر لان الشريطي
ما تهمه السياره كثر ما يهمه انه يشتري و ما يخسر عشان يبيع

انا اتكلم او احنا نتكم من مبدى الاستعمال و ما نتكلم اننا نبي نبيع

انا لو بشتري و ببيع اكيد بمدح السوق الي فيه مكسب لي

كامري الشرقيه

انا كلامي لتويوتا عامه وماخصصت كل كلامي للكامري فقط

صحيح ان كلن يمدح بقله ,

لكن مانكر انه مب حقت كرف ماشاء الله الله يطعمك من خيره ويكفيك شرها

لكن مو مثل اول اللي تكرف كرف الحمار وانتم بكرامه

يعيش معك ومايقول آح ماشاء الله

بس اعذرنا يابعدي ولا تحاول تقنعن ان تويوتا مثل اول من تجربه شخصيه مني انا :smile:





اكيد بس خل التاكاسي وحقين الاجره والحكومه والشركات , لانهم مب ماخذين الا وكاله اصفار يابعدي

وانس ابو جميل يقول نزلوا سعرها مالها شعبيه عند هالناس ذولا وذولاك خلوا الاسعار نار هذولا يعزون الكامري :bigggrin:

خلنا بالمستعمل وشف السعر يطيح ولا لا لشعبيه الناس ولاتقول الياباني يمسك سعره :tongue:

ولعلمك الحين انتشار سياره التاكسي ( النترا - سوناتا - التيما - كابرس ,, الخ )

واتوقع لجودتها وسعرها المعقول وغيره هيك مواصفات

وانا لاحظت هالشي وبشكل كبير :smile:




لا شك بذلك , و لاتدقق بالحيل < رد اللي باللون الاحمر

وهل الكامري ثابته لامريت من عند تريله بسرعه 140 ولا شطفك واحد ولا دخلت كبري وطلعت والدنيا عاجه : )

الله يستر عليك يابعدي , مريحه ! تمشي الحال والله يمكن عشاني تعودت ع الامريكي :bigggrin:




قلتها قبل يابعدي من تجربه شخصيه مني انا ,

لتويوتا الحديث وكنت استعمل تويوتا القديم وبرضه جربت الجديد وماقارنه القديم ابد بالجديد الا بالمواصفات بس وفضلت القديم ع الجديد

ماقول الله اكبر يالكوري صار ينافس تويوتا , :tongue:





,

الكآمري طآل عمرك اللي ياخذونه شياب ، و سواويق ، و تكاسي ، والحكومة بكبرها تاااخذه بالرغم من غلآء سعره !

نرجع و نقول سيارة سعرها فيها .. وقف أية كامري تكسي وشف كم ماشي و أسألة وش غيرت فيه وش ما غيرت و شف وش يقول لك !

بيقول زيت و فلتر ، و لآ ظنتي فيه شي غيره ..

ياخي راعين شركات التكاسي الكبرى منتب أعلم منهم ولا أحرص على حلآلهم منهم !

ليه يطقون لك هالكوااامري بـ 75 الف ستاندر !

بالله جاوبوني ؟؟

و الهايلكس اغلبهم تحت الـ 23 و الأكورد نفس الشي و السوناتا و و و و


و الفورد هاللي جايزلك لو بتاخذه جديد .. بجيب لك 2005 لها خمس سنوات نفس حقتك ولا فيها أي فرق خخخخخخخخخخخخ

يآخي سيارة من 12 سنة وهي نفس الشكل وش تبي بها ؟




و الكامري في منطقة مالها شعبية فيها ؟

مآ أظن والله :)

لآنها سيآرة الشعب كله زي ما قلت قبل شوي .. [ حكومة ، اجرة ، شباب ، شياب ، عوائل ، شركات ]

الله لا يضرها :)




و الرآحه لها عدة أوجه ، فيها راحة المركب و فيها راحة البال ...

و في برضو الراحة لا منك بغيت تبيعها ، يجونك يركضون من هالشريطية و من هاللي بيستعملون :)

و الكامري برضو ما عليها خلآف ، مريحة ما شاء الله ، اللهم صوت العزل موب ذاك الزود فيها



وش يدريك أنه موب زين هالحين ؟

ولآ عشانه فيبر قلآس ؟

يآ بعدي الكوامري من 2003 الى الأن ما شاء الله ماشية تمااام التمااام ...

