ترقيع الكفرات,ابغى مشورتكم

FULL OPTION @user_194270 · 20-11-2009

السلام عليكم
اعضاء هذا المنتدى الوفي و الوفي بمعلوماتة ايضاً

اتمنى انكم تساعدوني
كفر سيارتي اليوم لمحت ان خش فيها مسمار
قمت ورحت الى اقرب بنشري قال لي ان عندة ترقيع للكفر يمشٌي حالة
عنده ترقيع عادي ب15 وترقيع حراري الماني ب40
فنصحني بالترقيع العادي
علما اني توني مركب الكفرات من اربع شهور وماسك خطوط
و دائماً امشي بالموتر 140 >>>>>>الله يصلحني
والسيارة من النوع دفع رباعي مستمر
(والمسمار خاش في طرف الكفر عند التواريخ)
سؤالي هل بيصبر الكفر اللين يجي يومه
وبالنسبة للترقيع وش المناسب
................................
جاوبوني الله يخليكم لأني والله خايف على نفسي والبشر اللي معي
ماخفت على الموتر
بانتظار ردودكم ايها الاوفياء

المستسبي @user_197751 · 25-11-2009

ياغالي من خبرة ولايهونون الربع

1 ) الرقعة الداخلية كذب اللي قال لك ب 40 حدها ب 20 الكلام هذا ب 40 اول ما طلعت هذي الرقعة البناشر ترفع في سعرها

2 ) الشي الثاني البنشر اذا كان في عرض الكفر مشكلة لانه يختلف عن بنشر الدعسة لو على الدعسة لو ستين رقعة ما عندك مشكلة انا عندي الكفرات جديدة وتعذبت من الرقع خصوصاً مع شوارعنا ونظافتها كل يوم مسمار

الخلاصة الرقعة في الجنب نصيحة لك اذا ما كنت راعي خطوط ولا سرعة ارقعه وتوكل لكن على كلامك راعي سرعة فنصيحة لوجه الله غيّر الكفر لان الكفر يضغط على الجوانب وممكن يسبب مشكلة لاقدر الله

توني جديد @user_175609 · 24-11-2009

بما ان الفتحة حقت البنشر من الجنب وبما أن الكفر جديد انا من ناحيتي اشوف أنك ترقعة رقعة داخلية الي هي المانية بحوالي 20 ريال عندنا بالرياض يسوونها

ولازم تشيك عليها كل فترة وبإذن الله مافيها شي والمقصود بالتشييك الي هو تشوف ضغط الهواء طبعا مستحيل تحصلها مبنشرة اذا كانت الرقعة مظبوطة

بس ماقلت لنا الكفر قدام ولا ورى.؟؟

أبـوأسـد @user_15810 · 22-11-2009

أنا ان صار الكفر جايه مسمار جانبي أتخلص منه سريعا! لاني ما اضمنه والأجواء عندنا ماشاء الله حر وضغط وأرصفه وسرعه يعني الكفر ينكرف ويستخدم بشده يروح فيها فما أضمنه

أما الي تجي على الدعسة هذي اسوي رقعية داخلية أضمن لك وأعتقد الي أسويها الأمريكية تكلف حول 15 ريال

فني سيارات @user_8460 · 22-11-2009

المقصد من صاحب الموضوع هو الترقيع الغير عادي

ليس هذا المقصود بل المقصود هو
شئ مختلف
لان بهذه الطريقة الي نعرفها يستحيل رقع الجوانب
ولكن الرقع خاص مثل لقع التيوب القديم ولكنه للكفر نفسه من الداخل
يعني فتح الكفر ورقعه من الداخل
وانا شخصيا جربت هذا الموضوع من فترة طويله جدا في مصر بسيارة ايجار

وانصحك بتجربة الالماني او الامريكية ان كان متوفر فهو الافضل لان تقنياتهم اقوى في هذا المجال وان شاء الله الرقعه امنه بمشية الله
خاصة لو كان الثقب عادي مش كبير
والله الموفق

راعي الكوري @user_174437 · 22-11-2009

بالجنب غير الكفر وريح بالك ,

وبالنسبله للرقع في تبوبلس ورقعه داخليه يصنفر الكفر ويحط غراء لونه ازرق ويلصق الرقعه

والرقع على اسمها رقعه :bigggrin: مش حالك يعني

DJ-SnoopY @user_23750 · 22-11-2009

اذا البنشر جانبي او بالزاويه مانصحك ترقع تغيره احسن
اما اذا بالوسط حط الرقعه الداخليه لانها تسد مكان المسمار وزياده حواليه غير الرقعه العاديه الي تدخل داخل ثقب المسمار بس

FULL OPTION @user_194270 صاحب الموضوع · 21-11-2009

سألت واحد عن الترقيع الالماني او الحراري
قال انه ترقيع داخلي وانه آمن اكثر من العادي
...........
عالعموم
شكلي بغير الكفر على شور ابوعفان الله يجزاه خير

ابوعفان @user_172752 · 21-11-2009

لا والله ابوعفان كلامكـ كلة منطق في منطق بس الكفر توني مركبة ونوعة دانلوبs

صحيح اخوي الشغل له دور ok
طيب الترقيع العادي هل هو نفسة التيوبلس
واذا موهوب نفسه هل العادي يعيش مده طويلة او له عمر افتراضي مثلاً؟

لا زلت أقول غير الكفر حتى لو مركبه هالحين واحتسب الأجر والسلامة في اللي بيركبون معك واذا أحسنت النية فسيعوضك ربي واترك عنك الترقيع، خذها من مجرب زي ما قلت لك!!!

