تويوتا يمسك سعره - والأمريكي يطيح سعره وبسرعه يخرب

:xyxthumbs:[/CENTER]

الشفر وبعد الفطر

كلامك 0/0 صح يا أخ as2de

مع إني مأطيق سيارات تويوتا خصوصا الكامري والكورلا..

لكن ألاحظ أغلب الناس يسبونة ويقولون فاشلة لاأمان لاراحة... وفي الاخير تلقاه بعد فترة شاري كامري ويقول بريح راسي من الخرابات ..

*صراحة أنا ماعمري شريت كامري ولاأفكر أشتريها بس أخوي عندة وحدة 2008 وماشية إلى الان فوق 8.0000ألف كيلو وسفرة عليها متواصل ولاقد أشتكى منها ويمشي ويمدح بالكامري لأن كان معة كابرس معذبتة ولقى الفرق...

مشكور ياصاحب الموضوع على هالطرح المميز:xyxwave:

اي والله خله يكثر منها وبقووووووووووووووه بعد :bigggrin:


خالي شراله vxr 2007 فل الفل بملغ وقدره

وبعدها بشهر الوالد شراله يوكن اكس ال دينالي بـ 177 الف مع جوائز بقيمة 5000


خالي يوم شاف الدينالي واقف جنب الصالون حقه في زواج ولده وشاف الناس رايحين وجايين ويطالعون في الدينالي ومحد يم الصالون بعدها باسبوع وهو بالمعارض باعه وراح التوكيلات وصكله واحد اخو حقنا حتى اللون حقنا ماكان عاجبه في البدايه بس اخذ نفس اللون عشان يصير الرديف حق الشايب :a1120(86):



يعني ياحبيبي الحين بلا صالون بلا هرج فااااااضي







انا مابقولك قارن بين vxr وبين اكسيبديشن



ابغاك تقارن بين جيب اللكزس 570 وبين اللينكون نافيجيتور الي هو الجيب



طبعا كلها 2009




وربي اللينكون تبغاه قوه فخامه راحه سلامه اي شي فيه

واللينكون سعره بالوكاله 217 الف
واللكزس سعره بالوكاله 330 الف




والحين بالله 330 الف على ايش؟؟



والله الامريكي والكوري وارفع يدك بلا تويوتا بلا هرج فاااااضي

ياحبيبي مين قالك الفورد يخرب بسرعه؟؟



انا الحين عمري 21


وتعلمت السواقه وعمري 12 سنه



استخدمت 8 فوردات من موديلات مختلفه


الوحيد الي عذبني منها واحد موديل 96 كراون فكتوريا وقشيته

واستخدمت ماركيز1997 و 2000 و 2002 و 2003 و 2008

واستخدمت كراون فكتوريا موديل 2005 و2007


وكلها زي العسل


طبعا كلها تصدير الوالد يصدرها له ويستخدمها والا استخدمها انا فتره بعدين يبيعها



واخر واحد كان معايه والين الحين معايه واحد ماركيز 2003

شريته واستخدمته كم شهر وبعدها شريت كابرس اس اس 2006 ووالله اني احن للفورد وسواقته ويوم شاله السيل رجعت للفورد وشوفه معايه زي الحلاوه الحين ولا خرابات ولا شي واستخدمه كاني استخدم ونيت مو فورد يعني حفر مطبات ووقت الزحمه الله يخلي الرصيف والموتر ماشي زي الحلاوه



اما الكامري!!


كان عند الوالد وحده 2002 كنت مسرع فيها ودخل عليه واحد دخله غلط وطلعت الرصيف طبعا المقصات والجوزات والمساعدات والدنيا الي تحت راحت كلها وكلفتني مبلغ وقدره


يعني لو اجي احسبها الفورد اصرف منها بمليون مره



زمان صح تويوتا وارفع يدك اما الحين والله ماعاد تسوى ريال

كامري الحين سعرها الفل بشاشه 95 الف ريال!!!


وين عايشين؟؟



والله مادفعت السعر هذا فيها لو ايش






وبالنسبه للكوري والله عز السيارات الحين والي يقول اسعارها تطيح اقوله هذا زمان

اسعارها الحين بالوكاله ميه ميه على المواصفات الي فيها واسعارها بالمعارض فوووووق يعني الي يشتريها يكدهااا وبعدين بيبع بدون خساره كبيره






وانا ااااسف على الاطاله



مشكووور ياصاحب الموضوع

ايه صدقت اخوي الحارثي بس الامريكي الياباني اغلب وسائد الامان اماميه فقط

والشهاده لله النيسان والكوري ابدعو بوسائل الامان للراكب اماميه وجانبيه
انا اشوف انهم طغو على الامريكي بوسائل الامان لركاب المركبه

السيارات الأمريكية تقدم أفضل المواصفات وراحة أكيدة وسلامة عالية
اعتقد السبب اكثر ما ارووح للورش احصلها اهناك يمكن الخربات هي السبب

يابوي كثر منها vxr اطلق من دينيلي

تدري ان صالونك ما يسوى جنط الدينيلي بعض الاشياء معروفه يالحبيب بالله اش فيه الصالون من مواصفات خالي معاه صالون vxr وشفيه تخشيبه وكمرا خلفيه يابوي الامريكي من زمان فيه المواصفات ذي من ايام الثمانينات ( كثر منها بس هههههه )