ولآ عليها أي خلآف :)

و على قولتك كل سيارة لها شعبية ، لكن تختلف من شعبية وحده الى الثانية :)

يآ شيخ يكفيييك الهونداي وملاكها """

يآخي يقارنون السوناتا بالكامري ، و يقارنون الأزيرا بالكامري ...

تحس أن الكامري مقيآس لكل السيارات ، يآ لبى قلبها بس :$

كنت بقولك نفس اللي قال ابو سعد لك ياكامري الشرقيه

ماقصر

وياكامري الشرقيه ترى لكل موتر وله شعبيه !

خذ الكامري حقتك وودها وبعها بمدينه ماله شعبيه او الكامري عندهم ماتجيب سعر عشان الناس ماترغبها ,

هذا وجهي ان جابت 35 الف لو هي زي العسل

وكذلك الحال مع الهلي والشاص خذ مثال بسيط عندنا ببريده اسعارهم نار مع انهم

مستعمل وموديل 2002 و 2001 عادي عادي سعره يطق 60 بالراحه والناس زي

المهبل تشري والله يرحم الحال العقل مب ذاك الزود , يجي يقولك هذي حديد

وانا بشري موتر واكسر ظهري عشان حديد وخرابيط , لكن مالوهم كل تويوتا الحين

قرطاس لو انفخ بخشته تعوجت وطاح الصدام

ياناس الحين الاف الا ملايين تتمنى تشري الراحه , والله ناس مدري معين تفكر

بس ودهم للرياض ولا الشرقيه ,, 15 الف وتخب ع هالصندقه والقير والمكينه حتى

الديكور مدري وشلون جاي صاير اشهب ومتشقق وطالعن السنفج الاصفر وبـ 60 الف !!!!

وكذلك الحال مع الكابرس واللومينا عندنا سعرهم مب شي هذا بالامريكي عندنا

وبعطيك انا الامريكي والياباني ,,

يعني ماله دخل ليه الياباني يابعدي مايطيح سعرها مثل ماقلت

والامريكي دايم بالارض ع كلام بعض ناس

مع ان الامريكي الحين يتوفر

الراحه والقوه والرزه والكشخه وماحد ينكر الشي والحين تتفوق بالمواصفات والتقنيه

كل ذولي تجتمع بسياره وحده اللي , اللي ماوصلت له الياباني

بس الناس ماتتفتح يالغالي ولاتنكر الشي ,

ولا اطق لي موتر صاك 100 الف ع ايش مدري

صح انا معك تويوتا اول ماشاء الله لكن الحين الله المستعان

مابه شي يستاهل الا القليل ونهب الدراهم مع اني فيه بديل وبآسعار ومواصفات لاتعلى عليها

مثل الكوري الحين قسم بالله اطلق من اكثر سيارات تويوتا بس الناس مثل ماقلت لك ماتفتح

يجي يقولك الكوري يطيح سعره ومايستاهل احط دراهمي فيه

وشف الجينتس ماشاء الله انتشاره قليل مره ! ليش ؟؟؟؟ مثل ماقلت لك :blue:

مع انه تنافس اللكزس والسياره الفخمه وبسعر معقول وجيد ويستاهل !

ولا برادوا شف سعر الفل كامل شف كم واصل ! 200 الف

ليه مدري , وياكثر البديل بـ 200 واقل واطلق واحسن منه ومواصفات

بس الناس تحب الشعبيه وماتفكر هو يفكر بسياره عشان الناس

انا معي تويوتا ولا صار معك تويوتا طيب ؟؟

كنه مع اطلق موتر ولا يخرب

الالماني وهو الماني اللي الياباني مافيه ذره منه

ومع ذلك يخرب , مع ان كل شي توافيق من ربي سبحانه وتعالى

مع احترامي للكل وآسف ان طولته , او طلعت عن اطار الموضوع !





