سيارتي غرقت في السيل

الله يعوضك ...
لكن لو بغيت انك تخليها لازم تأكد من انا
الورشة نظفو الظفيره هذا اهم شي والباقي كله ان شالله سهل
وبالتوفيق ،،،،،

باركـــــــــ الله فيكــــــــــــم جميعا على الردود

والحمدلله سيارتي في الورشة ولها الآن شهرين وغيروووا قطع جايبينها طلبية من دبي والحمدلله شركةالتأمين تكفلت باصلاحها والآن يركبون القطع والله يستر ان شاءالله تضيط
ولا معي الا الصبر والتوكل على الله اما هولاء النصابين حقين التأمين فلن يعوضوا احدا بسيارة جديدة لكن قالوا مادام تصلح بنصلحها
وكل شيء على الله والحمدلله على كل حال راحت ارواح ونحن بعد نرووووووح الروح ماتعوض
بس الحديد يتعوووض
ولو ما عوووضتني الشركة
الله سبحانه عليه العوض ومنه العوض ماحد يقدر ينفعك او يضرك الا بإذن الله

توكلت على الله وخليتهم يصلحونها ولو انهم طووولوا بس احسن من الخسارة

واذا ماصلحت رجعتها للبنك وامري لله
ان عوووضوني او ماعوضوني
والله مافكرت في شيء
والحمدلله اني سلمت انا واهلي هذا اهم شيء

جزاكم الله خير على تفاعلكم حسيت ان فيه ناس تحب الخير كثيييييييييييير

وفيه احد الاخوان بغى يعطيني رابط بس بطل مدري ايش السبب ؟ ياليت اذا يقدر يراسلني ع الخاص وشكراااااا للجميع

الله يعيننا على شركات التأمين

والله يعيننا على نظام التأجير مع الوعد بالتملك

واللي يقولك يعوضونك بسيارة جديده أقول هذا بالحلم لأن بالعربي اللي صاير سرق * سرق

ويا صاحب الموضوع فيه واحد بالمنتدى خبير بالتأمين أنصحك تستشيره وهو بيعطيك العم اليقين له موضوع هنا بالمنتدى وودي أعطيك الرابط بس أنا مستعجل والشباب ماهم مقصرين

المفروض ان التأمين يتحملون كامل التلفيات و اذا كانت السياره مو باسمك
التأمين يعوض الشركه و الشركه تبدل لك السياره

لانها بحكم التالفه و السياره سيارتهم و هم يتحملون

روح الوكاله و خذ تقرير منهم عن تلف السيارهو لا توديها اي ورشه

اقول لك
روح اشتكيهم في المحكمه او في الاماره

ما يلفظ من قول إلا لديه رقيب عتيد

لله يجزيــك خير

هذا النصيحــة الصح

ماعندي الا ادعي لك ان الله تعالى يسهل امرك ويعوض عليك ويبارك لك في سيارتك
آمين

السلام عليكم
في البدايه عسى الله يعوضك أخير منها

أخوي
طالما السياره تأجير منتهي بالتمليك انتبه توديها ورشه
السياره في البدايه ملك البنك
ثانيا انت جالس كل شهر تدفع قسط نصه للتأمين
والتأمين مجبور يصلحها وهذا امر من الملك
رح ودها الوكاله
وخذ تقرير منها ان السياره تالفه
وارجع للبنك وعطهم التقرير وشف وش راح يقولون
اما انهم بيتفاهمون مع التأمين او بيحولونك للتأمين من عندهم لتسليم السياره
ولا عليك منهم المهم لا تدفع ريال واحد للورش وانت سيارتك بإسم البنك

وعسى الله يعوضك خير ان شاء الله وعسى الله يسهل أمرك


تحياتي

اتوقع معاك تأمين دخلها الوكاله وخذ تقرير من الوكاله اذا قالو السياره تالفه

التأمين يعوضك سياره جديده

الله يجزاكم خير

ودها الورشة وخلهم يغيرون زيت القير وزيت المكينة ، وزيت الفرامل والدركسون اذا اختلطت بالموية
وايضا تغيير جميع كتاوت السيارة مع التشييك على جميع الفيوز ولا تخاف طالما السيارة فيها كتاوت وفيوز والكهرباء راح تقطع في حالة الألتماس 0
لأن فيه كتاوت لطرمبة البنزين وكتاوت لكمبيوتر القير وكتاوت لكمبيوتر المكينة وغيرة الكثير 0 والله يكون في عونك بالتوفيق

نفس كلام الاخوان

سوها وبأذن الله تضبط معاك واذا ما ضبطت فشوفلك تصرف ثاني

تحياتي،،،

جزاكم الله خير على الردود
للمعلومية سيارتي مستأجرة بنظام التأجير المنتهي بالتمليك للبنك الاهلي وانا افكر ارجعها للبنك طبعا عندههم خبر انها غرقت
لوبس احرقها بس ما اغش مسلم اعوذبالله ان اكون من الجاهلين
السيارة مؤمن عليها ويتم تصليحها على حساب شركة التأمين لكن من يوم جت شركات التأمين ماشفنا خيرعندما راجعتهم رفعوا ضغطي ومرمطوني وما ادري ايش هدفهم بالضبط المفروض ان التأمين يلغى لأنه مافيه اي فائدة تدرون انهم يقوولون هذه فزعة منا الا المفروض مانصلحها لأن التأمين لايشمل الكوارث وكأن الموظف بيصلحها من جيبه قلت لهم هذا أمر من أبي متعب الله يطووول في عمره ويحفظه للاسلام والمسلمين
لو طلع فيها شيء بعد التصليح ارجعها للبنك الاهلي بعد اخبارهم انها لاتصلح ابدا والهدف التخلص من الاقساط المتبقية مع العلم ان البنك مؤمن تأمين شامل على السيارة لكن شركات التأمين اهم شيء شفط الجيوب واكل اموال الناس حتى لو بالباطل
نصيحيتي لكل اخ ان يبتعد عن الاقساط لكن الظروف تحكم ولو عندي كاش مالجأت لهذه الطريقة والاستدانة من البنك
طبعا شركة التوكيلات ليس لهم دخل لان الضمان لايشملها كون انه انتهى وطبعا يتهربون من تصليحها خوفا من الوقوع في المشاكل لانهم صلحوا سيارات ورجعت نفس المشكلة وعملوا لهم مشاكل فقلت لهم يعني اعترفتم ان تصليحكم اي كلام قالوا لا السيارة اللتي يدخلها الماء صعبة يطلع منها هههههههه

الحمدلله مليون مرة على اناها جت في سيارتي وسلمووا عيالي
أسأل الله للجميع التوفيق والا يريكم مكرووووه
أشكركم جميعا على الاهتمام والردود الطيبة النابعة من قلوبكم الاخوية

الله يعينك وانا خووك

رأي من رأي الأخوان ،، إنكـ تصلح وإن شاء الله إنها تضبط معـكـ ،،

صلح وجرب السيارة فترة اذا الوضع مستقر حلوو ،،

وإذا الوضع اختلف علـيك بيعها ،، بشرط أنكـ تخبر الشاري ،،


بالتوفيق وما تشوف شر غالينا ،،

كل شي يتصلح بس لازم يكون يكون بالك طويل خصوصا ان السيارة فيها كمبيوتر وحساسات

نظفها وخلها تنشف عدل وبدل القطع التالفة

وإن شاء الله ترجع مافيها شي