انا الحمد لله شاريه من شهر 7 هجري والحمد لله تمام التمام المميزات
عزل رائع
صوت المحرك لا تسمعه(من داخل السيارة )
وسيع ومريح ما جربته في جبال ولا طعوس بدري عليه شوي
قيره جيد كان فيه طقة تجي وتروح سألت عنها قالوا عمود الشفت
يتشحم وتروح الطقة
مكيف رائع التبريد ولو انه ما ينحكم عليه بالبرودة في منطقة عالية زي ابها
بس جربته في مكة وجدة كان رائع
فيه ميزة التشغيل عن بعد وهذي لحالها بأدفع فيها 50الف <<كسول الاخ
التشغيل بضغطة زر والدخول بدون مفتاح
طبعا الدف لوك مهم لسيارة زي ذي
طبعا الانور الامامية رائعة وقوية جدا
وخاصة العالي زينون
استهلاك البنزين حلو يعني تعبي يمشيك من 650 الى 700 كيلو داخل المدينة
وعلى الهاي وي اكيد يمشي اكثر
الجودة داخل السيارة عالية والتخشيب ايضا
فيه رساوة عجيبة لم اتوقعها من سيارة دفع رباعي مرتفعه عن الارض
والسبب يعود للدفع الرباعي الدائم <<طبعا حسب استنتاجي
المكينة قوية ع الخط فقط
وكيلها مو بطال ويعتبر الافضل في السعودية من ناحية الخدمة وتوفر مراكزه
تقريبا هذي المميزات اذا ما نسيت شي
العيوب ويا كثرها
اكبر العيوب سعر عالي ومواصفات قليله :c0038:
نظام صوتي لك عليه
وجود ايرباقين اثنين فقط ( وسائد هوائية )
المقاعد الامامية ما فيها اسناد لأسفل الظهر وهذا متعب وخاصة في السفر
وايضا تعديل يدوي للمقاعد
المحرك ضعيف نسبيا ولا يتجاوب معك الا اذا الضغط من 3 وفوق
وايضا صوت المحرك تقول مكينة ديزل ( خاصة الستة سلندر)
يعيبه عدم وجود نظام ملاحي او شاشة ع الاقل
سيارة فيها تناقض في المواصفات
يعني دخول بدون مفتاح وتشغيل بزر وفي الاخر المراتب يدوية !! :mad1:
هذا اللي على بالي الى الحين
مستعد لاي استفسار من الشباب
انتهى التقرير مدري التجربة مدري ايش اسميها
ادري الموضوع من جنبها وما حولك احد بس الله الله في المدح والتسليك :)
يعطيكم العافية
انظمة تبع القير
pwr يعمل على رفع الار بي ام بين تغيير السرعات
يعني مثلا اذا كانت في الثالث و صار عداد الضغط على 3 يغير ع الرابع
واذا ضغطت الزر يصير يغير والضغط على 4
عارف انم الشرح مضروب لكن تحملوا
2ed يعني يقوم السيارة ع الثاني ويستخدم في الرمل او في الزلق
.
مخرجين للطاقة بقوة 12 فولت
.
انظمة للدفع الرباعي
الدف لوك و قفل الترس التفاضلي الوسطي
.
صورة اقرب للدف لوك
.
صورة اقرب لقفل الترس التفاضلي الوسطي
وعمله يتلخص في جعل الدفع 50/50 بين المحور الامامي والمحور الخلفي
