الوالد طالب المشوره في الرنج روفر

zeyad @user_16152 · 03-09-2009

السلام عليكم عليكم

الوالد ناوي له على رنج روفر سبورت 2009

ومدري هل يصلح للرجال الكبار يعني الى اعمارهم في اخر الاربعين او وصلو الخمسين

والمشكله مايبي الرنج العادي

يقول اعجبه السبورت هل توقعون الشكل يليق

ابو فلاح 3 @user_163899 · 05-09-2009

اذا الوالد الله يحفظه و يطول في عمره ما يركب الرانج اجل وش يركب
خذلك واحد و خليه يستانس و ركب بعد لوحات طويله

وبعدين ما يعرف قيمة هالنوع من السيارات الا الشيبان

الشقردي0 @user_150199 · 05-09-2009

أولا جيب اللكزس واذا مره ماأعجبه يشوف الكايين بورش طالما الوالد شبابي حسب مافهمت واعتقد انه مناسب
لكن اذا تعدى اللكزس قله يولم له موتر سبير لأن المواتر الغاليه هاذي تبطي في الصيانة .
وجهة نظر
واذا الوالد يحب لغة الأرقام خله يشوف التقرير الدولي لأكثر السيارات اعتمادية (ابحث في النت عن VDS ) بتلقى الرنج في ذيل القائمة. والله يعين مخباة راعية
موفقين أولا وأخيرا

mso @user_92904 · 05-09-2009

الرنج شكله بيتغير قريب اولاً وثانياً السياره اعطالها كثيره ..

اما عن مسألة يصلح له او لا .. بلعكس انا اشوفه مناسب للرجل الكبير وشفت اكثر من واحد

اعتقد ان جيب اللكزس مناسب له اكثر بحكم ان الشكل جديد وفخامه وقلة اعطال

maz..n @user_38926 · 04-09-2009

^
^

ههههههههههههههههههه .. خله يستانس .. ههههههههه

والله يالغالي اذا طالب المشورة .. انا ما أنصحك فيه ..

ولد عمتي يشتغل في وكالتهم بجده .. ويقول والله كثيرة خرابات وقطعها نار مرررره ..

لكن الكزس .. وش المشكله لو انه زي انتشار الكامري وش العيب هنا .. بالعكس هذا مؤشر روعة السيارة وجودتها ..

الله يرزقكم يارب..

أطيب تحيــة ..

yahla.wallah @user_53219 · 04-09-2009

انتبه على الشايب شكله ناوي يعرس
:)

الله يخليه لكم ..

الثاني 121 @user_176306 · 04-09-2009

السلام عليكم

ليش ماشتري جيب لكزس 570

ولا فكسار ولا جكسار؟؟

zeyad @user_16152 صاحب الموضوع · 04-09-2009

مشكورين على ردودكم

والجيب لكزس شايفينه ومالين منه ولا فتن الوالد والسبب
ان الشكل الجديد منه وصل ال300الف وهنا لا تفكر يشتريه

وقلت للوالد وش رايك بالرنج الكبير قال مهوب في جمال السبورت
والولد محافظ تماما على السياره والحمد لله

مخربها @user_24088 ..:: TAHOE//YUKON GRP. MEMBER ::.. · 03-09-2009

تبي الشور ؟؟

والموتر اللي احسه كشخه لرجال كبير في السن ..؟

الجيب المرسيدس مو الطويل اللي انا اقصده اللي بحجم X5 BMW

A L R A J H I @user_20228 · 03-09-2009

بما أنك طلبت المشورة ..

أنا ما أنصح فيه لعدة أسباب :

1- موديل 2010 راح يتغير الشكل وموديل 2009 بيكون راح شكله

وهيبته وتتحطم والسعر كمان بينزل .

2 - السيارة ماتنفع للكبار في السن والسيارة شبابية أكثر ..

3 - الوكيل السيئ والصيانة السيئة لديه .. والسيارة ماتنفع إلا للي محافظ عليها مرة .

4 - قطع الغيار لدى الوكيل ليست متوفرة دائماً ويبغالها وقت لما يجيبها لك .

5 - يــوجــد بديل أفضل إن كان يبغا دفع رباعي ورزهــ وراحة ..

--------------------------

الحين الي بأعمار الوالد طاحوا بجيب اللكزس

والسبب

- راحــة ( سواء في القيادة - المراتب ...)
- قلة الأعطال
- وكيل ممتاز في صيانة الأعطال التي تحت الضمان ووممتاز في توفير جميع قطع الغيار .
- السعر عند البيع

خل أبوك يشوف اللكزس و (( يركبه )) ويقارنة بالرنج راح يقول اللكزس أفضل .

وبالتوفيق ولا ينسى الإستخارة ..

تحياتي

[COLOR="Blue"]A L R A J H I

..
..
[/COLOR]

zeyad @user_16152 صاحب الموضوع · 03-09-2009

2010 اختلاف مهوب ذاك الزود

يعني شمعات وكم تكه

اصلا مافيه شي فخم غير اللكزس و الرنج
يعني مالك خيارات اخرا
والامريكي اطلع منها الوالد مايبيها
اللكزس كلن شاريه ويعتبر اقل تميز من الرنج روفر

مخربها @user_24088 ..:: TAHOE//YUKON GRP. MEMBER ::.. · 03-09-2009

لا تستعجلون ..

المعلومات اللي عندي انه راح يتغير شكله في 2010 او 2011 بالكثير ...

غير كذا ترا فيه مشكله الى الحين في الرنج روفر في الهايدروليك ولا يدخل في الضمان لان يدخل في ضل سوء الاستخدام ...

الله يكتب لكم اللي فيه الخير

zeyad @user_16152 صاحب الموضوع · 03-09-2009

ترا الوالد تشوفه تقول ابو 40بالكثير

A-M-G @user_46535 · 03-09-2009

اكيد ينفع وينفع للكل من اصحاب الذوق العالي

وعلى فكره السبورت منتشر عند كبار السن بقوه
وصدقني الشايب بيستانس عليه :bigggrin:
موديلات 2010 التغيرات داخليا وخارجياً
http://www.assayyarat.com/forums/showthread.php?p=1763602#post1763602

جنوط خلية @user_157455 · 03-09-2009

ماينفع بصراحه خخخ

zeyad @user_16152 صاحب الموضوع · 03-09-2009

الله يبارك فيك ريحتني

عاد انا ماشوف الى الشباب اكثر شي

لا تحتك @user_173945 · 03-09-2009

إيـه عـآدي .. بالعكس الرنج سبورت تلاقيه مع الشياب بكثره ..

والكلاسك .. او العادي على قولتك ماتحصله كثير .. المتداول السبوورت ..

وعادي يعني 20 ولا 60 ماتفرق ..

والله يبارك له بالموتر ويعطيه خيره ويكفيه شره