(غير مسجل) @user_175485 · 21-11-2009

ياخوي دخلت موضوعك واحترت من ردود الشباب

عموما انا خبرتي ضعيفة بأنواع الرقعات

لكن مسئلة مسمار بالجنب تخوووووووووف
انصحك اذا ملزم ترقع الكفر غير مكانة وحطة بالخلف

والله يسستر من هالكفر

FULL OPTION @user_194270 صاحب الموضوع · 21-11-2009

معليش اخوي انننتبه من الرقعه على جوانب الكفرات لأن وزن السياره يضغط الكفر عالاطراف وبيني وبينك العمر مايتعوض

والله ياخويUNCLE 6M600M انك صادق العمر مايتعوض
خوووووفـتـني حـيـيـيــيـل
:c020:

أخي اذا أنت تسرع وتمسك خطوط فأنصحك بتغيير الكفر لأن المسمار جاي على جنب الكفر وخسارة في كفر ولا خسارة عمرك

لا والله ابوعفان كلامكـ كلة منطق في منطق بس الكفر توني مركبة ونوعة دانلوبs

الرقعه الحرارية الالمانية بعشرين ريال عند القحطاني على طريق خريص قبل كارفور .. والعمالة فلبينية يصنفرلك الكفر ويضبطه لك قبل مايركبها .
مع اني افضل رقعة القديمة التيوبلس .. لانها ممتازة وتعيش اهم شي تركب مضبوط.

صحيح اخوي الشغل له دور ok
طيب الترقيع العادي هل هو نفسة التيوبلس
واذا موهوب نفسه هل العادي يعيش مده طويلة او له عمر افتراضي مثلاً؟

راقي طعس @user_154969 · 20-11-2009

الرقعه الحرارية الالمانية بعشرين ريال عند القحطاني على طريق خريص قبل كارفور .. والعمالة فلبينية يصنفرلك الكفر ويضبطه لك قبل مايركبها .

مع اني افضل رقعة القديمة التيوبلس .. لانها ممتازة وتعيش اهم شي تركب مضبوط.

فيق @user_23374 · 20-11-2009

اعتقد ان الرقعة الالمانية هي الرقعة الداخلية ...

هذي أأمن لك ..

ابوعفان @user_172752 · 20-11-2009

وعليكم السلام ورحمة الله وبركاته

أخي اذا أنت تسرع وتمسك خطوط فأنصحك بتغيير الكفر لأن المسمار جاي على جنب الكفر وخسارة في كفر ولا خسارة عمرك. يمكن تقول أن كلامي ما هو منطقي ولكن خذها من عود وصاحب تجربه، وزي ما يقول المثل: في المال ولا في العيال، وخل نظرتك بعيدة وأنت الحكم وهو حلالك:rolleyes1:.

لا اله الا أنت سبحانك اني كنت من الظالمين،

UNCLE 6M600M @user_128763 · 20-11-2009

معليش اخوي انننتبه من الرقعه على جوانب الكفرات لأن وزن السياره يضغط الكفر عالاطراف وبيني وبينك العمر مايتعوض

بالنسبه لأنواع الرقعه انا سبق ورقعت سيارتي جيب بليزر كان داخل فيه مسمار
بس رقعه ممتازه وعند بنشر بطل وبـعشره ..
الحمدلله ماشاء الله مسكت فيها خطوط مكه رايح جاي والشرقيه والخرج يعني عادي ان شاء الله

البنشر على طريق التخصصي عند محطة الدريس اللي في حي النخيل الشرقي عند نادي الامير اللي يشتغلون فيه يمنيه وشغلهم تمام ان شاء الله ..

M~أمير بكلمتي~M @user_58367 · 20-11-2009

والله يالغالي انا مادري بصراحه عن الحراري سمعة عنه ولكن ممكن يكون كويس

ولكن التجربه الي عندي للعادي وماشي معاي زي الحلاوه بس تقدر تقول عيبه

شئ واحد انه ينقص هواء خفيف قبل الكفرات السليمه

طبعا التنسيم ضئيل جداً جداً بمعنى ممكن كل شهر او شهر ونص ينقص شوي وليس يبنشر

أخوكـ

M O A Y A D @user_15565 · 20-11-2009

.
.
.
طول عمري اعرف الرقعة بـ 5 ريال !!!

واسمع ان في رقع حراري مدري ليزر !!!