,

الكامري ما يشترونها الا الشباب الي توه الله يهديك

شوف اصحاب الكوامري اغلبهم من تحت23 سنه

ترى كلامك غير منطقي

و كثرة السيارات ما لها علاقه بموضوع الافضليه

الكامري سياره ممتازه ما قلنا شي لكن انا لو خيروني بين الكامري و فورد
كرون فكتوريا او ماركيز بدون تفكير بروح للفورد

قوة و راحه و اداء و تحمل و كشخه

اما الكامري معروف من الي ياخذه

طيب وش عندك انت مطيح في الورش مع ان سياراتك تويوتا

لا يكون الاوريون

و الا رايح تسوي احصائيه

الله يهديك بس

حدث العاقل بما لا يعقل فإن صدقك .................. أكمل الفراغ

اجل بعد 4 سنوات باعه بخسارة 4 الاف اسمح لي الي اشراها مغفل و ما عنده سالفه
يروح ياخذ له جديده احسن و افضل و لو يلف المعاض بيلقى موديل نفسه و بسعر اقل
بعد و العدد صفر

يكون في علمك ي سياره لو تطلعها وكاله و على الزيرو و تركب عليها لوحات طاح منها
فوق الـ5 الاف ريال من اقل قيمتها الاصليه

خلو عنكم المبالغ



انت حلفت
لكن
ما اصدق لان كلامك غير معقول


و كلامك هذا غير صحيح 100% و تراك بالغت اعرف ان الكوامري موديل 2002
بحول هــ القيمه الي قلتها
ارجو انك تراجع كلامك و الحلف على شي تافه ما يجوز



انا كان عندي فورد 95 قراند ماركيز جايته صدمه جامده الوجهييه كلها تجاريه من قبل ما نشتريه
و احنا الي صلحناه

قبلها كان عند اخوي و ذابحه اسبوعيا الرياض و ما شاء الله عليه ما قل شي
و انا من بعده قعد عندي 6 شهور و كديته في مكه و رجعت فيه الدمام
بدون ما اشيكه و ما قال شي على الخط و هذا هو عند اخوي الثاني له اكثر من 6 شهور و ما شي حلاوه

ترى السيارات حظوظ





السعر معقول



كلامك صحيح الامريكي مريح جدا و الي اشوفه مريح في الياباني
اللكزس السيدان طبعا

مادري من وين جبت كلامك ؟؟

انا معاي 2008 والحمد لله سنتين ما اخدت مني غير زيت وفلاتر وماشية 65 الف

وماشاء الله السيارة تمام وبالنسبة للمواصفات الناس اذواق ياخي انت تحب الفخامة روح خد لك سيارة فخمة ، انا سيارتي تلبي احتياجاتي ولله الحمد ما انظر لغيري

وبالنسبة للخرابات انا اعرف اكثر من 10 معاهم كوامري 2007 وفوق ماحد يشتكي منهم من مشاكل الا الديكور وهذا موجود في اغلب السيارات لانهم بلاستيك !

يعني مادري ليش الكامري بالذات محط انظار وما شاء الله رغم الحقد اليعليها والحرب القوية والتشويه لسمعتها لا زالت اكثر مبيعا ً !

المواتر توافيق وكل من شرا موتر لاقي شي معجبه فيه

يا جماعة بدون تعصب وترا الفخر مهب لكم الفخر للصنع الموتر...

والله فقعتو راسي بالكامري ذي :bigggrin:

اهل الحاره كوامري والاقارب كوامري كلن يقول الكامري مافيه مثلها احسن سياره عشانها ماتطلبك قطع وعشانها تجيب قيمه بعدين تقوم تمدح فيها انها افضل سياره
شباب حن نتكلم عن موتر فيه الراحه وفيه الزينه ويمسك القيمه عند البيع
شف اهل الامريكي يشتريه ما يفكر عند البيع يشتري موتر يريح نفسه بالمركب ولا يفكرون عند بيعها
يا اهل الكوامري وش اسوي بموتر ماسك قيمته وقطعه رخيصه يخلو من الراحه والزينه الداخليه شف الكوري كيف ديكورها الداخلي وزينتها تخليك من يوم تركب الموتر ترتاح نفسيا تحس انك ماخذ موتر تبعد تفكيرك عن سوال كم عند البيع

اشتري راحة نفسي بفلوسي مانبي موتر يكسر الظهر وما نبي موتر بدون زينه وش الفايده اتعب نفسي عشان موتر يجيب قيمه وعشان قطعه رخيصه

ولي يقول ان الكامري ما فيها خرابات والله العظيم ان اكثر الي بالورش صوالين وكوامري