بعدين اركب جمس والله يحسسك انك فوق ملك مركب وراحه وعز من جد الجمس
اما الصالون فعز الله حمار كرف لا راحه ولا مركب ولا عز هذا من جد صالون :bigggrin:
بدون تعصب شباب ( الصالون اذا مر بالشارع كنه شي عايدي الي مر حتى مايلفت نضرك )
الشهاده لله جمس دينيلي اذا مر غصب من فوق خشمك يلفت نضرك

والماركيز حقك الـ 99 يمكنه مهو نضيف اذا ماخذه مستخدم

اما اذا خذيته وكاله فعز الله انك هربدة بابوه صدق ماتعرف تستخدم موتر

بعدين الامريكي يبيك تدلعه وتحافظ مهو زي تويوتا اكرفني ادوم معاك مثل الحمار مايمشي الا بالضرب هههههههههه:bigggrin:

الرجاء عدم التعصب هذا راي الشخصي

كلام سليم ومنطقي

انا سديراوي بس المعرض في القصيم :bigggrin:

اصحاب الامريكي ! :bigggrin:

لعلمك انا جربت تويوتا موديلات قديمه وحديثه , ولا اقارنه بالجديد ابد الا بالمواصفات بس

عشان هيك اعيد واكرر اقول تويوتا مب مثل اول

ولا لو تركب الفي اكس ار , والدنيالي يابعدي

كان عرفت ان الامريكي وبس < اسآل مجرب ياشيخ :bigggrin:

وخل عنك التعصب :a1120(86):

سلام

شكلك قصيمي والحراج بالقصيم :bigggrin:

اخوي انت تحلف و حنا و الله ما نبي نكذبك

وش هالمهابيل اللي باعو بـ 42 الف موديل 2009 ؟؟؟؟؟

ما اقول غير فرصة وضاعت عليك ليش ما شريت منهم ؟؟


صديق عزيز لي باع قبل 3 اسابيع بالضبط كامري 2005 4سلندر فل كامل بخمسين الف ريال نقداً
و الله على ما اقول شهيد

كيف تقول الكامري يطيح سعرها الله يهديك ؟؟

يا خي ليش يا انتم ملاك الامريكي تتحججون و تعارضون

كأن الشركة فورد او كريسلر و غيرها من حلالكم و عرق جبينكم و الله ما دروا عنكم << قوية هههه

أسألك بالله روح ادخل على رابط ورشة السيارات

لا وش هو له انا اجيبه لك
http://www.assayyarat.com/forums/forumdisplay.php?f=30

سيارات جديدة مهربدة يوكون كرايسلر ميركوري فورد وفيها من الاعطال الى بكره


لكن عشان تتأكد اسال اي واحد بالشارع و خله يقارن بين vxr فل كامل و اليوكون denali ???

و اي سيارة يوثق فيها و اكيد الجواب معروف

كان عندي ماركيز 99 الله لايوريك موتر اعوذ بالله كل يوم اصحي على مشكلة و اقول يالله صباح خير

انواع الخربات سواء بالقير او الكهرب و الحرارة وين يا ابو ؟؟


الرسول صلى الله عليه و سلم يقول - بما معنى الحديث - :: احب لأخيك ما تحب لنفسك ::

و انا احب لنفسي التويوتا و لو معي فلوس فتحت وكالة تويوتا و نافست عبداللطيف << ايه هين :)

والله كلكم صح صح صح التويوتا سيارة أستهلاكية وغير مريحة وما تتحمل الخطوط الطويلة حتى إذا كنت ماشي بسرعة عالية وانفجر كفر تقطع وشال الصدام معاه وهذه حقيقة حصلت معي ... والحمد لله ألحين معي كابريس له معي أكثر من سنه ودائما أسافر من الشرقية إلى الجنوب والحمد لله أصل وأنا مرتاح ولله الحمد . على الاقل السيارات الامريكية لها وزنها مو مثل التويوتا إذا كان فيه هوا ماتقدر تمشي بسبب محركها الصغير , أما الامريكي أدعس وأنت متكي ..... طبعا هذا وجهة نظري .. وأسمحولي على الاطالة . طبعا سيارتي كابريس 93 ls

الله من المبالغه

انا اكره تايوتا بس من ناحية السعر يمسسك وبقوة بعد

لحد يقعد يطلع اشاعات وكلام فاضي

انا اعرف شخص شرى هايلوكس واستخدمه سنه وبعدها باعه بخسارة 4 الاف وهو مطلعه وكاله

وربع 2004 البدي كله مسمكر وجايه صدمات لين قبل والشريطيه كلش الا السمكره عندهم وقيمته 67 الف !

خلوكم واقعيين شوي

الشي الثاني


قسما بالله كنت في حراجات المدينه قبل حوالي اكثر من شهر

انباعت كامريتين نظيفه الاولى جي ال ب 42.000 2009

والثانيه جي ال اكس << طياق كهرب - جناح اوتماتيك ب 45.000 2009

اتحداكم تجيبولي فورد 2007 مو 2009 نظيف بهالسعر

قسم بالله شي يقهرررر


اذا الامريكي يخرب بسرعه ايش تقول على الكوري ؟ او الياباني << اخس من بعض

كان معاي فورد فيكتوريا موديل 2000 وكاااااااله

وليومكم عايش


وانا اتحدى جميع من يقول انو الامريكي يخرب بسرعه وابغاه يثبت


ياناس اكبر دليل

شوفو الفوردات والجموس من الموديلات 92 وانت طالع في الشوارع وفي الخطوط << ركزو على الخطوط


اما الياباني القديم ما تشوفه إلا مع الهنود والسودانيين وتلقى السياره مهلوكه


هذا ان شفتها اصلا