صوت طقة مع تشغيل الفورد أو الماركيز

نفس هذا الصوت عندي في الفورد 2005 كراون فكتوريا ...وفعلا مايطلع الا اذا شغلت السيارة التشغيلة الاولى (الصباح ) وانا صراحة كنت شاك في السلف ....والسيارة معي لها تقريبا سنتين على هذا الموال ولا فيه اي مشكلة .........

بيض الله وجيهكم الحمدلله دامه طبيعي والله يكتب أجركم
تحياتي للجميع

انا عندي ماركيز 2003 ويطلع عندي نفس الصوت وديتها لورشة البيان الجديد قالي الصوت عادي ، نفس الكلام اكد لي اياه فني تغيير الزيت في اي سي دلكو بعد ما غير لي الزيت طلع الصوت فاستفسرت منه قالي غالبية سيارات الفورد اللي اغير لها الزيت يطلع الصوت عند التشغيل علشان الزيت ما وصل لاجزاء المكينة مثل ما تفضل الاخوان ، انا في البداية كان مسبب لي قلق بعدها صرت ما افكر فيه. تحياتي للجميع

السلـــــــــــــــــــــــــــــــــــــــــــــــــــــــــــــــــــــــــــــــــــــــــف
ومتأكد 200 في ال 100 والسبب حينما كان هذا الصوت موجود بسيارتي الله لا يرده كنت أسمعه مع بداية التشغيل وارجع أطفي السياره وأعيد تشغيلها مرتين وثلاثه ونفس الصوت يطلع هل من المعقول أن الزيت ما وصل علماً أنني أترك فترة من الوقت بعد التشغيل لمدة 20ثانية تقريباً وبعدين اطفيها واللي أكد لي الكلام هذا حينما غيرت السلف أختفى نهائياً واللي أعرفه أن هذا الصوت عادي لا يضر بالسياره طالما أن السلف شغال

وكل ربك هاذي بعموم الفورد مو سيارتك بس مثل ماذكر الاخ لان الزيت مايوصل بسرعه للصبابات مثل ماتعرف مكينه الفورد كبيره مره لذلك طبيعي وذالشي تلاحظه على اغلب ال 8 سلندر اما اذا كانت المكينه صغيرة ماتلاحظ لان الزيت يوصل بسرعه للبلوف والله يعطيك خيرها ويكفيك شرها

عادي جدا لاتقلق اخوي هذه تحصل زي ماقالوا الاخوان مع البرد وإذا طولت السيارة واقفة وتحصل معي في الفورد حقي بعد يعني لاتخاف أبد

السلام عليكم يا شباب لا تستعجلون أنا معي ماركيز 98 والأجواء عندي على طول بارده وفي الصباح والسياره بارده يطلع نفس الصوت وقالوا لي نفس الكلام صبابات وكلام كثير المهم ما نطول أنحرق علي سلف السياره قبل فتره بسبت المويه ورحت وغيرته بسلف آخر درجه ثانيه أخذته بسعر 480 ريال وركبته وإلى الآن ولله الحمد لم يعد يظهر ذلك الصوت مره ثانيه ودرجة الحرارة هذه الأيام تصل إلى 2.3 في الصباح بإختصار والله أعلم أنه ترس السلف

>>>>>>>>>>>>>>>>>>>>>>>>>>>>>>>>>>

أنا هذا الصوت نفس ما قال أخوي ماجد 2005 ما يجي إلا إذا السيارة واقفة أكثر من 5 ساعات حدودة يظهر هذا الصوت لكن إذا كان إطفاء السيارة وتغشيله في وقت متقارب ما يظهر الصوت وعلى فكرة هذي مو سيارتي هذي سيارو واحد منزلها في اليوتيوب

تحياتي لكم

اخوي للوهله الاولى توقعت اسمع صوت طق طقه لانه طبيعي من تكايات البلوف

انه بداية التشغيل مايكون فيها زيت ولكن بعدها على طول تروح او بعد ماتسخن السياره

ولكن الصوت الي ظاهر عندك وخاصه في الثانيه 7 بصراحه مثل صوت يحتك

من جهة السيور وياليت لو تشيك على بكرة الشداد والبكره الي فوق الشداد

وايضا بيرنج الدينمو لانه حصل عندي نفس المشكله ولكن الصوت مستمر

أخوكـ

هلا اخووي

كان لدي الصووت في قراند ماركيز 2003 وكاله الحاج مشتريه على يدي من الوكاله

الصووت ظهر معي والسياره جديده سالت الوكاله قاالوا صوت عاادي لان الزيت لم يصل

أجزاء المكينه

طبعاً صووت قرقره ( حلووو التعبير ههه) يظهر عن التشغيل فقط وخااصه لما يكون موقف السياره من فتره اكثر شي اسمعه الصبااح لما اشغل لسياره