قبل 6 شهور عملت صيانة كاملة لسيارتي مونديو بما في ذلك تصفية المكينة (بواجي-اسلاك بواجي - فلتر هواء-صفاية بنزين-كويل- تنظيف بخاخات- بلف بخاخات)
الاسبوع الماضي ظهرت تفتفه في السيارة ازعجتني بمجرد انك تزود الدعسة شوي تبدأ تقطع وكنها مكتومة اذا طفيت وشغلت تسلك فترة وترجع
مشيت بها كم يوم صار التقطيع مستمر تطفي او لا ما فيه فايدة
رحت الوكالة بالطائف سويت فحص كمبيوتر قال تصفية قلت مو معقول قبل 6 شهور مسوي تصفية
وجدت شخص عندهم معه فورد اكسبيدشن ماشي 18000
كشف عندهم قبل اسبوع وقالوا له تصفية يقول ما صدقتهم ورحت كشفت في جدة قالوا نفس الكلام
قال لهم تصلحونها على الضمان قالوا له رح كلم مدير الصيانة
يقول رحت للمدير وتهاوشت معه قال المشكلة من البنزين مو من الشركة عندنا سيارات 2009 نفس وضعك والبنزين 95 له تقريبا اسبوعين مسوي لنا مشاكل مع العملاء واكتشفنا انه فيه نسبة دهون عالية وخاطبنا ارامكو وللحين ما ردوا............
هل كلام المدير منطقي؟؟؟؟؟
من يتحمل تكاليف الصيانة؟؟؟؟؟؟؟؟؟؟
هل من الاعضاء من واجه نفس المشكلة؟؟؟؟؟؟
آآآآآآسف على الاطالة ويعلم الله انني لا اريد ان اثير بلبلة انما للتاكد والتحذير في حالة كان الكلام صحيح
دمتم بود
