بلف الحرارة

تجربة ممتازة الصراحة ماكنت عارف شلون عملية فتح البلف

عموما لازم الواحد يشيك على سيارته على الاقل كل سنة يغير فيها البلف وزيوت
المحركات السفلية مثل القير والدفرنش لسبب بسيط وهو أن السيارات ذات الموديلات الجديدة
من 2000 وفوق مقاومتها أقل من السابقة وتحتاج إلى صيانة دورية باستمرار

عشان كذا البعض يفضل السيارات القديمة حتى لو ما كان فيها فخامة ولا رفاهية

ويعطيكم العافية
وشكرا لصاحب الموضوع

السلام عليكم ورحمة الله وبركاتة
عندي خلل غريب بسيارتي السيفك 2002 الرديتر يضغط هوا حتى ولو كانت السيارة باردة قبل التشغيل والحمدلله حرارة مافي تحت النص على طول اروح فيها خط طويل نفس الشي واطلع فيها جبل الهدى ومافي حراره الحمد لله بس الي محيرني ليش ضغط الهوا الي فيها والديتر ما اشوفو ياخذ مويه من القربه يعني المويه الي في القربه نفس الشي ثابته ارجوووووكم ساعدوني اخاف تكبر المشكله علي . . .

قبل يومين احد الزملاء خبط موتره بسبب البلف معه فكس ار 2003 يقول كنت ابسافر من الأحساء إلى حائل ومشى فبل غروب الشمس وبعد 10كلم يقول حسيت ان السياره اختلف اشتغالها يقول وقفت وطفت المكينه وفتحت الكبوت إلا المكينه حاميه جداً تتوهج من الحراره ونظر ألا الخرطوش السفلي طالع والماء خالص يقول ان السبب هو البلف قفل وسبب الضغط اللي ادى إلى انفلات الهوز وداه ورشه وعيا يشتغل وفكو مكينته , يقول قبل عدة اشهر اعطاني انذار لأنه انفجر الأديتر معي بس يقول ماجزمت انه من البلف ,, واكثر مايخلي البلف يجيم هو الماء التجاري ومن الأفضل تغييره كل عدة سنوات بأصلي ,البلف كان لي معه تجربه بكابرس 89 إذا وصلت 140 وصلت الحراره النصف وفكيت البلف ووضعته بقدر ماء وحطيت الجديد مع القديم وولعت الغاز على القدر الجديد فتح على75درجه والقديم فتح فتحه ضعيفه عند قرب غليان الماء وكتشفت المشكله بهذي التجربه ,, اللي يخلي البلف يفتح يوجد بستم مركزي يتأثر السائل اللي داخل بالحراره وبأنتضام واحياناً يصدي البستم الصغير هذا وتصعب حركته ,,انا كنت احسب اللي يتأثر بالحراره الياي نقسه لين فلشت البلف وعرّضت البستم للحراره فوجدته يخرج وإذا برد يرجع وبكل الحالتين حركته قويه لأنه يستطيه ان يتفوق على قوت النابض القويه نسبياً

مشكور على التوضيح (البلف يحمي المحرك لكن ممكن يسبب كارثه إذا اهمل)

لا اخوي تقدر تقول انه البلف وممكن تقول الرديتر وممكن الراس

بس اخوي
للمعلومية فقط


اذا البلف خربان يحتمل حالتين اذا كان مسكر وما يفتح فهذا بيرفع عليك الحرارة على طول حتى بدون ماتمشي وحتى بدون مكيف


واذا كان مفتوح وما يشتغل او معلق ومفتوح فهذا معناه انك تمشي وتلقى الحرارة تنزل للسي تحت واذا وقفت ترتفع للطبيعي

فسالفة انك اذا مشيت 100 ترتفع هذه اما رديتر او راس مكينة وكتبت في الورشة هنا كيف تعرف ان الراس خربان

وبالنسبة لطرمبة الموية تقدر تعرف اذا خربانة عن طريق دعس البنزين والرديتر مفتوح اذا فيه دفع موية قوي معناه تمام اما اذا لا فهذا يعني انها ضعيفة ولازم تغيرها

اخ bilany2003 ارجو مساعدي

انا اذا مشيت 100 وفوق وانا مشغل المكيف

ترتفع الحراره رحت للصناعيه قالوا لازم تسيخ الرديتر

سيخت الرديتر ولا راحت المشكله

هل المشكله من البلف ؟؟

صحيح هو مجرد سائل وهذه هي فكرة تصميمه لكن الشيء السائد عند اغلب الميكانيكيين ان ضغط البخار هو اللي يفتح البلف وهذا غلط والدليل هو المقطع والتجربة اللي انا سويتها

نفس الياي يوجد في سال قابل للتمدد او لي التقلص