سلام عليك اعضاء المنتدى الكرام قبل فتره قصيره اخذت الجنيسيس (تجربت قيادة) لمسافة 80 كيلو تقريبا طبعا التجربة الاولى كانت تقريبا 20 كيلو بس لاكن المره الثانية انا قلت للموظف ابي امشي فيها خط ابي اجربها بالسفر قال خذ راحتك ما ورانا شي مره وحد نفتك شوي من الدوام اليوم على عمو يا شباب جربت بها اغلب السرعات بس سرعات فوق 200 لا من زين شوارعنا على العموم تكلمنا مع الموظف و كنت اسئلة منها :
س- ليش ما فيها نفيقيشن هذا الشي قاهرني بصراحة!!! ؟
قال السيارة اصلها فيها نفيقيشن من الشركة لاكن شركات السيارات الي عندنا طلبتها بدون النفيقيشن لتكون اقل في التكلفة و علشانها توها سيارة جديدة تبي الوكالة تسوقها بمرتبه الاولى كأول سنه لها وحنا قدمنا اعتراضنا لانها ميزه مهمه بسيارة فخمة مثل هذي
س-قلت له طيب انا ستفسر عن سعرها عن الوعلان والناغي اقل من وكالة المجدوعي قلتله الناغي حسب كلام اخ يقول 136 الف فل كامل ستة سلندر!!؟
قل هذي الدرجة الاقل من الجنيسيس (بدون هيدرولك ولا شاشة ولا كميرات ) مستحيل فل نعطيها فل إلا عميل خاص جدا جدا جدا
س- ما الميزات اسوف احصل عليها إذا شتريت الجنيسيس؟
قل عليها ضمان 3 سنوات مفتوحة الكيلو مترات في خلال هذي السنوات
الثلاث ما تدفع ولا ريال على الصيانة بس صب بانزين لها و كلشي من أ إلى ي علينا يعني انت دخلها عندنا صيانة تطلع ما تدفع شي
وايضا قال عليها ضمان اخر على أي شي بالمحرك خلال خمس نوات عليهم و في ضمان ثلاث بس نسيت اشقالي
س-متى المجدوعي يدشن سيارة Equus في الفرع ؟
بداية 2010 بأذن لله طبعا لها فرع خاص وقسم صيانة خاص بها وعلامتها الخاصة
ملاحظات :
*السياره هادئه جدا من داخل عازل الصوت الامامي ممتاز
*اسيات مريحة جدا و مساج لسائق رائع ريحني بصراحة
*الكميرات ريحتني من لكل مره الف وجهي للحلف
*نظام صوت مسرحي عالي الاداء بجميع النواحي
*تكييف ثلوج ما وصلت يم الفرع إلا وانا ارتعش من برد
موقف طريف :
وقفنا في تفتيش على الخط لشرطي قاعد يلف على السيارة فتحت الدرايش قال (كيفك طال عمرك) هذي بنتلي صح قلتله شبيها بالبنتلي كثير بالشعار بس هي شركة فخمة و قال توكل على لله اسف على الازعاج
وبعدها رجعت للفرع صور الرخصة واعطاني ورقة تكتب فيها اداء المحرك والشكل الخارجي و اشاء اخرى واقترحاتك لتطويرها او ملاحضاتك
(لاتنسون التقييم والردرود)
تمنى ان اكون ما قصرت معاكم بالمعلومات
اخوكم المحب لكم : Equus
