الناس حذروني من تشارجر ونصحوني بفورد مركوري وش رايكم انتم

اخوي شوف هالتجربه لواحد من اعضاء المنتدى
http://www.assayyarat.com/forums/archive/index.php/t-116369.html
وشوف المشاكل اللي واجهته
كذلك لاتنسى وكاله السياره المعفنه
والدوج مو اي واحد يصلحه نادر من يعرف له

و القرار الاخير لك

سيارة شياب ليش فورد كاتبين على السياره سيارة الشيبان :bigggrin:

الماركيز او الفكتوريا

مع الشيبان ومع الشباب ومع السواقين ومع الشرطه ومع تكاسي المطار

سيارة منتشره انتشار كبير ورهيب

شكلها قديم صح لكنها مضمونه والضامن الله سبحانه وتعالى


وترى التشارجر اللي مع المرور تراها سيارتين هديه من الوكاله عشان يجربونها

واتوقع انها راح تفشل صعب التشارجر تطامر ارصفه ونظام تعليقها مو قاسي

وصلب مثل نظام الفكتوريا البوليسي

وانا ودي احد يروح يشوف نظام التعليق في التشارجر ويشوف نظام التعليق في

الماركيز او الفكتوريا وتشوفون الفرق بينها الماركيز امتن من التشارجر

في المقصات والاذرعه


انا من يكلمك اقدر الحين اطق لي تشارجر لكن من الصعب اخاطر بمثل هذي المخاطره

الفلوس اللي عندي تعبت كثير لين حصلتها ولا لو ابوي اللي يبي يشتري لي كان طقيتها

من زمان :bigggrin:

مرحبا يالغالي

انا ما كرهني بالمركيز الا انها سيارة الشياب

وانا نفسي من زمان بتشارجر بس نفس الوقت الواقعية مطلوبة

ماعندي استعداد ادفع 90 الف وبعد سنه اروح للورش بشكل مستمر

عموما الموضوع يحتاج تفكير كثير

الله يعطيكم العافية جميعا لردودكم وتفاعلكم بالموضوع

سيارتي مستعملة موديلها 2006 كمان :bigggrin: اول دفعة

اقولك توكل على الله مانت خسران شي
واترك سيارة الشياب وسيارة العائلة ماركيز
خليك رياضي وشباب وعيش حياتك مع تشارجر

اخوك

المااااااااااااااااركيز بلا منازع وخر عن الدودج واسعاااااره النار

شكرا لردك وللمعلومات القيمة

يعطيك العافية

ياسيد [COLOR=teal]majid.sameeh [/COLOR]

التشارجر فيها عيب بخصوص الفرامل
بس خطا وصفه بانه رجه .. الصحيح هوه صوت ضجيج عند الكبح في السرعات العالية فقط

ولكن هذا العيب غير ضار .. وكما يقول احد الاعضاء انه بعد ما عمل خرط للهوبات راح الضجيج

انا شخصيا عندي صوت هذا الضجيج ولكن ما في اي مشكلة وما جربت صراحة اني اخرط الهوبات

اذا انت شايف انها مشكلة كبيرة .. اغسل دماغك وخذ الماركيز
بس كل سيارة مهما كان نوعها الماني امريكي ياباني لا بد انه فيها عيب

