هلا أخوي khaled_2010
بصراحة حيرة غريبة من نوعها
فالسيارتين بالحقيقة حسب ما أعرفه ليست من نفس الفئة
فالليجاسي تنافس الألتيما لكن أعتقد أنك لم تعجب بالألتيما لوجود المكسيما أنها أفخم منها
والمكسيما فئتها من فئة الأفالون
عموما خلني بسوي لك مقارنة حبة حبة
أنت تبي ليجاسي 4 سلندر 2.5 لتر بقوة 170 حصان وقير تماتيك Lineartronic™ CVT
وأيضا تبي مكسيما 6 سلندر 3.5 لتر بقوة 290 حصان وقير تماتيك XTRONIC CVT
نجي لنظام الدفع:
الليجاسي نظام Symmetrical AWD والمكسيما FWD أمامي.
قوة المحرك:
الليجاسي 170 حصان والمكسيما 290 حصان.
الصناعة:
الليجاسي يابانية بالكامل والمكسيما بأسم ياباني وتصنيع أمريكي.
بصراحة أشوف ميزات كبيرة بالليجاسي الاستاندر مقابل ما تجده بالمكسيما لكن ما يميز المكسيما هو محركها القوي جدا مقابل سعرها
على فكرة أستاندر الليجاسي 89 ألف ريال وهذا سعر بداية نزولها والفل كامل فرق الجلد والفتحة 98 ألف تقريبا
تصميم السيارتين من الخارج روعة وكل سيارة وفلسفتها فكلهم فخمة بطريقة رياضية
لكن من الداخل هنا عاد أشوف الليجاسي أفخم بكثييييييييييييييير ولا الفرق شوي (وجهة نظر)
كيف
أقولكم كيف
تصميم المكسيما داخليا فيه شوي من الاشياء الي توحي بأن تصميم للسيارات القديمة واقصد بذلك الديكور الامامي للسيارة وبعض الاشياء حتى الطبلون وبوريكم بالصور
شوفو داخلية المكسيما هنا تحديدا
وهنا شوف كيف شكل الليجاسي
نجي للطبلون
شوفو هنا المكسيما كيف صاير شكله
وشوف الليجاسي كيف طبلونها
وبوريكم شيء ثاني
فيه مكان حق المرايات وتحكم بالاضاءة .. إلخ
شوفو حق المكسيما
وقارنوه بالي في الليجاسي
تحسسني بعض الاشياء في المكسيما بتصميم السيارات القديمة
وما أعتقد الخامات المستخدمة بالمكسيما بتكون نفس الي موجودة بالليجاسي اليابانية اطلاقا
وبصراحة انا أشوف أن الليجاسي أفضل بكثير وبكل شيء أيضا الشيء الوحيد الي مخلي اشوفه محترم بالمكسيما مكينتها وهو الي يحق لك تحتار بينهم لكن الباقي أشوف الليجاسي أفضل أنا ودي أنصحك باليجاسي GT فهي قوية جدا واقوى من الليجاسي 6 سلندر الجديدة الي ما تنزل عندنا وتسارعها أقوى من المكسيما لكن سعرها فوق 120 ألف
وفيه شيء أبي أقولك عنه
البعض بيعطيك فكرة هنا أن السوبارو قطع غيارها نار والي اقصده بالليجاسي
سوبارو تقدر تقول أرخص من هوندا وأغلى من تويوتا يعني متوسطة السعر
لكن راح أخليك تنصدم أنك لو تروح بنفسك تتأكد من أسعار قطع الغيار راح تعرف أن قطع نيسان أغلى من سوبارو!
وبالأخص روح لكل الوكالتين وأسئل عن هذي الأشياء التالية:
الفحمات الأمامية والخلفية
فلتر الهواء والزيت
سير المكينة
الصدام الأمامي والخلفي
اي الرفرف
اي الباب
كبوت
الجنوط
الأسطبات
الشبك
المساعدات
بواجي
وأي شيء من عندك تبي تزوده زوده اسئل عن اي شيء يخطر في بالك لأن السيارة راح تجلس معك لفترة وستتطرق لبعض هذي الاشياء وأقصد الأستهلاكية
يعني بنسبة لي
ليجاسي 60%
مكسيما 40%
أذا مهتم بالقوة كثيرا هنا أقولك مالك إلا المكسيما
(رايي الشخصي)
بنسبة لأخوي أبو العـــــز
المكسيما الجديدة نازلة في عام 2009
كيف برايك يتم تحديد الجودة في السيارة من أول سنة؟! :smilie16:
وأذا على سالفة النجوم السلامة ترى الليجاسي ماخذه 5 نجوم سلامة من موديلها السابق حتى الجديدة على اكثر من معهد اختبار التصادم وسلامة السيارات
