مكسيما 2010 فل اوبشن

والله هل الي يشتغلون بلوكالات حراميين ومايخاف الله
انا ماخليت وكاله مارحت لها (الجمس والنيسان والتويوتا واللكزس والاودي والمرسيدس والفورد )وصارت عندي خبره هههههههههههههه ,,,بس والله ماحصلت سياره راقيه وفل اوبشن بلمبلغ الي عندي (180000)كل السيارات الي شفتها صح انها اقل من هل المبلغ بوايد بس مب فل اوبشن ,,يعني مثلا المرسيدس سي 200ب 145 الف لكن مافيها اي مواصفات واذا حبيت اخذ الفل يوصل سعرها لل225الف
الاودي كيو فايف العاديه ب163الف وال180الي فيها شويه اضافات و4سلندر لكن ال6سلندر وفل اوبشن ب 227 الف ,,,,شفتو النصب والاحتيال كيف
يعني معقوله البرادو يوصل سعرها لل217الف والله حرام

اخوي حرام والله هل المبلغ وايد كبير وماتستاهل انك تخلي ع نفسك ديون عشان سياره
حاول تسوي نفس ماانا سويت ,,,,دخلت جمعيات وجمعت لي مبلغ محترم وباقي المبلغ اتسلفته من امي وبدل ماادفع للبنك كل شهر ادفع القسط لامي ,,,يعني تقدر تصرف مثلي وتاخذ سلفيه من اي حد وتعطيهم شيكات وكل شهر اتسلم لهم المبلغ الباقي وتريح نفسك
اسفةع التدخل بس حبيت اقدم لك نصيحة

الله يعينا على هالوكالات بس ...

فكرت اخذ اقساط بس المشكله انا عسكري يبوني اجيب كفيل مدني
والمدني يجيب عسكري
طيب انا اللي اعرفهم زين كلهم عساكر وش الحل

لا هو فعلاً الفل غير متوفر والي يطلبه ينتظر من شهر ونصف الى شهرين
انا دافع مقدم من شهر ونصف وعندي رصيد الطلب

^
^
^
خذها تقسيط أو كاش ، او خذ قرض من البنك و ادفع قيمتها كاش للوكالة ، فائدة البنك تكون أقل من الوكالة

الإيجار المنتهي بالتمليك فيه شبهة ، بعض العلماء قالوا انه حرام

ياشباب انا امس كنت بالوكاله اللي بجده طريق المدينه
لاني ابغى الفل ايجار تمليك
سعرها كاش 127
وايجار تمليك بدون كفيل وبدون دفعه اولى
بس دفعه اخيره 30 الف

...............................
انا قلت لهم ابغى اعطيكم دفعه اولى 50 الف عشان يقل القسط
صار قيمة القسط 1650
ودفعه اولى 50
دفعة اخيره 30
تطلع ب 179 الف
يعني مكسبهم 53

وش رايكم

سح لسانك اخي نيساني
كلامك صحيح 100%
اللي حصل لى مع الوكالة
في البداية يبون يعرفون انت جاد الا بس جاي تبي تعرف الاسعار وتشوف السيارات واذا شافوك جاد في الموضوع لازم يعرفون انت مركز على اي وحده ( يعني اي ابشن ) العادي او الفل او المتوسط عشان يحددون هم لعبتهم .
في البداية قالوا لي ان جميع السيارات انباعت!!!! وان الدفع الجاية بتكون في شهر مايو 2010 فسالتهم هي لحقت تنزل عشان انباعت ؟؟!!!!!!
بعدين سألني اي ابشن تبي ؟؟ قلت له الفل كامل واللون ابيض ،، بشوف لك بعد شوي قالي موجود وحده بس المتوسطة وبعد يومين اتصل وقال لي موجود وحده ثانية فل كامل بس اللون بعد مو اللي انت طلبته

سألته ويش السالفه كل يوم الكلام غير !!! بعدين قلت له ابي احجز وحده ، شاف الموضوع جد يعني مو قاعد العب وياه ،، رد قالي ان فيه مركب يوصل في يناير 2010 قلت له موافق
وانا متأكد ان بعد كم يوم بيتصلون وبقول سيارتك وصلت وهي اصلا موجوده في المخازن.

