مكسيما 2010 فل اوبشن

اخوي اذا كان عمرك 30 او اقل ... و تبغي اتامن مكسيما ...( محد راح يامن لك و السبب انه المكسيما لها تاريخ زفت في الحوادث لانه سيارة رياضية و سريعه من ايام شكلها القديم ( موديل 2000 و تحت ) .

طبعا حتى لو امنوا لك راح ياخذون الشيء الفلاني ( مبلغ خيالي ) علشان انت اتطنش .

فليش عوار الراس :)

وليش التامين بيكون على السياره يعني ولا ايش

ممكن التوضيح يعني لو سياره ثانيه ممكن يتامن عليها

والله اخوي السيارة ما عليها كلام .
نفس ما قلت اسمها المشكله ... من ناحية التامين .
خصوصا لو انك شاب يعني تحت 30 سنه ما راح اتلاقي تامين لسيارتك انا 2 من ربعي هونوا عن شراء السيارة بسبب التامين .
راح اتامن اول سنتين بعدين ما راح اتلاقي شركة اتامن لك .

الا السيارة
محرك جبار
سعر ممتاز
مواصفات انفنتي .
شكل روعه
شبابية
رسمية
حق الكشخله
وحق الكراف .
كل شيء فيها ممتاز .:ch19:

تساهل كمحرك

شكل جذاب

داخلية

محرك

كل شي فيها يستاهل قيمته وزود

لاككككككككككككككككن

العيب ؟ هنا

الآسم ؟؟؟؟ "مكسما"

لو كلفو على انفسهم شوي وغيرو الاسم اتوقع بتلاقي اقبال اكبر

وانا آول من بيشتريها ,,,

والله ماتستاهل مبالغ فيه واجد...............

الصراحة السيارة وبالمقارنة مع مثيلاتها في الشركات الثانية مواصفاتها افضل
بس انا ودي كل السيارت الي بهالفئة ماتزيد عن 90 الف والماكسيما في حدود 100الف وشكرااااا

السيارة من أروع السيارات .. والحمراني من اقبح الوكلاء .

وش افالون واريون تطرحها وين عايشين اقول خل عنك التعصب ولو ايش يحصل في الدنيا النيسان تبقى سياراتها ومحركاتها شامخه على تويوتا وغيرها يابطل

الماكسيما حلوة وتستاهل .. بس صدق أخونا يوم قال أشتري ماكسيما جديد ويجي

أوريون أو أفالون ويطرحني مشكلة فعلا والله ..

بالنسبة للأخت بنت دبي الله يخلي لك الوالدة .. واستغربت يوم قالت الاكاديا بـِ 155 ألف

أنا حصلت واحدة في التوكيلات العالمية للسيارات في جدة أيام العروض قبل شهرين بـِ

107 آلاف ريال .. تبي نصيحتي بالسعر الي تقولين عنه لا مورانو ولا انفينيتي ولا أكاديا

طلعي تاهو LT أو يوكون أقل فئة والله وحش .. وبالتوفيق ...

؟؟؟

اخواني السيارة ما عليها كلام و الصراحة يوم شفتها اتذكرت الانفنتي من داخل الصراحة قمه في الروعه الا انه التأمين يخوف الا هي وحش من وحوش النيسان .
و اتذكر صاحبي كان حاب يشتريها بس ما نزول لنا السعر عن 124 الف درهم ..
مع انه جبنا واسطه ...

الطلب اللي كان عليها شديد مره .
و في النهاية هي في نظري احسن من الاوريون داخليا من ناحية المواد المستخدمه ..

100% بدون مبالغه

اسمحلى اذا انت ما جربت المكسيما لا تتكلم بشى انت ماتعرفه اسال اهل المكسيما

والله انك صادق وانا اشهد . انا عندى ماكسيما 2001 الفئة الثانية من الوكالة الان ماشاء ماشية 385000 وياربى لك الحمد زي الفل وللان امردغ فى هالتيوتا واشباهها وسيارتهم جديدة بعد .

أخي الكريم لايوجد مثل سيارات تويوتا عند البيع:tongue:

يارجال أشتريها وتجي جنبي أوريون وأفالون تطرحني لييش وين عايشين

والله اِشوف مواصفاتها أفضل من مواصفات اللكزس ES350

السلام عليكم ورحمه الله وبركاته

مساء / صباح

الخير والسرور والله يحيكم يالغاليين

بشروني عنكم وعن احوالكم؟ ان شاء الله بخير وعافيه

المعذره على القصور في القسم ويشهد الله اي مقصر بحقكم كثير لكن ظروفي أقوى

وربكم يسهل وان شاء الله أعوضكم عن الي فات

وعموما مافيه أخبار عن السيارات او تقارير جديده في عالم السيارات

لكن ان شاء الله اذا فيه اي شئ جديد ثقوا انه بيكون هنا

ولانه مافيه شئ جديد أحب اطرح اليوم عده صور جديده عن::

NISSAN MAXIMA 2009

طبعا هذا الموديل الامريكي وقريبا ان شاء الله نظهر لكم صور المكسيما الاسيوي ( الخليجي )

ما ادري اذا ذكرت لكم مواصفاتها او لا

لكني ابذكرها لكم


السياره مزوده بمحرك من ست اسطوانات بسعة 3.5 لتر ويولد 290 حصان صافي
مع علبة تروس CVT مع امكانية التنقيل اليدوي بست سرعات

وتتوفر بها العديد من المزايا كنظام الملاحه والبلوتوث والتدفئة والتبريد ونظام فتحتي سقف (بانوراما)
والدخول بدون مفتاح والتشغيل بكبسة زر، وهارديسك 9.3GB ومقاعد رياضيه مطرزه .. وغيرها وغيرها ...