قناة السيارات
السلام عليكم ورحمة الله
لاشك ان اختلاف السيارت واسعارها بين الماضي والحاضر موجود وساورد لكم قصتي انا والوالد حفظة الله
في عام 87م كنت طالب في الثانوي وكنت اتمنى سيارة خاصة اي شي وهوانداي نزلت للمملكة بشكل جديد عام 86م وكان معرض المجدوعي هو الوكيل حقها ولازال مع الاختلاف الحالي والتطور قريب من البيت يعني مشي
المهم طلبتة يشري لي هوانداي ستيلرموديل 87ذبحني السوبر حق الاهل صرفة بنزين واوقفة بعيد عن المدرسة اجي متاخر ويبيلة موقف سيارتين المهم يبي يرضيني راح معي المعرض وشفنا افخم نوع وكان ب23000 وكان فية نوع بريما ب26000 هاذا الظاهر هالايام زي الجينيس وما قتنع فيها وقال والله ماتركبها وراح قال للوالدة يبي اشري له قراطيس وكان يخاف علي لاني اكبر العيال وكالعادة واصلت زن علية ابي موتر بعده بسنة وكم شهر وافق بس وداني عند ابو جميل عشان اخذ كرسيداوكان نازل القراندي 89م جديد وماعجبني قالوا لي عند حسن جميل باقي موديل 88 وطيران قبل لايفكر الوالد اودية واشتري ذيك الايام القراندي ب68000 الف ريال لانها كانت عمله نادرة ومرت السنوات وفجاءة ابوي بدون مشاورات قبل 6سنوات الاهو جاي البيت ومعه سانتا في جديد وجاي كاشخ فية نفول له عسى ماشر قال بعت الشروكي علني خرابات وابي جيب صغير وولد جيراننا مدير المبيعات بهونداي ذيك الايام ومدح له السيارة وجربها وعطاه خصم يبيض الوجة وشراها موديل 2004 كانت قيمتها حدود 69000 كاش قبل الخصم وعطوة ضمان خمس سنوات
الان السيارة لها بالضبط 6سنوات و8 ايام وغالية عندة بشكل ماتتوقعونة يقول اروح الطعس عند اخوياي ولاشغل دبل ولاشي ماوقف الاعندهم دوس وبس ومكينة 6سلندرطبعا الوالد مابقى سيارة امريكي او ياباني ماشراها يقول والله انها احسن سيارة ريحتني من كلش ولايعطينا نسوقها الاوهو راكب معنا
ادري طولت عليكم لكن مفارقات الموضوع عن الاسعار والجودة
كان اغلى شي ب26000في نفس السنة كانت القراندي 68000
الان الاوريون قراندي بكم ؟
الازيرا الى كانت زي بريما بكم؟
تغير قناعة الشيبان زي الوالد حفظة الله بعد رفضة لشرائها ويروح يشتري بدون مايشاور
ولكن نقول لكل زمن دولة ورجال
رد مع اقتباس
المشاركة الأصلية كتبت بواسطة راعي الكوري
تحياتي