-فزعتكم-نصيحتكم يأهل الخبر موتر ب35 الف مستعمل -كامري -ابيكا -فورد-سوناتا-كورلا

كامري من 98 الى 2003

والله نصيحه

انصح خويك خله يستخير

الماكسيما اعطالها كثيرة و غير عملية

كذلك سعرها ب 36 غالي جدا المفروض في احسن الاحوال ما تتجاوز 28 لانها معروفة بالاعطال

موجود 2003 ذهبيه للبيع بـ 17 الف مع شخص معرفة اذا لك نظر ؟؟

خليه ياخذ الكورلا دام انها ب36 الف ريال بس شيك عليها من مجاميعه

الف شكر لكم
والكامري 2002 لقى نظيف فل كامل بس السعر غالي 39 الف مقارنة بالسياره وحنا في 2010
عطوني رايكم بالمكسيما لقا مكس 2005 فل كامل لؤلؤي بسعر 36 الف الرجال داخل السياره روعه وقوة المحركه قير عادي
ولقى كورلا 2006 ب36 الف وفورد 2002 ب 34 الف نظيف
وكل هالسيارات لقيناها ونظيفه مامشت الا اقل من 120 الف والرجال محتار بينها
وش تنصحونه للمعلوميه كل هالسيارات من برا المعارض استخدام شخصي عن طريق معارف

اهم شيء غير الايبكا ما تصبر ابدا
ارشح الفورد ولكن المكيف مو قد كذا

كامري 2002 ما تنقص

او كورولا 2005 او 2006

الابيكا انواع الخرابات اسئل مجرب ولا تسأل طبيب

والله الكامري خيار ممتاز جدا
والكورلا كذلك

اولا حياك الله اخوي

الموضوع ليس بمكانه هذا القسم مخصص للدفع الرباعي يعني لو نقلته لأي قسم آخر يفيدونك اكثر بحكم انهم المختصين هناك
ولكن نرد عليك

اذا تبي نصيحتي ومن مجرب

الكامري جدا خدومة الجديدة مادري عنها
ولكن افضل كامري مرت الى الآن حسب ما اسمع من 99 الى 2002

ونا كان عندي كامري 95 ماشالله تبارك الله اشتريناها وكالة على ايامها ولحد يومك هذا احيانا اآخذها واجاكر فيها ماشالله تبارك الله تبيض الوجه

>>>والله العظيم متجاكر مع كامري 2004 وطيحت راسه بكامري 95

اقف احتراما لهذه لسيارة ولكن عيبها اغلب اللي ياخذونها ما يستاهلونها وشوهت سمعة السيارة

اذا خويك يبي سيارة كررررف والعمر قدام يشوفله كامري

وعندك بعد الفورد جدا خدوووم

لا تطلع عن الاثنين وخذ نصيحتي >>>من واقع تجربة

واستخير قبل كل شي

تقبل مروري

يا خوي الكامري موديل تحت2004 انصحك فيها بشدة

فلوسك تجبلك كامري 2002 نظيف جداا فل كامل

أخوك مجرب الأبيكا 2006 قير عادي و3 سنوات كرف ..دوام 360كم يوميا ولاقالت شي زيت و مويه.

وساكن في منطقة وعرة البودي ما تهرقل أبد بحالة الوكالة.

والمكيف لاتنشد بارد في عز القيظ.

كل 60 الف كم غير سير التيمن وسيور المكينه والبواجي والأقمشه وتوكل على الله..

ومن 2007 وبعد ما أنصحك بها.
وفلوسك بتجيب 2006 بحالة الوكالة أنا شريتها في سنتها ب39000 من معارض جدة على الزيرو.وموجود عند التوكيلات مخزن ب 35000 حسب علمي. اتصلبهم.

هذي نصيحة مجرب.

مالك الا الماركيز احلى و أقوى و اريح بفرق اوسع

سيارة كرف و شكلها يعطي هيبة

الله يعطيك العافيه وشكرا على تفاعلك


ننتظر باقي الردود