قناة السيارات
والله الاسبوع هذا مادري ايش جاها
اصوات غريبه وتقلق الواحد
الصوت الاول طقه لما اوقف واطفي المكيف ومش على طول احيانا مايطلع صوت اذا طفيتها واحيانا يطلع ...
الاهم الصوت اللي يطلع وانا واقف مثلا عند اشاره وجيت ارفع رجلي من البريك امشي يطلع صوت احتكاك وطلع اكثر من مره
مع العلم اني حانها مره يعني لامطبات ولا ذيك السرعه واغلب الوقت واقفه الى الحين ماشي 3000 ...
ان شاء الله ناوي على الصيانه الاسبوع الجاي بس اللي عنده خبر او مرت عليه هذي الامور يعطينا رايه.....وشكرا
السلام عليكم
والله يابعدي انا ساعات لما اوقف ارفع القير اسمع صوت طقه وبعدين اتظح لي انه صوت القير يقفل حمايه له هذه شغله
الثانيه مره جيت اشغل المكيف ويطلع صوت خلاني انطق الشهاده من قوه الصوت وبصراحه استغربت ومن يوم فكيت الكبوت اشوف ادور ماحصلت شي لكن استغربت من شغله ان الوكاله لما يغسلون الماكينه حسبي الله عليهم تتدري شلون يغسلونها؟؟؟؟؟
استوووووب واقسم بالله وحصلت بين اطراف الماكينه مجموووووووووووعه من الغبار وخصوصا اخر الايام ماشاء الله الجو روعه اكملت رحت بعدها الى غسيل ماكينه بخار لو تشوف كميه الوسخ الي نزل مو وسخ طييييييييييييييييييييييييييين ومن بعدها ماسمعت من هذه الخرابيط
انا في خدمتك في اي وقت
ولكن لك مني ادق على نعيم مهندس الصيانه في كيا في الاحساء واخذ العلم منه
تحياتي لك
يعطيك العافيه tewster ذيبان عارف انك راح ترد وماتقصر
المشكله سياره جديده ماودك بهالاصوات ولا اتوقع ماتأثر
بالنسبه للصوت لما اجي امشي عند الاشاره فكان عندي نفس الصوت في الفورد
لكن هذاك كان من الهوبات ولاعتقد انه في الاوبرس مشكله في الهوبات وهي جديده
لكن نروح الوكاله ونشوف
سؤال اخر انا توني انتبه له اللصقه اللي على الباب
مكتوب سنة الصنع 2008 شهر 7 وانا ماخذ السياره على انها 2009
ومكتوب في الاستماره 2009
فهل هي 2009 او 2008
الله يبارك لك في سيارتكالمشاركة الأصلية كتبت بواسطة super.
سيارتك مديلها 2009
لأن السيارات تصنع قبل سنة من تصديرها
تحياتي ،،؛
يعطيك العافيه
سوبر مبروك عليك السيارة وانا اخوك
والله حلوة الاوبريس مرة اعجبتني بس انا ببيع السيارة مخطط على افالون ان شالله
شف بقولك شي انا سيارتي ما شيه 20 الف كيلو يوم غسلتها طلع صوت في الهوبات الامامي اذا جيت اوقف بس وهذا عاادي جدا
با البنسبه لطقه المكيف طبيعي هذا يسمونه كلتش المكيف لازم يطق بكل السيارات اذااثنا الفصل والتوصيل وانا اخوك لا تستغرب عادي
بس الله يهديهم الكورينين لو يهتمون في مطبت الاوبريس قويه شوي
تحياتي
يعطك العافيه اخوي راعي اوبريس طمنتني
وسلامات ليش ناوي تبيع الاوبريس والله انها سياره تمام
وبعدين تقول توك 20000 يعني تعتبر جديده
رد مع اقتباس