ازيرا ولا اوبيروس

^^^^

العزل روووعه وافضل من منافسينها بمرااااحل

والثبااات انا مجربها ماشاء الله تبارك الله رووعه

وبالتوفيق ان شاء الله

انا املك اوبيروس 2005 ماشيه الحين 102000 كم (ماشاء الله تبارك الله)

وبالنسبة للحرااارة ولا عمري عانيت من الحرارة

وفيه مرة نسيتها شغاله 3 سااااعااات ولا ارتفعت حرارتها ما شاء الله

استخر وتوكل اخوي

مشكورين ياشباب بس ماحد جاوب من ناحية العزل الصوتي للهواء وانت ماشي على خط للاوبيروس لاني والله بحياتي ماركبت سيارة كيا وجهاز الملاحة والرساوة نبغى نلحق عروض رمضان عسى ينزل لنا كم قرش وفقكم الله لطاعتة وأياكم

ملاك اوبيروس يصفون سياراتهم بهذا الرابط

تفضل

http://www.assayyarat.com/forums/showthread.php?t=175422&highlight=%C7%E6%C8%ED%D1%E6%D3

انصحك باأوبيروس سيارة ممتازة واعتمد من ناحية الحرارة

السيارة عزمهة قوي ماشاء الله

وهذا ايضا الازيرا سيارة جميلة وما عليهة كلام

اشوف تفوق الاوبريس من ناحيه المواصفات
ومن ناحيه الحرارة الازيرا والاوبريس ما احد اشتكى من الحرارة فيها
بالتوفيق اخي الكريم
اي خدمة لك

نرجع لموضوعنا ياشباب من جديد

انا ماعندي مشكلة في السيارة كلهم حول بعض وجهات النظر ماذمت وحدة منهم بس العزل الصوتي وحرارة المحرك والرساوه على الخطوط وين الافضل
والمجدوعي ونعم الرجل قبل الوكالة رجل خير قبل ان يكون تاجر والجبر تكلمت مع عبد اللطيف الجبر قبل 3 اشهر بحكم علاقة الوالد حفظة الله معهم وقال لي مسالة وقت لان عدد الفروع قليل والعمل على قدم وساق في استئجار المعارض وانشاء ورش الصيانة واستقدام فنيين واعداد دورات للحاليين على سيارات كيا حبيت اطمن بعض ملاك كيا الخير جاي

السلام عليكم ....
انا بصراحة مع الازيرا لانها قمة الفخامة وتتوفر فيها مميزات عديدة من حيث المكائن 2.7 و 3.3 و3.8 سعرها رخيص بالنسبة لبعض السيارات اليابانيه ... وبالنسبة لكيا اوبيروس مافيها شي بس الهونداي اجود منها وحقت كرف مو طبيعي ....

أزيرا بحكم الوكيل المجدوعي ، يعتبر من أفضل الوكلاء في السعودية ، بالنسبة للجبر وكيل كيا فلا يقارن بالمجدوعي...
إذا كان مايهمك الوكيل بالدرجة الأولى فالأوبيروس أفضل.
تحياتي...

انا رأيي الأزيرا
و شركة هيونداي في تطور واضح اكثر من الكيا

تقبل مروري

الف شكر ياشباب والله يعطيكم العافية بلا استثاء والاحظ اتفاقكم على الاوبيروس بس ما حد افادني عن موضوع الحرارة في السيارة لاني منجد متعقد قد تعطل على تريل بليزر العام الماضي في منطقة بين رنية والخرمة حتى الذبان ما وقف لي وكان معي العيال بس تجمل الموتر بعد مانشف ريقي وعيالي خاسوا من الحر كان مفور الموتر حطيت موية الشرب ومشيت حالي وفورد كراون فكتوريا سخن علي في الجسر قبل كم سنة وفشلني انا وعيالي ابي سيارة زي النيسان اخرشي افكر فية كلتش المروحة والرديتر ايام الحر مابغا اوقف عند ابويمن يسيخ الرديتر افيدوني للي جربوا تكفون بعدين 2010مافية شاشة ملاحة؟ سمعت ان فية وموضوع عزل الهواء الي مجرب يقول لي لاهل الخبرة افيدوني وجزاكم الله عني خير الجزاء وباخلي الوالدة الله يحفظها تدعي لكم

اوبيروس روووووووووعة
بالتوفيق ان شاء الله

السلام عليكم
كانت لي بالاول نظرة على الاوبيروس غيرة جيدة كنت اعتبرها سيارة عادية
لكن بعد ان شفتها على الطبيعة وشفت سياقتها ومحركها الجبار والشكل الخارجي المميز
صارت من افضل السيارات وبالخصوص اللون الاسود
انصحك بالاوبيروس وبقوة

من ناحيتي الازيرا احس انها رزهـ حتى الاوبيروس رزهـ بس احس انها حقت سواقين << ترا قلت احس هههه واذا رايي الخاص مع ان الاوبيروس ماشاءالله فخمه ومن داخل شي ثاني بس مدري ارشح الازيرا

^^

كفى ووفى بلا حدود
دامك حول الاربعين ماشاء الله
ننصحك بكيا , رفاهية لأبعد الحدود رغم ميلاني الكبير للأزيرا
مودتي

انصحك بالاوبيروس وبالتوفيق

- الأزيرا تتوفر بمحرك 3.3 / 235 حصان ,, وبمحرك 2.7 / 195 حصان .. سعر الفل كامل 3.3 مع شاشة ملاحه = 92.000 ريال .

- الأوبيروس تتوفر بمحرك وحيد , 3.8 / 266 حصان .. سعر الفل كامل اسبيشل = 92.000 ريال تقريبآ .

- يميز الأزيرا شاشة الملاحه والكاميرا الخلفيه والوكيل الأكثر من رائع في المنطقه الشرقيه (المجدوعي) ..

- يميز الأوبيروس محركها الجبار والتشغيل باللمس وفتح الأبواب بالبصمه وتكييف وتبريد المقاعد والتحكم بالمقاعد الخلفيه ودرجة ميلانها ..

:smile: