الناس حذروني من تشارجر ونصحوني بفورد مركوري وش رايكم انتم

توكل على الله وأشتر ماركيز وصحيح مثل ماقلت التشارجر قطع غيارها ناااااار

السلام عليكم

شف اخوي الشارجر لا تقارن بالماركيز يا اخي الشارجر رياضية و غير كذا السيارة حلوة الصراحة انصحك تاخذها ودودج والله سيارة عملية جدا بس مشكلة قطعها غالية بس مب لدرجة قطعها ناااااااااااااااااااااااااااااار فكر قبل لا تقدم على شرائك الماركيز سيارة الشعب اللي ما في احد الى ساقها.

اخوووي بقولك الزبده التشارجر فخمه بقووه ووحش بمعنى الكلمه وهوو سبب انتشاره بالرياض شكله المخيف وانا واحد من المعجبين فيه لكن الزين مايكمل وانا اخوك السياره ليست بمواصفات التحمل والكرف وانصحك تسمع نصيحتي ابتعد عنها وانا اخوك تراني نصحت فيها اعز اخوياي قبل سنه او اقل والي الان معاني منها الورش المتخصصه لها في المدن الكبيره ودايم رايح جاي للرياض وقبل العيد قال لي ابي موستنج دفعت عليها دم قلبي الله لا يعيدها من سيارة


انا ماابي اقول لك اخذ فكتوريا مثلي وشفني مرتاح معها انا افضل لك فايف هندرد 2010 بتنزل بتوكيلات الجزيره بعد قريباً

معليش طولت عليك

والفورد سيارة الشعب من عام 2002

دائما ابحث عن المضمون والماركيز سيارة مضمونه بغض النظر عن بعض

العيوب الموجوده فيها ولكنها تظل هي السياره الشعبيه الاولى

وصيانتها سهله وقطع غيارها متوفره ومريحه وواسعه وسيارة خط من الدرجه

الاولى واذا حافظت على صيانتها اول بأول فخذها من عندي بأذن الله ماراح تشوف

منها مشاكل الا الاشياء الاستهلاكيه وبعد فتره لو بغيت تبيع تحصل المشتري مباشره

وبسعر جيد جدا

التشارجر سياره عصريه هجوميه شكل جميل ولكن ما اعرف الكثير عنها

ولكن حسب ماسمعت انها فيها بعض المشاكل المفاجاءه


وانا انصحك بالماركيز كسياره مضمونه ومعروفه

وربي يوفقك واستخر قبل الشراء

الكاليبر مو جيب الكاليبر هاتشباك صغيرة مقل القولف و السيارات دي اللهم البدي منفوخ شوي

على فكرة شركة دودج اعلنت عن ايقاف انتاج الكاليبر لفشلها الضريع

الاخوان والله ما قصرتو وبانتظار باقي الاعضاء

تحياتي للكل

اخوي عندك كذا بديل فيه فورد تورس الجديده هي غاليه شوي لكن فخمه وقويه ..

لازالت قضيتها مستمره ..!

رغم ان السيارة مؤمن عليها بالكامل..ولاكن اليوم بسنة في هالشركات.

اخوي ماانصحك بالتشارجر انا ماجربته بس الناس تقوول يخرب في موضوع في المنتدى واحد والله حزني مع كثرت مايشتكي منه . الماركيز افضل واكثر انتشار

التشارجر انتشرت ولم نسمع عنها عيوب كبيره تستدعي الهروب منها ..!

رغم أن أحد الأصحاب احترقت عليه دودج تشارجر جديده وهي واقفه بسبب عيب تصنيعي في السيارة .! وقد رأيت أخرى محترقه !

هذا كلام خطير بحد ذاته

كيف سيارة تحترق وهي جديدة

ولو اشتريتها واحترقت قدامي
راح يجي عام 2053
والشركة ما عوضتني

عموما يعطيك العافية

التشارجر انتشرت ولم نسمع عنها عيوب كبيره تستدعي الهروب منها ..!

رغم أن أحد الأصحاب احترقت عليه دودج تشارجر جديده وهي واقفه بسبب عيب تصنيعي في السيارة .! وقد رأيت أخرى محترقه !

ولكن هذه حالات نادره ولانستطيع الحكم على الكل .

استخر الله ..وبالتوفيق

يعطيكم العافية على الردود

الماركيز سياره الشعب
او اذا تبي موتر فخم خذ تاون كار
و بالتوفيق

خذ السياره اللي عجبتك الدوج مافيه كلام والفورد بعد مافيهة كلام

سلام عليكم ورحمة الله وبركاته

اول شي اهنيك على ذوقك واختيارك لدودج تشارجر انا من مستخدمين التشارجر عندي

تشارجر 2006 والحمد لله للحين مادخلتها ولا ورشه الحمد لله مشاء الله

اذا تبغى القوه والرساوه والفخامه انصحك بالتشارجر وقطعها وسط مو غاليه ولا رخيصه

وفي برضه عندك الجيب الكاليبر اليوم كنت في الوكاله سعره 60 الف وفي النايترو بس ما شفت سعره والله
انا الحين ناوي اطلع كاليبر لاخوي وانشاء الله يوم الربوع اطلعه

والخيار راجع لك

التشارجر قليل الي يعرفولها
صح انها مميزه و واجهيتها هجوميه اكثر بس مو رزه مثل الميركوري

كرف والقطع بصراحه اقولك ما ادري بس ما فيه دخان بدون نار


بالاخير انا ارتاح بالقير العلاقي اكثر وما ادري عنك

الله يعطيكم العافية يا اخوان على ردودكم

واتمنى الاعضاء يتحفونا بردودهم

شف كلام الناس مايودي ولا يجيب

اذا السياره عاجبتك توكل على الله وخذها

ومافيه شي يخرب كذا بدون سبب

وان شاء الله يفيدونك الاعضاء ..