والجراند ماركيز من عيوبه اعطال دائمة في مكينة رفع الزجاج والجديد اقسى في المطبات

ارجع واقول السيارتين ما عليها غبار ولكل مميزات وعيوب

اولا انا اشكرك على ردك

اخوي انت تكلمت انه كانت عندك مشكلة رجة في الفرامل

سؤالي مصيبة اذا انت مشتري السيارة جديدة ويطلع فيها هذي المشكلة من بدري

وكمان غريبه تغير الكفرات وهي توها جديدة

اذا كانت هذي المشكلة صرات معك اول ما اشتريتها فهذي مصيبة

اما اذا كانت مستعملة فعادي

وكلامك حمسني اشتري السيارة ونفس الوقت خوفني

يعطيك العافية

افهم من كلامك حول ان الهوء يلعبها انها ماهي راسية على الطريق

بعض الاخوان تكلموا ان الشرطة بدات تاخذ تشارجر

مع العلم اني ماعمري شفتها

تحياتي للكل

ياخي والله قبل شهر كنت في نفس موقفك بالتمام

والكل يذم ويتكلم ويسب وخرابات

انا اشتريت السيارة وقلبي على يدي
وبعد ما شجعني عليها اخونا ابو نورة الشهري ( عاشق الدودج )

توكلت على الله واستخرت واشتريتها
والحمد لله مثل العسل السيارة
كانت فيه مشكلة عندي وهي الرجة في الفرامل

سويت خرط للهوبات الأمامية ونعمت نفس الأقمشة وركبت كفرات جديدة طقم كامل هانكوك مقاس 235-60-18

والسيارة اختفت منها الرجة تمااااااااااااااماً ماشاء الله تبارك الله

وباقي مافي السيارة كله تمام ولله الحمد والسيارة عزمها ممتاز ماشاء الله
وجربت مع موستنق وكابرس والحمد لله النتيجة لصالحي
والسيارة لسا يبغى لها تمرين شويا لأنها كانت واقفة قرابة 6 شهور

وبالنسبة للقطع غالية حبيتن بس جوووودة ممتازة

وماتفرق عن اسعار الفورد الا في الأقمشة بس
ولا كمان الأقمشة فيه منها نوعين
يعني نوع درجة ثانية بـ 214 ريال
وشي درجة اولى بـ 613 ريال >>>>>>>> وتقعد معاك سنة ونص سنتين بالراحة

عموما زي ما قلت لك اذا السيارة الي بتاخذها جديدة
يعني بإذن الله 5 سنوات ما تطلبك شي
بس حافظ على صيانتها الدورية

ولا يهمك كلام الناس الفاضي عن السيارة
والسيارة راسسسسسية بمعنى الكلمة ماشاء الله

انا اقول توكل على الله وخذها
اشلك واشل الماركيز الي بطلوووه الناس
خلاص ترا سيارة انتهى شكلها وسيارة بدااااااااائية بمعنى الكلمة كل الي فيها كان موجود في سيارات الثمانينات الشي الوحيد الي فيهااااا مميزها انها ماتخرب وومكن تدوم 15 سنة كمان

والدودج بإذن الله ما راح يتعبك اهم شي صفي النية وتوكل على الله

واذا على المحرك ترا الستة سلندر منها والله ماشاء الله قوية بس في الفزة ممكن تكون مو قد كذا عشان وزن السيارة
لكن في الخط والله معليش لا ماركيز ولا غيره
وعن تجربة
>>>>>>>>>>>> ترا كان عندي كراون فكتوريا واعرفها زي ما اعرف اسمي

اخوووك

التشارجر حلوه سواقتها وسكبتها لكن تعتبر سياره عادية والهوا يلعبها لان انسيابيتها

رديئة وقطعها غالية جداً قماشاتها الاربع تكلف فوق ال 1000

عندك الازيرا افضل منها بكثير حقكم اني مجربهم

كل السيارتين ممتازه ان كنت تبغا الفخامه فخذ دودج تشارجر

اخوي لو تبغى تعرف مدا تحملها ما كان اخذتها الدوريات في الرياض شفت اكثر من دوريه دودج تشارجر

وفي جده بعد

استخير ربك

مين قالك انا رحت الوكاله وللحين ينزلوا الكاليبر والكاليبر حققك افضل مبيعات في اوروبا لشكلها وحجمها الرائع وفي 2010 متوقع ينزل طراز srt4عندنا في السعوديه
بالتوفيق انا راح اطلع السياره يوم الربوع انشاء الله