اسف على الاطالة ، بس بغيت اشرح للاعضاء كيف الوكلاء يلعبون لعبتهم

في البحرين جذي
هالهنود حاكمين الوكاله وهم المسئولين واولاد الديره موظفين تحتهم

الاذكياء موفرين الفئات الاقل s وsv بكميات كبيره اما sr بس كم سياره بحجة انهم ماتوقعوا يكون عليها طلب، ولأن كل وكيل له عدد معين من السيارات هم تورطوا ورطه كبيره يوم تفاجئوا ان الطلب على sr كبير

انا حاجز السياره قبل الطرح الرسمي بتاريخ 30 سبتمبر لون ابيض فل اوبشن كامل وقالوا لي مخلصه فسألت شلون يعني مخلصه والسياره بعدكم ما اعلنتوا عنها رسمياً فرد علي الموظف وقال انه وصلت كم سياره منها وانباعت واما سبب نفاذ الكميه من هذا النوع ان الشركه طلبت كميه كبيره من الانواع الاخرى وكميه صغيره من الفل لأنهم ماتوقعوا سوق قويه للفل وبعدين تفاجئوا ان الطلب عليها اكبر وباعوا الكميه الي عندهم في فتره بسيطه جداً
وللحين انا انتظر سيارتي وبتوصل قريب ان شاء الله في كميه ايضاً محجوزه مسبقاً لأني يوم احجز ماكان باقي إلا سيارتين ابيض وصخري وانا اخذت الابيض

ليش اخوي كل هل التأخير لان اصلا السيارة موجودة في كل دول الخليج عندهم في الستوك بس هم يسوون حركات ويقولون انها بتتأخر شوي عشان انت تترجاهم وتدفع لهم زيادة
في الامارات موجودة عندنا الفل اوبشن ب125 الف درهم في وكاله الرستماني واول مره قالو لي نفس الكلام بس بعدين قالو لا اسبوع بلكثير وراح اندبر لج وحدة

اخيرا قمت بتجربة السيارة ( درايف تست ) سيارة قمة الابداع ومواصفات كثيرة ورائعة

حجزت الفل ابشن كامل لون ابيض لؤلؤي بــ 13000 دينار ( 130000 ريال ) شامل التسجيل والتأمين وطلاء مقاومة الصدأ ( يعني دق سلف وتيسر ).
ولكن سوف تصل في شهر يناير 2010
وانا في انتظارها على احر من الجمر

غير مناسب

تحياااااااتي

شكرا لكم جميعا

غير مناسب 104

فخاااااااااااااااااامه للأبعد حد صراحه خاصة
الي يجربها بنفسه ...................

نعم تستحق بتجربة شخصية

نظام القير السكونشال الي في المكسيما يكفي بصراحه .. يعني الشفترات الي ورى السكان مذهله و حلوه وتعطي منظر رياظي غير السكان اي يتحرك بنفسه بمجرد فتح باب السائق والسياره مطفيه

هالاشياء غير موجوده في بعض سيارات لكزس

سعرها بحدود المعقول من ناحية المواصفات
يوم مريت الجبر بالدمام الابيض فل كامل كان قمت الروعه بعكس احدى المنافسين ..

الله يرزقنآ .. الشي اللي يكون فيه منفعه لنآ .. , ’

والله اخوووكم جدا ً محتآإأر .. , ’

لكن عسى الله يكتبلي اللي فيه الخير .. , ’

يعطيك العافيه يآ صآحب الموضوع ..والاخوه اللي ردوا .. قريت الـ 9 صفحآت كلهآ .. , ’

أخوكم