السلام عليكم ورحمه الله وبركاته
25/5/1428هـ إلى 25/5/1430هـ
أزيرا فل كامل 2007م 3.3 سي سي اللون لؤلؤي
ماشية إلى الآن 51177 كيلو
بعض الصور
الصور أخذتها قبل اسبوعين وليس من وقت التاريخ لان الجو أمطار وغبار فمهما غسلت في نفس اليوم تغبر
السيارة تمام التمام مافيه مشاكل مثل حالة الوكالة
والعزم والفرامل ممتازة ولا توجد بها اي مشاكل ميكانيكية أو كهربائية
المواصفات ما يحتاج لها ذكر الكل يعرفها
بالنسبة للعيوب
1-الديكور له زنة لكنها ما زادت ولا نقصت بين الزجاج الامامي وأعلى الطبلون جهه السائق أوقات تظهر وأوقات تختفي وخاصة وقت الظهر تختفي تماما
2- النور العالي مو ذاك الزود يحتاج لرفع أو تغيير زينون بسبب تمركزه بالمنتصف وضعف النور عن النور الواطي زينون
3- الأزيرا الي بشاشة تاخذ سي دي واحد فقط
4- سيارات أصغر من الأزيرا وفيها الدخول بالبصمة والتشغيل بزر والأزيرا مافيها
5- الساعة والشاشة غير واضحة اذا جت عليها الشمس تحتاج إلى اضائة تضاهي ضوء النهار أو إنهم يخلونه في ظله
6- اللون البيج الداخلي للسيارة يتسخ بسرعة بسبب لونه الفاتح
7- القير بطيء الاستجابة عند الدعسات المفاجئة ياخذ وقت وبعدين يعطيك العزم
8- عيب تذكرته بعد ذكر عضو لبعض عيوب السيارة وهو ضيق مساحة الدرج الي أمام الراكب الأمامي
9- شاشة الملاحة تحتاج إلى تحديث شوارع وفيها بعض المدن الملاحة فيها ناقصة
هذي هي العيوب الي أذكرها وإليكم الأشياء الي غير تها استهلاكية
1- الزيت للمحرك كل 2500 كيلو والسيفون كل 5000 كيلو
2- الأقمشة طقم كامل وغيرتها عند 46000 كيلو تقريبا بم إنه الخلفية كانت لا تحتاج إلى تغيير
3- زيت القير تم تغيير على 50120 كيلو وهذا بطلب من الوكالة بأنه الزيت جيد بس لازم يتغيير على المسافة هذي عشان ما تتكون شوائب ووافقتهم
بالنسبة للمشاكل إلي حصلت لي
1- صدمة بالرفرف الامامي جهه السائق لها تقريبا أكثر من سنة ونصف ومازلت أعاني من اختلاف لون الرفرف عن السيارة والسبب صعوبة مزج اللون الؤلؤي بس غير واضح
2- شق في مكان الكيس الهوائي بالنسبة للركاب الأمامي أعلى الطبلون وتم تغييره على الضمان والسبب الضعف الزائد عن عمل مكان لخروج الكيس الهوائي
3- الستارة الخلفية تم تغييرها على الضمان لظهور صوت طقطقة اثناء النزول والصعود طبعا طقطقة خفيفة بس غيرتها احتياطا على الضمان
4- تغيير اللمبة الخاصة باللوحة الخلفية الجهه اليمنى لانه عند تشغيلي النور تكون وحدة طافية والثانية شغالة ولازم تضرب فوقها وتشتغل وغيرتها على الضمان
5- مرة شغلت السيارة وكان قبلها في عج وأول ماشغلت سمعت صوت فرقعة بالمكينة وبصوت عالي
لكن كان يبيلها دعس لأنه احتمال شوية غبار دخل على المكينة واختفت المكشلة لها تقريبا سنة
6- ظهور صوت في الهوبات الكفر الخلفية اصوات مثل الحديد يحك في بعضه لكن راحت لحالها وتقريبا لها أكثر من سنة من اختفائها
هذي الي أذكرها من المشاكل الي واجهتني وأتمنى اني مانسيت منها شيء
وأتمنى إني أفدتكم في تقرير المختصر لحالة السيارة لمدة سنتين كاملة بتاريخ اليوم 25/5/1430هـ
أخوكم بندر