واسعارها الحين se ب59 الف و r/t في السبعينات اضن قالي الموضف

^^

شوف اخوي التشارجر من اكثر السيارات عمليه ومعروفه بجودتها ولا ماكان شفتها منتشره بالكثره هذه في شوارعنا ,, يعني لو السياره فيها عيوب على حد قول بعض الشباب كان ماحد شراها وتشوفها نادر والحاصل مع التشارجر الحين عكس هذا !!
بالعكس فيه ناس تقول ان التشارجر غير مميزه لكثرتها

وبالنسبة لقطع غيارها فالـ V6 أرخص بكثير من الـ V8 .. لحد علمك ,,

الماركيز ممتازه لكن ,, قديمه وجيرها علاق وأنا لا أؤيد هذا الشئ في سيارات السيدان
اما التشارجر سياره جميلة + عمليه + كبيره وواسعه + شبابيه

أيضاً الماركيز جيـده جداً

وأنا انصحك ترجع تفكر بالتشارجر

وبالتوفيق لك



أخ سامي كرايسلر أوقفت فئة SRT منها فقط ولم توقف السياره بالكامل

الاخوان اللي ردو الله يعطيهم العافية

وانا شايف الكل ينصحني على الماركيز

والظاهر راح يكون هذا خياري بعد ما شفت الردود

مع العلم ان قلبي والله متعلق بتشارجر

لكن لازم من الواقعية في الاختيار والعواطف على جنب

عموما ما قصرتوا
يعطيكم العافية

والله ياخي الفاضل يقولون تبي تحيره خيره
لا تنسى الاستخاره والتوكل على الله
ورائيي المتواضع الشخصي الماركيز ماعليه كلام سياره ناجحة مره يكفي تطل للشارع تجده مليان من هذه السياره يعني لسان حالك يقول الناس مجمعون على نجاحها والامر الاخر المهم قطع الغيار الماركيز والفور قطع كثر التراب الان ورخيص جدا .
اما التشارجر حقيقة سياره ماقدر افيدك فيها لانني لاعلم عنها شي لكنني افكر ان الله احيياني اني اقتنيها في المستقبل القريب .
وفقك الله

معك حق يا ابو نورة محد يحكم الى ان يستخدم السيارة والله يوفقك مع تشارجر حقك
لكن كلام الناس في كل مكان يمدح الماركيز ويفضلها عن التشارجر عموما هذه رأيي وكل شخص له وجهة نظر ونا وجهة نظري >>>> ماركيز وما أقول الله يطعمك خيرها ويكفيك شرها يا ابو نورة

اخوي [COLOR=teal]majid.sameeh .. السلام عليكم ورحمة الله[/COLOR]

والله انا جربت السيارتين .. الان عندي تشارجر RT وقبلها مباشرة ميركوري جراند ماركيز

السيارتين ما عليها اي كلام من ناحية الراحة ، والاعطال اذا حافظت على اي سيارة
وعملتلها صيانة اول بأول حتى لو بنفسك ما راح يجيها شي إلا ما قدر الله

بس المبلغ اللي تقوله 90 ألف لو كنت تبغى جديد من الوكالة يعني راح يكون انت مخير ما بين اثنين
تشارجر 6 سلندر أو جراند ماركيز 8 سلندر
وهنا راح يفرق معاك عزم السيارة

وبالنسبة للقطع طبعا الجراند ماركيز راح تلقى القطع في كل مكان واراخص اكيد من التشارجر
اما التشارجر وكلاء القطع قليل والسعر اعلى ، رغم انه ال6 سلندر في التشارجر ارخص من ال8 سلندر

الشكل الخارجي والفخامة الداخلية ومن الناحية الفنية والتقنية راح تكون لصالح التشارجر

هذا حسب رأيي وتجربتي الشخصية للسيارتين .. والله اعلم

والرأي رايك .. وبالتوفيق باذن الله