السلام عليكم ...........
حسب تجربتي السيارة الا وهي السوناتا 2009 ستاندر مواصفاتها كالتالي واذا في شي ناقص لاحد يبخل علينا في الردود :
ماشالله كأنها فل..
الماكينة : 2.4 بقوة : 179 حصان :xyxthumbs: يعني 180 :c0214: من عندي
القير خمس نمر ... او انه اربع نمر اقوى لكن كذا اريح للمكينة والبنزين
قير اوتوماتيك + عادي(تيبترونك)
كشافات ضباب
الأنوار الأمامية عدسات
قبضات الباب والمرايات والأحزمة الجانبية نفس لون السيارة
القزاز الأربعة كهرب
المضلات الواقية من الشمس الإثنين يوجد فيها مرايات وأنوار عند فتح الغطاء
سيديه بدون كاسيت ... كل الفئات كذا بس الفل 6سيديات وانا واحد فقط
مكان في الأعلى للحفاظ على النظارة:ch19:
لما تعدي السيارة اربعين تقفل الأبواب اوتوماتيك
ايرباق للسائق فقط
طبعا في الموديل 2009 حطو شي في الياي او المساعد ما ادري اش هو بس مكتوب في الكتالوج
فايدته انك تتحكم باسيارة اكثر في الطرقات السريعة
عيوبها ... احس اني ظلمتها لاكن بصراحة يعني ...؟
صوت الطقطقة مزعج مرة وتسمعه اكثر شي عند المطبات او اذا وقفتها عند الشمس ..
عند المطبات الإصطناعية تسمع صوت كأن احد ظرب صحن الرز حق الولايم ... واضح .؟؟ يارب القى حل بس؟؟
عند الدعسة في البداية . اذا دعست وسحبت رجلي عن البنزين اسمع طققق عشان تبديل النمرة للثاني ما أدري طبيعي ...؟ لكن صوتها مسموع
تحس انها في الرساوة بين الجيد والجيد جدا... بس احسن من الكراون والماركيز وعزل الهواء احسن من الكراون ..
الدركسون فيه هزة خفيفة مرة بالذات عند 120
السيارة تنقز احسها طبيعي بس مو عاجبتني لأني ما اقدر اثبت رجلي في الخط تعرفون الخطوط في السعودية مرررة محترمة:smilie16: بسسسس
لاحد يستحقر السيارة او يزعل اني حطيت العيوب .. ارجو التفاعل
ويعجبك في السيارة قطع غيارها يعتبر رخيص
وأهم شي انو لقينا بديل من تويوتا.. خلي بو ....؟ يصدي بكبره مش سياراتو
ما اقصد اني انزل قدر تويوتا ... اضن واضح قصدي
واذا في شي في الأيام القادمة بس انشالله اشوف المميزات مش العيوب لأني اشوفها ماشالله عملية
تحياتي وأرجو التفاعل مع الموضوع
