حبيت يا أخوان إني أضيف على مشكلتي إللي صار لي أكثر من سنة ونصف تقريباً أعاني منها،، وطرحتها في ورشة المنتدي ومنتدى السيارات الأمريكية وكانت الحلول متابينه (( عموماً المشكلة باختصار إن السيارة سليمة لا تقتطيع أو تفتفة وعزمها طبيعي إشتغالها هادئ وطبيعي،، اللهم إنها مرات ولاسباب مجهولة بالنسبة لي و خصوصاً لما مرات أكون مطفيها وأرجع أشغلها بعد فترة وجيزة
ما تشتغل وأحتاج عشان السيارة تظل شغالة إني أضل داعس على البنزين و محافظ على مستوى الأربي أم تحت الواحد أو عليه عشان ما تطفي وأدعس البيرك عند الحاجة برجلي اليسار لأني من أشيل رجلي عند البنزين السيارة تطفي... قد تطول هذه المشكلة وتستمر طوال اليوم وقد تعتدل وأنا أسوقها لأني أحس السيارة مرة وحدة طفرت فأعرف في هذه اللحظة إني أقدر أسوقها طبيعي مثل بقية خلق الله. ويمكن للي يتابع ما عرضته من قبل والحلول إللي أنطرحت يعرف حجم معاناتي......
ناس قالوا حساس هواء وناس قالوا حساس الكام شافت وناس قالوا حساس الدعسة وناس قالوا فلتر البنزين وناس قالوا الفيول بامب أي طرمبة البنزين،، وكان واحد من المشاركين ما اذكر أسمه يعاني من نفس المشكلة ونصحته بالوكالة وطلبت منه يزودني بالحل لأن ما كان عندي مقدرة على مصاريف حرامية الوكالة... الزبدة أتمنى أنه يقرأ نتيجة الفحص اللي سويته يمكن يستفيد...
ويدت السيارة الوكالة وطبعاً قعدت عندهم من الأسبوع الماضي وأضطرت أطلع سيارة أجار عشان أقدر أداوم الشغل والأجار ما يرحم عندنا اليوم ب 130 ريال وخبركم صار لها السيارة أكثر من أسبوع لحد اليوم على فحص هالكمبيوتر....:a1120(121):
واليوم كلمت الوكالة وقالوا السيارة كلشي فيها سليم وبذات الحساسات والخللي 100% كهربائي ولكن يشير تقرير الكمبيوتر إلى وجود تهريب أو تماس كهربائي سبب تهريب في الكهرباء الواصلة إلى الأجكتور ما أعرف شسمونه أنتو بالسعودية وقطر وبقية دول مجلس التعاون ... حالياً قاعدين يبحثون عن مكان الشورت أو التماس اللي صاير ومو عارف شقول السيارة لو فيها تماس يفترض إن المشكلة ما تروح وترد إلا لما يزول السبب وهو التماس أو وصول الكهرباء بالشكل المطلوب للإنجكتور
وقاعدين الأخوان بالوكالة يدورون بالنظر بين الأسلاك وهذا شي مو معتقد إنه صحيح فهل لهذا السبب أساس من الصحة وهل من ضمن أعراض التماس على ما يدعون من أن تقرير الكمبيوتر شخصه إن الكهرباء ما توصل كما يجب للإنجكوتور وهل هذا ايسبب إن السيارة مرات تطفئ ومرات لأ.
الوكالة******وخايف آخذها مكان ثاني يزيد الطين بله وهي للحين بالوكالة...:smilie20: .
وعندي كازكيت المنيفول يحتاج تبديل والوكالة رافضين يقولوا لازم تغير الكازقيت والدبة مع إن الدبة سليمة ما فيها شي يعني مو مبطوطة بس الصوت زاد ومو بشكل مزعج للحين و ولعت لمبة الجيك إنجن :a1120(82):
حاب الأخوان المهندس أو ميكانيكي السيارات يطلعون على مشكلتي ويعطوني تحليل وحل للمسألة حتى لو في كرجات بالسعودية بالدمام أو الخبر بروح بشرط تكون زينة وفاهمة شغلها ما أبي أحد يلعب ويجرب بالسيارة حرام السيارة ما أفكها إلا بالوكالة حتى البواجي هناك بس أول مرة يصير عندي خلل مو معروفة شنو قصته ويكون تصليحة مكلف بالنسبي لي .. :a1120(86):
يعطيكم العافية وأتمنى أسمع ردودكم قريباً.