وعند واحد من عيال الحاره كامري 2008 من يوم طلعها وهو كل شهرين تخرب المساعدات عنده ويشتري جديد ويركب والقطعه من الوكاله واغلب الي معاه الكامري كل يوم وهو سارح ورشه وضاوي من ورشه تساله عن السياره قال مافيه مثلها
طيب علمني وش عندك كل يوم رايح ورشه وضاوي من ورشه وش تسوي تكشخ بالكامري عند اهل الورش
واعرف الرجال هذا زين مازين لاهو حق تفحيط ولا هستره ولا شي انسان عاقل من جد
كره الكامري وكره ابو من جاب الكامري
باعها والحين خذاله فورد مستخدم موديل 2006 والله مرتاح معاه بالمره لا خرابات ولا شي
يكفيك ان الكامري اي دقه بصيطه بالوجه طاح الصدام الخلفي
ايش الحكمه منها والله ما ادري واش دخل الصدام الخلفي يطيح والله ما ادري ومن قال انها من وسائل الامان بالكامري كان سوتها البنز قبل ما تتصنع الكامري
بعدين الي معه كامري يمدح فيهاورغم ذا كل يوم هو بورشه ولما يبيعها ويشتري موتر ثاني مثل كابريس ولا لومينا او حتى سوناتا الكوريه
يقول تخسى الكامري انها ماتسوى ريال

ليه محد يبي يقول عن موتره انه شين ووش العيب الي فيه

على فكره اكثر الي يشترون كامري يفكر بالبيع كم بتجيب يعني بالله تتعب نفسك وتكسر ظهرك عشان سيارتك تجيب قيمه عند البيع

قسم بالله ناس تفكير غير


تقبلو مروري


شباب لحد يحذف مشاركتي الرجاء


ردي هذا بدون تعصب او اقلال من احترام الاعضاء

تقبلو مروري

اسف على الاطاله

8
8
كلامك مثل العسل ..

وفعلا سياره مايحتاج نتكلم عنها .. لأنها أثبتت جدارتها

بعدين يا صاحب الموضوع ، فكر بها شوي !؟


ليه السيارة ما يطيح سعرها ؟


كذا أستعباط ؟ و لآ الشريطيه ياخذون عمولة من أبو جميل ؟


يآخي السيارة سعرها فيها ، و لآ تطلب قطع ولا مشآكل ولاهم يحزنون !


على ما قالو [ دق سلف و أمش ] .. سيارة ممكن تخلو من الرآحة مثل راحة الأمريكي و ممكن تخلو من مواصفات { الزينة } مثل الكوري ..

لكنها تغنيك عن التضرع و التشحذ و المناقز من وكالة الى ورشة من ورشة الى وكاله !

الحين يا عزيزي ما فيه سيارة زي سابق عهدها ..


ما راح اكذب على نفسي و أقول الكامري نفس أول !


لآ والله مستحيل .. و لكنها أفضل الموجود حالياً ~


يآخي يكفي تواجد سيآرآت تويوتا بالشوارع و بالذات الكامري ما شاء الله !


وربي ذاك اليوم معي ولد عمي و يقول لي وش شايف بموترك ؟


قلت له يكفي أنها من أكثر السيارات شعبية على مستوى العااااالـم كوووله !


و رفعت ظغطه و أنا أعد الكوامري اللي بطريقنا خخخخخخخخخخخخخ


و ربي وصلت الكوامري تقريباً 35 كامري خلآل خمس دقآيق والله على ما اقولة شهيد !


و بدون ما احلف اصلاً الكل عارف شعبيتها اللي ما جت من ( عبث ) ~


و سلمولي على تويوتا و على الكآمري الـ غآلية :)

^

صآآدز والله ، و على قولة المثل [ من برا الله الله .. من داخل يعلم الله ]

اللي ما يعرف الصقر يشويه :xyxwave:

شوفوا معي .... التويوتا ينقسم قسمين ( هايلوكس ـ جيب شاص ـ جيب في أكس أر ) وهذه الأنواع تمسك سعرها
أما بالنسبه ( للكامري و الكورلا واليارس ) يطيح نص سعرها وأنت تضحك وتتفكك بسرعه .

الأمريكي عندك ( الفورد ـ التاهو ـ اليوكن ) تفقد سعرها لكن جيده .. ومريحه جدا وتستحق أن تدفع فيها .
أما بالنسبه ل ( الأوبترا ـ الآفيو ) أيضا نفس العلة تطيح بسرعه وأعطالها كثيرة .. والله أعلم

التويوتا مو زي اول يمسك سعر هذا اللي ملاحظه
الكامري 2007 تحصل من 40000الى 48000 زي الهوندا
عن نفسي ما تفرق معاي السعر بعد البيع الا اذا كان سيئ جدا كالجاكوار